CJ HRANG HMUNG INTERVIEW
CT : : Kan dung rei hrih lem lo ah CT in hmaitonnak kan rak lo tuah zo nan tuittum ah mino pawl thapek phahin na hmuhdan malte lo suh kan duh. Kan Chin mi Bible tlawngkai hi kan tamzet ih cumi sungah thungaithlak ih kai maw, hnatuan paih cuca lo asilole fialcop ih kai ha tam sawn?
A hmaisabik ah caan ṭha in petu Pathian hmin ka thangṭhat. Thu in sut ruangah ka lungawi. Na thusuhmi cu a sawn daan ding thu harsazet pakhat a si. A tlangpi thu in ka hmuh daan ka sim mai ding. Hlan deuh ahcun kan Chin mi Baibal tlawngkaitu tamzet sungah Pathian thu duhzet ruangih thungaithlak in a kaitu hnak in thudang a phunphun ruangah a kaitu an tamsawn hmang maw tiah ka ruat. Cumi sungah na thusuhmi hnaṭuan paih cuca lo pawl le fialcop ih kai pawl khal tampi an tel thei men ding ka zum. Asinain tulai ahcun thinlung takih Pathian hna ṭuan a duhtu taktak pawl lawng an kai rero thlang in ka hmu.
CT : : Bible tlawng ih Principal pakhat sinak in kan Laimi Bible tlawng lawnglawng ih kan benawk thluh hi a ttha maw ttha lo tiin na hmu?
Kan Chin mi tampi Baibal tlawngih kan benawk thluh hi ziang ruangah a si, timi thei hmaisa sehla a ṭha ding tiah ka ruat. Ka hmuh ve daan ahcun Pathian thu duh taktak ruangih Baibal tlawng an kai a si ahcun a ṭha zetmi a si. Pathian thu le ram karhzainak hrangah thazaang tampi in petu an si.
Khatlam ah a si theimi thu pakhat cu hitin Baibal tlawng kai kan tam ciamco hi kan rampi dinhmun thawn khal tampi pehzomnak a nei ding tiah ka ruat. Kan ram a ṭhat lo tikah nu le pa pawlin an faate pawl hrangah hnaṭuan ngah ol theinak pakhat ah an ruatih Baibal tlawngah paih le paih loin an rak kai ter ruangah khal a si thei. Acozah tlawng kum reinawn a pit ruangah degree ngah theinak umsun a simi Baibal tlawng kai an fial awk ciamco khal a si thei.
CT : : Pathian thunung zirnak hmun a simi Bible tlawngkai, tlawngta rori tlawng sii-kan (Daan le Duun) thlun thei loih mualpho kan um ttheu hi ziangruangbik ah tiin na hmu?
Thusuhnak hmaisabikih ka sim zo vekin Pathian thu duhzet ruangih thungaithlak in a kaitu pawl cun tlawng ih tuahmi daan le dun pawl ah an buai dah lem lo. Ziangahtile Pathian thu duh taktak tu pawl hi daan le dun in a uk lo ih anmah sawn hi daan le dun sungah um cia an si deuh ṭheu. Fialcop le paih lo cingih a kaitu pawl lawng daan le duun an pah ringring ṭheu ih a hrekkhat cu mualpho in an um ṭheunak a si, tiah ka hmu.
CT : : Bible tlawngkai maw acozah kumpi tlawngkai ah taksa thinlung thlarau hrang khal ah khuimi a ṭha deuh ding?
Himi thusuhnak cu sim ding a har pam. Hi leitlun ah a nungmi minung kan siih leitlun thu thawn kan hlat aw thei thluh lo. Baibal tlawng kai pawl le Pathian hnaṭuantu pawl lawng hi Pathian zumtu kan si cuang lo ih zumtu tampi in Baibal tlawng kai le Pathian hnatuantu an si thluh ve lo. Thinlung, Taksa, Thlarau kilkip ṭhanlen pitlin theinak dingah kan thinlungput daan hi a thupibik ko. Pathian duh taktak lo ih Baibal tlawng kai rero pawl hnakin Pathian duhzet ih acozah kumpi tlawng kaitu cu a ṭha sawn ding tiah ka ruat.
CT : : Chinmi acozah kumpi hnattuan kan umlo tluk hi ziangruangah tiin na ruat?
Himi thu cu thu tampi ruangah a si thei. Cumi sungin pakhat te ka sim duhmi cu a liamcia caan ah acozah kumpi lam in ca ih ngankhummi cekci cu an langter lo nain Tlangpar mi le Khristian si hnuhnu cun ziangvek acozah hnaṭuantu an si khalle sinak sang ah an khaisang duh dah lo tiih thuthup an neihmi cu kan theih cio mi a si ko. Sinak sang ih a kai ban theitu cu pahnih khat tluk fang lawng an um a si. Curuangah dinhmun sangpi kan thleng thei cuang lo ding ti theih cia cun acozah hnaṭuan ding hi kan thinlung sungah a um cio lo a si hmang ding, tiah ka ruat.
CT : : Bible tlawngkai ttheh mitam sawn na hmuhmi ah ziangsi an ttuan tlangpi?
Ka hmuh ban tawk ah Baibal tlawngkai a ṭhehmi tam nawn cu Pathian hnaṭuan in an um ko. A dang tawkfang pawl cu anmah le umnak kawhhran le dinhmun pawl ruangah Pastor sinak co ban lo tampi an um. Cubang pawl cun Pathian hnaṭuan hnakin anmah le pumpak remcangmi hnaṭuan an ṭuan cio in ka hmu. Pathian hnaṭuan a duh taktak tu pawl cun anmah le kawhhran lamin an hmang lo khalle a cang thei tawkin ramthar nor in missionary an cang, Evangelist ah an cang. Cutin Pathian hna a ṭuan thotho tu tampi an um in ka thei.
