“IKSIKNAK THINLUNG”

Baibal Caanghril:

“Ka duhdawtmi pawl, ziangtik khalah phulak tum hlah uh; Pathian thinhengnak sawn in cumi cu tuahseh. Ziangahtile Ca Thianghlim sungah, ‘Keimah in phu ka la ding; Keimah in ka leh-rul ding, tiah Bawipa in a ti,’ tiah a um. Cule Ca Thianghlim in, ‘Na ral a ril a rawng asile rawl pe aw; a ti a haal asile tidai pe aw; cutiih na tuah asile a lu-thlungah meiling na ret a si ding,’ a ti. Ṭhat lonak in lo neh hlah seh; ṭhat lonak kha ṭhatnak in neh sawn aw” (Rom 12:19-21).

Baibal siarbet: 1 Samuel 18:6-16.

“PATHIAN IH HRILNAK”

Baibal Caanghril:

“Khrih thawn kan pehzom awknak thawngin Pathianin kannih cu Amah ih hmaiah mi thianghlim le mawh nei lo si dingin leilung a sersiam hlan hman in Amah ih ta-ah in rak hril zo.  In duhdawt ruangah Pathian in Jesuh Khrih thawngin a faale ah in canter ding cu a lungawi zawng le a duh zawng in rem a rak ruat cia a si” (Efe. 1:4-5).

Baibal siarbet: Efesa 1:3-14

THLACAM SAK AWKNAK IH THUPITZIA

Baibal Caanghril:

“Taimak in thla cam uh; thla nan cam tikah, Pathian hnenih lungawi thu sim phahin thinlung fimtein cam uh. Cuti nan cam tikah Khrih thuthup phuan theinak caan ṭha Pathian hnen ihsin kan ngah theinak dingah kannih hrang tla-ah in cam sak ve uh. Atu thawng sungih ka umnak khal hi cuih thu ka phuan ruangah a si. Curuangah Khrih Thuthang ka phuan tikah fiangzetin le ka sim ding hrimhrim a si mi vekih ka phuan theinak dingah thla in cam sak uh” (Kolose 4:2-4).

Baibal siarbet: Kolose 4:2-6

KAN NUN HLAWHTLING DINGAH ZIANGMI A THUPIBIK?

Mirang cafang ABCD…Z tiang cafang 26 a um. Cumi cafang pawl cu hitin nambat pek hnik sehla.

A=1, B=2, C=3, D=4, E=5, F=6, G=7, H=8, I=9, J=10,
K=11, L=12, M=13, N=14, O=15, P=16, Q=17, R=18, S=19, T=20
U=21, V=22, W=23, X=24, Y=25, Z=26

Atu cumi nambat pawl cu anmah le cafang ciar hrangah ai-awh in a um zo. Asile nunnak hrangah zatek kim in hlawhtlin theinak dingah ziangmi a thupibik timi kan ṭuat hnik ding.

1. Hnaṭuan zuamnak (Hard Work)

H+A+R+D+W+O+R+K
8+1+18+4+23+15+18+11= 98 %

Curuangah hnaṭuan zuamnak in 98% tiang hlawhtlinnak in pe thei.

2. Theihnak (Knowledge)
K+N+O+W+L+E+D+G+E
11+14+15+22+12+5+4+7+5 = 96 %
Theihnak famkim kan neih ahcun 96% tiang kan hlawhtling thei.

3. Duhdawtnak (Love)
L+O+V+E
12+15+22+5 = 54 %
Duhdawtnak cun hlawhtlinnak 54% lawng a pe thei.

 
4. Vanṭhatnak (Luck)
L+U+C+K
12+21+3+11 = 47 %
Vanṭhatnak in hlawhtlinak 47% lawng a um. Asile hlawhtlinnak hi vanṭhat ruangah a si hrih lo. Hlawhtlinnak 100% ngahnak thu a um ko ding… ziang a si pei?.... umm…. Paisa ah a si ding!!!

5. Paisa (Money)
M+O+N+E+Y
13+15+14+5+25 = 72 %
A si cuang hrih lo. Paisa in hlawhtlinnak hrangah 72% lawng a tuah thei. Asile hlawhtlinnak kim pe theitu cu ziang a si pei?

6. Kaihhruainak (Leadership)
L+E+A+D+E+R+S+H+I+P
12+5+1+4+5+18+19+8+9+16 = 89 %
Kaihhruainak a ṭhat ahcun 89% tiang a hlawhtling thei.

Thubuai a ummi hmuahhmuah cu zianguangah timi a phi hawl a ṭul. Asile cuih buainak ih a phi kha thinlungput ah retin zoh hnik sehla… ok…thinlungput daan kan zoh hnik ding.

 
7. Thinlungput daan (Attitude)
A+T+T+I+T+U+D+E
1+20+20+9+20+21+4+5 = 100 %

A phi kan ngah ta riai. Kan nunnak ah hlawhtlinnak 100% kan ngah theinak dingah kan thinlungput daan ah a um a si cu! Kan thinlungput daan hi a thupibik a si cu!!

Curuangah “thinlungput daan in ziangkim a cangter thei” (Attitude is everything) an ti ṭheu. Kan thinlungput um daan kan thleng ahcun kan nun pumhlum in thleng ter thei a si cu!

