Saturday, October 12, 2013

JESUH KHIRH IH RIANTU ṬHA


Baibal Caanghril:
          “Hi zirh awknak hi Khristian kan unau pawl na sim a si ahcun Khrih Jesuh riantu ha na si ding. Nangmah khal na thlun rero zomi a dikmi thuzirhnak le zumnak ongkam ihsin thlarau lamah na cawm aw ding” (1 Timote 4:6).
Baibal Siarbetding: 1 Timote 4:1-16.

Thursday, October 10, 2013

LAI MINO LE KUM ZABI 21 HRANG TIMTUAHNAK

A  liamcia zomi kum zabi 20 sungah leitlun san thuanthu kan thlirsal tikah raalpi veihnih a um ti kan rak hmu thei. Mi tampi cu raal ruangah an thi, an siatsuah ih raalih ihnung rapthlakza khal kan rak hmu. Atu hi kum zabi 21 sung kan lut zo ih ziang thil pawl a cang pei? Hi kum zabi 21 sungah hatnak lamih a hoitertu ding pawl cu zovek pawl so an si pei? Kum zabi thar hi hangthar nonawn pawlih kut sungah a um kan ti le kan palh lo ding. Curuangah a hatnak lamih a hoitertu ding pawl cu santhar mino pawl uanvo ah a rak cang ta. A hleice in kan Laimi hansonak hrangah santhar Lai Mino pawlin kan neihmi zalennak, fimthiamnak, nun daan mawi le hlawhtlinnak pawl a hman daan thiam hi a thupi zetih a ulzetmi khal an si. Thil ha timi pawl hi fimkhur zetin zir tahratin kan miphun khaisannak hrangah Lai Mino pawlin uanvo tumpi kan nei.
       ZIR ding le timtuah ding tampi kan neih mi sungin a tanglam thu pawl hi ruatkhawm tlang hnik uhsi.