CT : : Bible tlawng thuthawn pehpar in mino pawl hnenah cah duh na neih le?
Mino tampi in kan no lai caan ihsin Pathian thu sungah kan ciahneh awk a ṭul. Baibal tlawng kai tengteng lo khalle Pathian thutak sungah nung thluh ding kan ṭul. Amah lawngte Pathian ih kawhnak ka co taktak tiah a theifiang awtu le Pathian hnaṭuan ding ah kan pum ka pe aw rori ding tiih ṭhencatnak a neitu mino pawl cu thinlung ṭhencatnak nei fel hmaisa hnu ah thungaithlak in Baibal tlawngah lut cio zir cio sehla duh a um.
CT : : Online ih Sermon na ngan ttheu hi na ngan hlanah ziangtluk timlamawknak na nei ttheu?
Online ih sermon ka nganmi pawl lakin pathum li hrawng cu hlan deuh ih karak ngan cia dahmi pawl an si. Sermon ka nganmi tam sawn cu Kawhhran sungih thu ka simmi pawl an si deuh. Thusim dingin ka timtuah ṭheu tikah Baibal bungcang si maw, a thuhla si maw, thlacamnak thawn ka ap hmaisa. Cuṭheh hnu ah sim duhmi point pawl hawlin Baibal ka siar, simfiangnak cabu pawl ka siar. Cuihsin note ka lak ih a tawinak in ka ngan. Cutin thu ka sim ṭheu.
Online sermon ka ngan ding tikah a tawinak ih ka nganmi pawl kha simfiangnak thawn ka rak nganbetsal. Curuangah ka sermon nganmi pawl hi a sau duhzet ṭheu. Siar paih lo hrangah cun a sau tiah an tanta ko ding. Asinain Pathian thu a duh taktak tu cun in siarsak tengteng ṭheu ti ka thei ih ka lungawi zet. A sau deuh ih ka ngan ṭheunak cu a siartu hrangah fiangzet in thei lawlaw ding hi ka duhsak ruangah a si ko.
CT : : Kan Chin cangandan, ttongfangkom kan hmandan hi a bangaw lomi a tam zet cu a si ko nan zatlang hmanmi vek hman hmang thiam lo Pastor/Evan hrekkhat online ih an cangan siar har fualfo an um hi ziangruangah a sibik tiin na ruat?
Himi thu hi kan Falam mi sungah kan buaipibikmi issue pakhat a si. A tlangpi thu ah kan thiam daan a bang aw lo ruangah a si bik. Keimah timi thinlung kan thlah thei hrih lo ruangah a si bik ko ding. Jesuh Khrih ih nun zohṭhim in tangdor nun kan zir nasa a ṭul lai. A hrekcu mi tampi in ziangtin ca an ngan ti an zir duh lo ruangah a si thei. Ca ngan daan bangrep cekci thluh lo hman ah a tlangpi thu in a bang awknak pawl hi a thlir daan thiam sehla, cuticun kan cangan daan hi nuamtetein a bang aw vivo leh ko ding. Online ih cangan siar har fualfo mi cu an nganmi ṭhatein an zohfel sal nawn lo ruangah a si bik ko ding, tiah ka ruat.
CT : : Pastor pakhat in bussiness a tuah phah hi sual in na hmu maw?
Pastor hi minung menmen a si ve timi theisak hmaisa sehla a ṭha. Kawhhran tawkfang ah Pastor ṭhatein an zoh, an tuamhlawm. Curuangah Pastor pawlin thudang ah ruat le buaipi ṭul loin kawhhran sungah ṭhatein hna an ṭuan thei. Cuvek kawhhran pawl cu an mal zet lai. Asinain kawhhran tampi ahcun an Pastor ṭhaten an tuamhlawm lo. An thei lo ruangah khal a si thei, thei cingin an ngaituahsak duh lo khal a si thei. A tlangpi thu in Pastor pawl hi kan hlawh a mal ngaingai. Kan ngahmi thlahlawh hi tenren theibik in kan hmang hmanah mah le innsang cawm-awknak hrangah a daih thei dah lo. Fanau pawl midang bang thei ve ding kan duhih fimthiamnak zir ter hman ah duh vekin kan ret thei lo.
A tawinak in kan sim asile cutin innsang nuntu khawsaknak hrangih harsatnak tampi a um ruangah mibangih nung thei deuh dingah tiin sumhawlnak a phunphun a tuahtu khal an um. Pastor in a innsangih nuntu khawsak thu ah buai ṭul lo tein thlahlawh khopkham in ngah sehla cutin sumhawlnak pawl khal an tuah hrimhrim lo ding. Curuangah pastor pakhat in business a tuah phah hi a sual maw? timi hi ṭhatein ruatsak thiam a ṭul. A innsang ah remcang zet in nung thei bang sehla business a tuah lem pei maw? A tuah lamlam lo ding. Remcang zet dinhmun ah um cingin business a tuah ahcun amai’ sual a si ding. Sikhalsehla a innsang dinhmun harsat ruangih a tuahmi a si ahcun a sual lem pei maw? Ziangtin nan ruat ve?
CT : : Tufang kan buaipibikmi Falam ih pura sak ding thuah, Minung kan ruahnak a bangaw cio loih, mihrek cun 'Zumtu/christian kan si kan ti aw ve ih, Pathian nung kan bia maw bia lo hman thei aw lo mi kan tam. Cu cing ih tui Falam ih pura sak ding thu ah tongpa do ih kan do' tiih rak ruat tawk an um. Himi ih na ruah/hmuh dan ziangtin ti in hlawm aw.
