Thursday, January 17, 2013

MIFIM SI KAN CU ZO.


Atu kan san ah fimthiamnak hi a sang tuk zo. Nitin ser tharmi thil a phunphun a suak thar ringring. Cumi sungah kan theih ban lomi thil tampi a um ko ding. Kan thei ban cawk nawn lo. Pathian thu khal hi khuahlan kum thawng tampi lai ihsin an sim cia rero zomi a si. Atu khalah sim a si rero lai. Hitin sim le phuannak ah mi tampi hip theinak dingah thu a phunphun hmangin simphuang san a si. Zirhsual tampi a thleng thei. Curuangah fimkhur zetin thleidan thiam ding kan ul. Mi aa vekin um a theih nawn lo, mifim si dingah napin zuam kan ul ding. Mifim kan si theinak dingah kan ulmi ziang a si ti theiin zirh awknak tampi lakin Baibal ih sim le zirh duhmi hi hate’n kan theifiang a ul ding. Kan theifiang deuh theinak dingah Socrates ih thuhla tawite thawn a tanglam vekin tarlang ka tum hnik ding.

Sunday, January 13, 2013

REMDAIHNAK IH THUTHUP


(The Secret of Peace)
Filipi 4:1-9

Duhdawtmi zumtu u le nau pawl, kum thar sungah kan lut zo vekin kan thinlung, ruahnak thar thawn kan lut cio koding tiah ka zum. Zumtu kan nun ah “Remdaihnak” thawn kan khah thei ding hi a thupi zet. Hi thu thawn thazang lak cio dingah ka lo sawm duh. Filipi 4:1-9 sung kan siar tikah remdaihnak/daihnak (peace) ngah thei dingin a dotdot kaiso vivo ding a ulzia Paul in a sim. Pathian hnen ih a ra mi a dikmi remdaihnak ngah theinak dingah dot 6 tiang kai vivo a ul zia, himi dot 6 kan kai lo ahcun Pathian parih kan tuah ulmi kan pelh, kan tlolh lawng si loin kan hnauanpi le zumtu unau pawl khal kan tuahmawh theimi a si.