Atu a phi ziang a si, ti kan thei ngah thlang… ziang kan tuahbet pei???

Duhdawtnak le duhsaknak thawn,

CJ Hrang Hmung.

Manila, Philippines.

July 29, 2013.

Ref: Pay-sattu-doh-nar-kho-yar (ေပးဆပ္သူတို႔နားခိုရာ)

JESUH KHRIH THEIH TIMI CU ZIANG A SI?

(What is about Knowing Jesus Christ?)

Baibal Caanghril:

“Thildang ziangtinkim khal hi ziang hmuahhmuah hnakin a sunglawi sawnmi ka Bawipa Khrih Jesuh ka theih ruang ahcun sunnak pittawp ah ka ruat a si” (Filipi 3:8).

Baibal siarbet: Filipi 3:7-11.

GREAT PHILOSOPHERS

KHUARUATTHIAM HMINTHANG PAWL

          Leitlun ah mi thupi, mi hminthang tamzet an um. Fimthiamnak lam, uknak lam, thilsiamtharnak lam, sii lam, cet thilri lam, ral donak lam, electronic lam, tvp. hmun tampi ah an thupitnak hmun a phunphun in a um. Cumi pawl lakah leitlun khuaruatthiam (Philosopher) pawl khal hi mi thupi hminthangzet tampi sungah an tel ve. Himi khuaruatthiam pawl ih sankhat hnu sankhat an ruahnak le an hmuhtonmi cu a dang phahphah na’n a tlangpi thu in an bang aw. 

NUN CU KHRIH A SI (To Live is Christ)

Baibal Caanghril:

“Nun timi hi ziangso a si? Kei ka hrang ahcun nun cu Khrih a si. Curuangah thih khalle a hlawk sinsin” (Filipi 1:21).

Baibal siarbet: Fil. 1:21-26

THU (WORD) a si lo le SHALOM

THU (WORD) timi cu ziangso a si? Cuih THU ih a sullam thuk hi teh ziangso a si pei?

     Thukam Hlun sungah “THU” timi ṭongfang hi Hebru ṭong in “Dabar” tiah an ko. A sullam cu “thupek”, “ṭong”, “tuahnak” lo le “ṭuannak” ti pawl tla an si. Sim duhmi cu Pathian ih ṭongkam menmen si loin pakhat khat a tuah a si lo le a cangsuak ter tinak a si.

     Pathian ih ṭongkam pakhat khat hin thil pakhat khat a cangsuak ter ṭheu. Pakhat khat a tuahsuak ter ringring ṭheu. “Cun Pathian in tleunak um seh a ti ih tleunak cu a um” (Seem. 1:3). “Bawipa in vanih ummi hmuahhmuah a thu in a seemsuah. A ṭong in ni, thlapi le arsi pawl a tuah” (Saam 33:6) tiah Baibal sungah fiangte’n kan hmu.

RALRINGTE IN UM UH (Be Sober, Be Watchful)

Baibal Caanghril:

“Fimvarte in um uh! Ralringte in um uh! Nan ral Satan cu deh ding hawl ah a huuk reromi kiosa bangin a tawi a vak zok rero a si. Nan zumnak ah hngetkhoh uhla Satan cu do uh, ziangahtile leilung tlun khuazakipih a ummi Khristian unau pawl khal hi bangtuk in harsatnak hi an tuar rero ve a si ti kha nan thei” (1 Piter 5:8-9).

Baibal Siarbet: Matthai 24:42-44; 25:13; Efesa 5:15;

JESUH KHRIH KAN ZIANGKIM

Baibal Caanghril:

“Ziangahtile Pathian in Khrih sung ihsin ziangzonza vancung le leilung tlunah siseh, hmuh theimi le hmuh thei lomi siseh, thlarau lam cahnak huham neitu le bawi le uktu pawl le thuneitu pawl siseh a tuah. Pathian in van le leilung ziang hmuahhmuah Khrih sungin a tuah ih Khrih hrangah finkhawm ṭheh dingin a tuah a si” (Kolose 1:16).

Baibal siarbet: Kolose 1:13-20.

Bawi Jesuh cu kan ziangkim a si. Pathian ih sersiammi hmuahhmuah cu Jesuh Khrih sung ihsin tuah le sersiammi an si thluh. Jesuh Khrih tel loin sersiammi zianghman a um lo, timi hi Baibal ih in simmi a si. Paul ih nganmi Kolose cakuat kan zoh tikah a thupibik cu zirhsualtu pawlih zirhsualnak pawl a donak thu le zumtu pawl thudik theifiang thei dingih simfiangnak a neihmi pawl kan hmu thei. Hinah hin zirhsualtu kan ti tikah anmah lam ihsin cun a dikmi tla a si thei ko. Sikhalsehla Pathian thudik um daan thawn zoh le thlir tikah an simmi le zirhmi pawl a dik lozia Paul in a langter duhmi sawn a si. Tu ahhin Bawi Jesuh thawn pehpar aw in zirhsualtu pawlih sim daan a dik lo zia Paul in ziangvekin a simfiang timi kan zoh tlang hnik ding.