A si ko. Himi thu hi tuhrawng Facebook ka on caan poh ah ka hmu tambikmi thu pakhat a si. Himi thu thawn pehpar aw in ka ruah/hmuh daan maltein ka tarlang ve ding.
Atu kan san hi zalennak uar san a si. Zalennak hi thupibik ah kan ret. Zalennak ngah theinak dingah napin ka zuam cio. Tufang kan buaipibikmi thu hi zoh tikah “Biaknak lam” thuhla a siih sim ding a har pam in ka thei. Ziangahtile kanmah pumpak ciar in biaknak thu ah zalennak kan nei cio. Khatlam ah kan zoh asile cuih pura a sak tumtu hin amai’ biaknak hrangah taimak suahin a neihmi a pe siang zet tiah kan hmu thei. A biakmi a pathian hrangah siangzetin a pek. Cuih siannak thinlung a neihmi hi cawntlak pakhat a si.
Sikhalsehla a pathian biaknak pura a sak tumnak hmun hi Khristian tampi umnak hmun le ram ah sakbet a tummi hi cu thin nom lo za a si. Duh a um lo lawlaw. ‘Falam ih a ummi zumtu tamsawn pawl zianghman ka lo siar lo’ ti thawn a bang aw pang maw tiah ruah theih a si. Amai’ biaknak hrangah taimak a suah cu a si ko nan a tuah tumnak hmun hi a palh ko lo maw tiah ka hmu. Falan ṭhanso ter a duh ahcun pura sak si loin a dang ṭhansonak tuah ding tampi a um ko.
Amah lawngte kanmah zumtu pawl khalin zumtu Khristian malte umnak hmun ah biakinn sak ding kan timtuah nasa ṭheu fawn tikah a ruah daan ding a harzet. ‘Zumtu tambik umnak hmunah pura na sak thei lo’, ti fukfi sehla annih khalin ‘Buddhist tambik umnak hmun ah biakinn nan sak thei lo’ in ti ve cun kan mission hnaṭuannak tiang in siatsuah thluh pang pei maw ti hi ruah ding a um. Thinglamtah hmuah an hau thluh ih cuih hmun ah pura din hi cu ka duh lo lawlaw. A tlangpi thu in keimai’ ruah/hmuh daan ahcun Falam lawngah si loin kan Chin ram hrimhrim ah pura sak lo sehla ti hi ka duh daan a si. Curuangah zumtu a ti awtu kan zatein thinlungtak le lungrual takin napin thla kan cam a ṭul. Catbang loin thlacam ringring kan ṭul.
CT : : Mino pawl lawng kan cangvaihdan hiteh ziangtin na hmu?
Himi thu hi Mino pawl lawngih cangvaihnak in hmual a nei thluh lo ding. Mino pawlih taimak suahnak parah ka lawm nasa. Mino lawng si loin zumtu kan zatein lungkhat thinkhat nei in kutong zom aw in ṭangrual tlang ding kan ṭul tiah ka hmu.
CT : : Himi thuthawn pehpar in rinsanmi upa pakhat dinhmun in mino pawl hnenah na hmuhdan le ruahdan famkim deuh in in hlawm thei awla kan duh.
A tlun ah ka sim vekin “ṭanrual hi cahnak a si” ti hi kan thei cio. Curuangah zumtu mipi kan zatein kan ṭangrual a ṭul. Mino lawng in hna kan ṭuan tikah kan thin a rang tuk ih palhnak a um thei. Upa thusau ruatthei le thu ruatthiam pawl ron thei ringring sehla, cuihsin an ruahnak pekmi khal a tak in hmang thei sehla a ṭha ding. Cuticun mino upa ti um loin kan zatein ṭang tlang sehla, pawl tinkim lungrual in tang tlang sehla duh a um. Cutik lawngah kan hlawntling thei tengteng ding. A poi mi pakhat tiih ka ruahmi cu kannih Chin mi pawl hi Khristian kan si kan ti ko nain kanmah le pawl(denomination) ah kan ṭang nasa ih midang pawl zianghman kan siar ṭheu lo khal hi kan lungrualnak dawnkhamtu pakhat a si, tiin ka hmu. Phun le hnam, peng le ram ṭannak thinlung kan neihmi hin lungrualnak in siatsuah ringring. Cumi pawl hi kan remṭhat hmaisa a ṭul tiah ka hmu.
CT : : Na caan sunglawi pekin kan thusuhnak kimcangten in let ruangah kan lungawi.
Kei khal ka lungawi. Amah lawngte duhthusam vekin famkimzet in ka letfuh ngah lomi a um ahcun in ngaithiam hram uh. Nan duh lo zawng le nan ruah lo zawng ih ka let ngahmi a um pang khal le in theithiam sak dingah ngaithiam ka lo dil fawn. Minung hi kan famkim thluh thei lo ruangah famkim lonak parah le tisualmi parah thinlungput daan diktak thawn theithiam sak awk ding hi a ṭulzet in ka ruat.
Kan Chin ram ah a nung Pathian pakhat lawng sunglawi ringring ko seh, Amen.
CT : : Kan dung rei hrih lem lo ah CT in hmaitonnak kan rak lo tuah zo nan tuittum ah mino pawl thapek phahin na hmuhdan malte lo suh kan duh. Kan Chin mi Bible tlawngkai hi kan tamzet ih cumi sungah thungaithlak ih kai maw, hnatuan paih cuca lo asilole fialcop ih kai ha tam sawn?
A hmaisabik ah caan ṭha in petu Pathian hmin ka thangṭhat. Thu in sut ruangah ka lungawi. Na thusuhmi cu a sawn daan ding thu harsazet pakhat a si. A tlangpi thu in ka hmuh daan ka sim mai ding. Hlan deuh ahcun kan Chin mi Baibal tlawngkaitu tamzet sungah Pathian thu duhzet ruangih thungaithlak in a kaitu hnak in thudang a phunphun ruangah a kaitu an tamsawn hmang maw tiah ka ruat. Cumi sungah na thusuhmi hnaṭuan paih cuca lo pawl le fialcop ih kai pawl khal tampi an tel thei men ding ka zum. Asinain tulai ahcun thinlung takih Pathian hna ṭuan a duhtu taktak pawl lawng an kai rero thlang in ka hmu.
CT : : Bible tlawng ih Principal pakhat sinak in kan Laimi Bible tlawng lawnglawng ih kan benawk thluh hi a ttha maw ttha lo tiin na hmu?
Kan Chin mi tampi Baibal tlawngih kan benawk thluh hi ziang ruangah a si, timi thei hmaisa sehla a ṭha ding tiah ka ruat. Ka hmuh ve daan ahcun Pathian thu duh taktak ruangih Baibal tlawng an kai a si ahcun a ṭha zetmi a si. Pathian thu le ram karhzainak hrangah thazaang tampi in petu an si.
Khatlam ah a si theimi thu pakhat cu hitin Baibal tlawng kai kan tam ciamco hi kan rampi dinhmun thawn khal tampi pehzomnak a nei ding tiah ka ruat. Kan ram a ṭhat lo tikah nu le pa pawlin an faate pawl hrangah hnaṭuan ngah ol theinak pakhat ah an ruatih Baibal tlawngah paih le paih loin an rak kai ter ruangah khal a si thei. Acozah tlawng kum reinawn a pit ruangah degree ngah theinak umsun a simi Baibal tlawng kai an fial awk ciamco khal a si thei.
CT : : Pathian thunung zirnak hmun a simi Bible tlawngkai, tlawngta rori tlawng sii-kan (Daan le Duun) thlun thei loih mualpho kan um ttheu hi ziangruangbik ah tiin na hmu?
Thusuhnak hmaisabikih ka sim zo vekin Pathian thu duhzet ruangih thungaithlak in a kaitu pawl cun tlawng ih tuahmi daan le dun pawl ah an buai dah lem lo. Ziangahtile Pathian thu duh taktak tu pawl hi daan le dun in a uk lo ih anmah sawn hi daan le dun sungah um cia an si deuh ṭheu. Fialcop le paih lo cingih a kaitu pawl lawng daan le duun an pah ringring ṭheu ih a hrekkhat cu mualpho in an um ṭheunak a si, tiah ka hmu.
CT : : Bible tlawngkai maw acozah kumpi tlawngkai ah taksa thinlung thlarau hrang khal ah khuimi a ṭha deuh ding?
Himi thusuhnak cu sim ding a har pam. Hi leitlun ah a nungmi minung kan siih leitlun thu thawn kan hlat aw thei thluh lo. Baibal tlawng kai pawl le Pathian hnaṭuantu pawl lawng hi Pathian zumtu kan si cuang lo ih zumtu tampi in Baibal tlawng kai le Pathian hnatuantu an si thluh ve lo. Thinlung, Taksa, Thlarau kilkip ṭhanlen pitlin theinak dingah kan thinlungput daan hi a thupibik ko. Pathian duh taktak lo ih Baibal tlawng kai rero pawl hnakin Pathian duhzet ih acozah kumpi tlawng kaitu cu a ṭha sawn ding tiah ka ruat.
CT : : Chinmi acozah kumpi hnattuan kan umlo tluk hi ziangruangah tiin na ruat?
Himi thu cu thu tampi ruangah a si thei. Cumi sungin pakhat te ka sim duhmi cu a liamcia caan ah acozah kumpi lam in ca ih ngankhummi cekci cu an langter lo nain Tlangpar mi le Khristian si hnuhnu cun ziangvek acozah hnaṭuantu an si khalle sinak sang ah an khaisang duh dah lo tiih thuthup an neihmi cu kan theih cio mi a si ko. Sinak sang ih a kai ban theitu cu pahnih khat tluk fang lawng an um a si. Curuangah dinhmun sangpi kan thleng thei cuang lo ding ti theih cia cun acozah hnaṭuan ding hi kan thinlung sungah a um cio lo a si hmang ding, tiah ka ruat.
CT : : Bible tlawngkai ttheh mitam sawn na hmuhmi ah ziangsi an ttuan tlangpi?
Ka hmuh ban tawk ah Baibal tlawngkai a ṭhehmi tam nawn cu Pathian hnaṭuan in an um ko. A dang tawkfang pawl cu anmah le umnak kawhhran le dinhmun pawl ruangah Pastor sinak co ban lo tampi an um. Cubang pawl cun Pathian hnaṭuan hnakin anmah le pumpak remcangmi hnaṭuan an ṭuan cio in ka hmu. Pathian hnaṭuan a duh taktak tu pawl cun anmah le kawhhran lamin an hmang lo khalle a cang thei tawkin ramthar nor in missionary an cang, Evangelist ah an cang. Cutin Pathian hna a ṭuan thotho tu tampi an um in ka thei.
CT : : Bible tlawng thuthawn pehpar in mino pawl hnenah cah duh na neih le?
Mino tampi in kan no lai caan ihsin Pathian thu sungah kan ciahneh awk a ṭul. Baibal tlawng kai tengteng lo khalle Pathian thutak sungah nung thluh ding kan ṭul. Amah lawngte Pathian ih kawhnak ka co taktak tiah a theifiang awtu le Pathian hnaṭuan ding ah kan pum ka pe aw rori ding tiih ṭhencatnak a neitu mino pawl cu thinlung ṭhencatnak nei fel hmaisa hnu ah thungaithlak in Baibal tlawngah lut cio zir cio sehla duh a um.
CT : : Online ih Sermon na ngan ttheu hi na ngan hlanah ziangtluk timlamawknak na nei ttheu?
Online ih sermon ka nganmi pawl lakin pathum li hrawng cu hlan deuh ih karak ngan cia dahmi pawl an si. Sermon ka nganmi tam sawn cu Kawhhran sungih thu ka simmi pawl an si deuh. Thusim dingin ka timtuah ṭheu tikah Baibal bungcang si maw, a thuhla si maw, thlacamnak thawn ka ap hmaisa. Cuṭheh hnu ah sim duhmi point pawl hawlin Baibal ka siar, simfiangnak cabu pawl ka siar. Cuihsin note ka lak ih a tawinak in ka ngan. Cutin thu ka sim ṭheu.
Online sermon ka ngan ding tikah a tawinak ih ka nganmi pawl kha simfiangnak thawn ka rak nganbetsal. Curuangah ka sermon nganmi pawl hi a sau duhzet ṭheu. Siar paih lo hrangah cun a sau tiah an tanta ko ding. Asinain Pathian thu a duh taktak tu cun in siarsak tengteng ṭheu ti ka thei ih ka lungawi zet. A sau deuh ih ka ngan ṭheunak cu a siartu hrangah fiangzet in thei lawlaw ding hi ka duhsak ruangah a si ko.
CT : : Kan Chin cangandan, ttongfangkom kan hmandan hi a bangaw lomi a tam zet cu a si ko nan zatlang hmanmi vek hman hmang thiam lo Pastor/Evan hrekkhat online ih an cangan siar har fualfo an um hi ziangruangah a sibik tiin na ruat?
Himi thu hi kan Falam mi sungah kan buaipibikmi issue pakhat a si. A tlangpi thu ah kan thiam daan a bang aw lo ruangah a si bik. Keimah timi thinlung kan thlah thei hrih lo ruangah a si bik ko ding. Jesuh Khrih ih nun zohṭhim in tangdor nun kan zir nasa a ṭul lai. A hrekcu mi tampi in ziangtin ca an ngan ti an zir duh lo ruangah a si thei. Ca ngan daan bangrep cekci thluh lo hman ah a tlangpi thu in a bang awknak pawl hi a thlir daan thiam sehla, cuticun kan cangan daan hi nuamtetein a bang aw vivo leh ko ding. Online ih cangan siar har fualfo mi cu an nganmi ṭhatein an zohfel sal nawn lo ruangah a si bik ko ding, tiah ka ruat.
CT : : Pastor pakhat in bussiness a tuah phah hi sual in na hmu maw?
Pastor hi minung menmen a si ve timi theisak hmaisa sehla a ṭha. Kawhhran tawkfang ah Pastor ṭhatein an zoh, an tuamhlawm. Curuangah Pastor pawlin thudang ah ruat le buaipi ṭul loin kawhhran sungah ṭhatein hna an ṭuan thei. Cuvek kawhhran pawl cu an mal zet lai. Asinain kawhhran tampi ahcun an Pastor ṭhaten an tuamhlawm lo. An thei lo ruangah khal a si thei, thei cingin an ngaituahsak duh lo khal a si thei. A tlangpi thu in Pastor pawl hi kan hlawh a mal ngaingai. Kan ngahmi thlahlawh hi tenren theibik in kan hmang hmanah mah le innsang cawm-awknak hrangah a daih thei dah lo. Fanau pawl midang bang thei ve ding kan duhih fimthiamnak zir ter hman ah duh vekin kan ret thei lo.
A tawinak in kan sim asile cutin innsang nuntu khawsaknak hrangih harsatnak tampi a um ruangah mibangih nung thei deuh dingah tiin sumhawlnak a phunphun a tuahtu khal an um. Pastor in a innsangih nuntu khawsak thu ah buai ṭul lo tein thlahlawh khopkham in ngah sehla cutin sumhawlnak pawl khal an tuah hrimhrim lo ding. Curuangah pastor pakhat in business a tuah phah hi a sual maw? timi hi ṭhatein ruatsak thiam a ṭul. A innsang ah remcang zet in nung thei bang sehla business a tuah lem pei maw? A tuah lamlam lo ding. Remcang zet dinhmun ah um cingin business a tuah ahcun amai’ sual a si ding. Sikhalsehla a innsang dinhmun harsat ruangih a tuahmi a si ahcun a sual lem pei maw? Ziangtin nan ruat ve?
CT : : Tufang kan buaipibikmi Falam ih pura sak ding thuah, Minung kan ruahnak a bangaw cio loih, mihrek cun 'Zumtu/christian kan si kan ti aw ve ih, Pathian nung kan bia maw bia lo hman thei aw lo mi kan tam. Cu cing ih tui Falam ih pura sak ding thu ah tongpa do ih kan do' tiih rak ruat tawk an um. Himi ih na ruah/hmuh dan ziangtin ti in hlawm aw.
A si ko. Himi thu hi tuhrawng Facebook ka on caan poh ah ka hmu tambikmi thu pakhat a si. Himi thu thawn pehpar aw in ka ruah/hmuh daan maltein ka tarlang ve ding.
Atu kan san hi zalennak uar san a si. Zalennak hi thupibik ah kan ret. Zalennak ngah theinak dingah napin ka zuam cio. Tufang kan buaipibikmi thu hi zoh tikah “Biaknak lam” thuhla a siih sim ding a har pam in ka thei. Ziangahtile kanmah pumpak ciar in biaknak thu ah zalennak kan nei cio. Khatlam ah kan zoh asile cuih pura a sak tumtu hin amai’ biaknak hrangah taimak suahin a neihmi a pe siang zet tiah kan hmu thei. A biakmi a pathian hrangah siangzetin a pek. Cuih siannak thinlung a neihmi hi cawntlak pakhat a si.
Sikhalsehla a pathian biaknak pura a sak tumnak hmun hi Khristian tampi umnak hmun le ram ah sakbet a tummi hi cu thin nom lo za a si. Duh a um lo lawlaw. ‘Falam ih a ummi zumtu tamsawn pawl zianghman ka lo siar lo’ ti thawn a bang aw pang maw tiah ruah theih a si. Amai’ biaknak hrangah taimak a suah cu a si ko nan a tuah tumnak hmun hi a palh ko lo maw tiah ka hmu. Falan ṭhanso ter a duh ahcun pura sak si loin a dang ṭhansonak tuah ding tampi a um ko.
Amah lawngte kanmah zumtu pawl khalin zumtu Khristian malte umnak hmun ah biakinn sak ding kan timtuah nasa ṭheu fawn tikah a ruah daan ding a harzet. ‘Zumtu tambik umnak hmunah pura na sak thei lo’, ti fukfi sehla annih khalin ‘Buddhist tambik umnak hmun ah biakinn nan sak thei lo’ in ti ve cun kan mission hnaṭuannak tiang in siatsuah thluh pang pei maw ti hi ruah ding a um. Thinglamtah hmuah an hau thluh ih cuih hmun ah pura din hi cu ka duh lo lawlaw. A tlangpi thu in keimai’ ruah/hmuh daan ahcun Falam lawngah si loin kan Chin ram hrimhrim ah pura sak lo sehla ti hi ka duh daan a si. Curuangah zumtu a ti awtu kan zatein thinlungtak le lungrual takin napin thla kan cam a ṭul. Catbang loin thlacam ringring kan ṭul.
CT : : Mino pawl lawng kan cangvaihdan hiteh ziangtin na hmu?
Himi thu hi Mino pawl lawngih cangvaihnak in hmual a nei thluh lo ding. Mino pawlih taimak suahnak parah ka lawm nasa. Mino lawng si loin zumtu kan zatein lungkhat thinkhat nei in kutong zom aw in ṭangrual tlang ding kan ṭul tiah ka hmu.
CT : : Himi thuthawn pehpar in rinsanmi upa pakhat dinhmun in mino pawl hnenah na hmuhdan le ruahdan famkim deuh in in hlawm thei awla kan duh.
A tlun ah ka sim vekin “ṭanrual hi cahnak a si” ti hi kan thei cio. Curuangah zumtu mipi kan zatein kan ṭangrual a ṭul. Mino lawng in hna kan ṭuan tikah kan thin a rang tuk ih palhnak a um thei. Upa thusau ruatthei le thu ruatthiam pawl ron thei ringring sehla, cuihsin an ruahnak pekmi khal a tak in hmang thei sehla a ṭha ding. Cuticun mino upa ti um loin kan zatein ṭang tlang sehla, pawl tinkim lungrual in tang tlang sehla duh a um. Cutik lawngah kan hlawntling thei tengteng ding. A poi mi pakhat tiih ka ruahmi cu kannih Chin mi pawl hi Khristian kan si kan ti ko nain kanmah le pawl(denomination) ah kan ṭang nasa ih midang pawl zianghman kan siar ṭheu lo khal hi kan lungrualnak dawnkhamtu pakhat a si, tiin ka hmu. Phun le hnam, peng le ram ṭannak thinlung kan neihmi hin lungrualnak in siatsuah ringring. Cumi pawl hi kan remṭhat hmaisa a ṭul tiah ka hmu.
CT : : Na caan sunglawi pekin kan thusuhnak kimcangten in let ruangah kan lungawi.
Kei khal ka lungawi. Amah lawngte duhthusam vekin famkimzet in ka letfuh ngah lomi a um ahcun in ngaithiam hram uh. Nan duh lo zawng le nan ruah lo zawng ih ka let ngahmi a um pang khal le in theithiam sak dingah ngaithiam ka lo dil fawn. Minung hi kan famkim thluh thei lo ruangah famkim lonak parah le tisualmi parah thinlungput daan diktak thawn theithiam sak awk ding hi a ṭulzet in ka ruat.
Kan Chin ram ah a nung Pathian pakhat lawng sunglawi ringring ko seh, Amen.
Like · · Follow Post · Share
- Jenny Par, Mai Daidim, Pan Lian Mang and 124 others like this.
Robin Cung Cung L Upa pawl ih thulehnak siar hicu lung a fim duh nasa.
Pakhat te ti lo a dang cu ka lung a kim zet a si.- C J Hrang Hmung Naupa Robin Cung Cung L, na lungkim lomi cuih pakhat te cu theih ka duhzet nan..."Nan duh lo zawng le nan ruah lo zawng ih ka let ngahmi a um pang khal le in theithiam sak dingah ngaithiam ka lo dil fawn." tiah ka letmi sungah ka sim zo vekin in theithiam sak hram pei cu ti aw...
- Robin Cung Cung L Sya pa ka duh lo zawng tilam si lo in: "Biakinn sak in kham ve seh la",hmun dang ahcun ka thei ve lo na'n Yangon kiangkap ka theih ban tawk ahcun Biakinn timi hmin nei ih Biakinn sak cu in kham rori in ka thei.
Mawtaw thlen thei lo nak khuate hmanah an kham thotho, Minung umnak ding hmin in Biakinn thawn bang aw lo in le,pumpak hmin lawng ih sak lawng a ngah in a liamcia kum 15 tiangah cun ka thei.
Ka lung a awi. 
Duh Nung Te Sayapa
Na thu leh mi ka lungkim tuk, siar manhla na sa.
A sut tu CT khal an thiam zet. A sang tu in felfai famkim zet in a sang lungawi um ka ti, Ka diriam tuk.- C J Hrang Hmung Nau Robin Cung, na simmi cu si rori.... Ca in an suah lo nan thilthup vekin an hmang hrih ko. Kannih Chin mi pawl le tlangpar mi pawl cu full right kan nei lo cu a fiang tuk hrih ko...
Salai Paruat Saya Pa Lungawi um ka ti tuk ve,zangfah Pathian hna ttuan tti mi le Bible tlawng kai thu hla ah mal te theih fing duh bet mi ka nei ih in sim thei aw la cu ka lung awi na sa ding....Pathian hna ttuan ti mi ah hin Pastor,Evan,Missionary le Kohhran sung ih hmin lang (office) kai tu deuh pawl lawng hi a sawh aw ttheu ih hi mi hi a dik ko maw?Sumdawng, Mah te Pursum cawp in teh ziangtin Pathian hna ttuan dan a um thei pei maw? cun Bible tlawng kai hi Pathian hna ttuan nak hranglawng ah maw a si ti mi hi kan lai mi mino Bible tlawng kai a ttha maw? ti mi thu suhnak na leh mi kha ka thin ah hi thu suh nak hi a ra lang ih zangfah ten in sim bet thei pei maw?
- C J Hrang Hmung Salai Paruat, na thusuhmi hi hitin tawideuh in lo sawn tum hnik ding. A kheng fuh lo le in ngaithiam hram. A tlangpi thu in Pathian hnatuan timi ah na timi pawl hi a lang deuh theu. Efesa 4:11-12 ah rak siarbet leh aw. Asinain Pathian hnatuan timi hi a langih hnatuan le lang lo ih hnatuan tiah kan then thei. Mahte pursum cop, sumdawng cop khalin Pathian hnatuan daan phun tampi aum thotho. Innsang sungah nupi, pasal, faate kilkhawinak tivek pawl khal hi Pathian hnatuan phunkhat thotho a si. Culo khal tampi sim ding a um ko. Baibal hmun tampi ah Pathian hnatuan daan a phunphun in simmi a um ko... Cule Pathian hnatuan thadeuh ih tuan theinak dingah Baibal tlawng kai a tul. Baibal thu thaten zir a tul. Asinain Baibal tlawng theh tinten Pathian hnatuan an si thluh lo. India ram ih Mizo le Naga pawl siseh, Kawlram Kachin unau pawl siseh Baibal tlawng an theh nan Pastor an tuan tengteng cuang lo. Anmah le pursumnak le sumdawngnak an tuan nan biaknak lamah anmah ti thei tawkin peknak, thlacamnak, tawlrelnak in Pathian hna an tuan thotho. Asinain hithu ah ruah daan dang a phunphun khal a um thei ko ding... A sau deuh ih hizat in ka cawl ta ding... Fiang lonak a um le kan rel vivo leh pei cu..
August Daifim CT thusuttu leh a sangtu saya Pa,nan thiam lawlaw siartu zate'n kan hlawkpi zet ding ka zum a manhla lawlaw.- Robin Cung Cung L Sya pa thu na lehnak pawl ka siar sal ih ka lung kim in ka lo upat nasa.
Ahleice in na cafang hman daan hrimhrim ah ka lo zoht'him zet.
Tuih hnu ah sermon thu lawng si loin calai lam khalah zirhnak in nei thei t'heu aw la cu Mino pawl hrangah hlawknak tampi a si ding ka zum.
Calai le Pathian thu hi pehpar awknak an nei lo pang maw? 
Rb Sang sayapa nathu leh nak pawl hin kahna inngam ter nasa ih kathuruah buai theu mi tla in fiang ter nasa' kalung awi ngaingai- C J Hrang Hmung Nan zatein nan rak siar ih thazaang in pe cio ruangah ka lungawizet. Robin Cung, na simmi cu ka duh zet nan ka tlin deuh lo ruangah si. Pathian thu sermon ngan hman hi diltu an um ruangah ka ngan tunto mi si... neta caan kanei deuh ih catuah ding a mal deuh le ka ngan vivo tum ding maw... Calai le Pathian thu cu a pehpar aw lawlaw ma le. Pathian thu kan theih theinak cu calai hmangin ngankhummi a um ruangah si. Lungawi.
Caleb L Ci Luai Saya CJ Hmung,
"Thusim dingin ka timtuah ṭheu tikah Baibal bungcang si maw, a thuhla si maw, thlacamnak thawn ka ap hmaisa. Cuṭheh hnu ah sim duhmi point pawl hawlin Baibal ka siar, simfiangnak cabu pawl ka siar. Cuihsin note ka lak ih a tawinak in ka ngan. Cutin thu ka sim ṭheu."
Himi hi cu ka duh tuk cuang. Thiamank, zirnak le fimnak rinsan loin, Pathian rinsan ih na ngan, na simmi pawl hin siartu le ngaitu nunnak ah mi a tham cuang. Pathian in lo hmang sinsin seh.
Salai Sangte CJ Hrang Hmung na pai' thuanthu Ka siar ttheh ciah ah na ttongkam Ka siarsal ih Ka lo uarzet. Laimi hrangah na theitawk suah vingvo hram aw. Ka theitawk Ka lo bawm ding.- C J Hrang Hmung Saya Caleb Luai, thazaang in pekih ka lungawi. Si ko, Pathian lo rinsan ding dang zohman ka nei ual lo... na canganmi tampi ka siar theu ih thazaang ka ngah zet theu sokhaw. ... Salai Sangte, ka pai' thuhla na siar ih ka lungawi. Thazaang in pekmi parah ka lungawizet.
Chin Mawi Te Sayapa na hmaiton nak cu siar man hla tuk si. Na sermon cu ka siar ve theu nan ka lo hmu dan lo na zuk ka hmu cu na mawi in huham na nei ,tihzah na tlak tuk . Na thu leh mi tha zang ka ngah zet.
Julley Kimte Saya hmung,na thu lehmi hi ka uar tuk law2, na sermonmi siar khal amanhla thei zet. Pathianin hmun tin ram tinih a ummi thlarau hlo pawl le a tlubahmi pawl tun din sal an sinak dingah lo hmang vivo hram seh law- Julley Kimte Saya hmung,na thu lehmi hi ka uar tuk law2, na sermonmi siar khal amanhla thei zet. Pathianin hmun tin ram tinih a ummi thlarau hlo pawl le a tlubahmi pawl tun din sal an sinak dingah lo hmang vivo hram seh law
- C J Hrang Hmung Chin Mawi Te, January Van le Julley Kimte, thazaang in pek cio ih ka lungawizet. Pathian in thluasuah lo pe cio hram sehlaw.
Khim Khim Hminsintlak le thu tampi in sim ih lungawi umtuk. Suttu le santu nanthiam tuk. Na lungput khal a dik na sa in ka lo upat nasa saya pa.
Jenny Par Sayapa CT in a veikhatnak hmaitonnak a lo neih hnuah a veihnihnak tiang thinsaute'n sawnnak na nganmi kutneh siarngah cu ka diriam in thazang ka ngah nasa.
Online hmangin thuthangtha le cahram, thutha hlatha a phunphun in hlawm hrih ding khal kalo ngen ih ka rak thlir a si.
lungawi- Salai Chinsuh Thu danglam deuh Pathian thuthawi pehparin thusuh duh ka neiih a remcang pei maw? A remcang ding asile-
Carson siangbawi tei cun thlarauhlo cu mi kum ah kan kai tiin an relthei mai. Kan Chinmi asile vanram an kai ding le ding lo thu cu Pathian thu asi ruangah thlarauhlo ka kai kan ti aw dah lo. Himi hi kan danglamnak asiih ziangruangah ha si ke. - C J Hrang Hmung Na thusuhmi cu ka let thiam ding zawng a si lo a bang. A let thei tu nan um le in sim hram uh law...
Lian Thang Thu sut tu le a san tu nan thiam tuk. Sayapa na thu san mipawl zoh in ka lo upat ngai ngai. Lung awi um riai.
Thuan Bil Fahniang Rev. Hrang Tin Khum, ZBC GS a truan lai CCOC a rak din lawng si lo, ZBC ram pumah Laizo Trong rak thehlar biktu MBC AGS tiang truan ban Falam mi ih kan rinsan zetmi ih fapa Saya Hmung Hmung_ hmaiton thusuhnak siar ngah cu a va manhla ve. Amah hi Phunsang Tlawng a kai lai ihsin Falam Phunsang Tlawngta pawl hohatu, a hleice in Chin Calai ih khaipa zettu a rak si.- Thuan Bil Fahniang Lairawn Falam khawpi Taungphila, FPTP le LZP in inntek pa bik luangpi ih an hman Taungphila Baptist Biakinnpi ih Pathian riantruantu, tu ni tiang Calai hmangin thu thra hla thra mi fah thiam zet a sinak pawl hi Mino tampi in kan thei ngah lo ka phang thlurthlo.
Mai Daidim Saya Pa, CT in hnaiton thusuhnak veihnih tiang a lo neihmi el siang loin na rak sangih kannih hrang hlawknak taktak a si. Na tjilehnak ah thazang khal tampi ka ngah.
Comment pawl ka siar vivoih siar manhla taktak ka hmu bet. A lungawi um ka ti lawlaw.- C J Hrang Hmung Nau Lian Thang, thazaang in pekih ka lungawi ngaingai..... Nau Thuan Bil Fahniang, ka si lonak tiang in lawm ih ka ning hmuah a zak thluh...ka lungawi.... Nau Mai Daidim, na parah lungawinak hleice ka nei.... Nan zaten, Pathian in thluasuah tampi in lo pe sin ko seh.
Lal Tanngai Laimi ka mi uarmipawl ka timi lak ih tel CJ Hrang Hmung cungkhuanu in damsaknak pe in a tuan le zirnak ah thlawsuahmalza sawm hram seh- C J Hrang Hmung Amen. Cuti rori cu in porh luar tuk na bang e... zianghman sinak le rel tlak ding tiang tuahmi ka nei ve si lo.. ziang khalle lungawi maw, naupa Lal Tanngai.
- Khim Khim Kan Laimi lakih ka uarbikmi ah na tel ih tlunah a hlei ce in Mino pastor lak ah ka rin san zetmi pakhat na si. Calai lam khal ah rinsan zt mi na si. Na thu sawn mi pawl ka siar ngah ih tha zang ka ngah na sa. Pathian in a tu na zir rero mi par ah hlawh tlinnak thawn lo thla suah hram seh.
No comments:
Post a Comment