“Thlarau lamah ka farah ti a thei awtu pawl cu mi thluasuak an si. Ziangahtile vancung Uknak cu anmah ih ta a si,” (Mat. 5:3).
Tlangpar thuzirhnak hi Bawi Jesuh ih thusimmi pawl lakah a famkimbik le a ṭhabik pakhat a si. A lenglam nun thu thupi ah a sim lo ih a lenglam nun ṭhatnak ding hrangah sunglam thinlung a thupitzia a langter a si. Cumi lakah a ṭul bikmi pakhat cu tangdornak a si. “Thlarau lamah farah” timi hi “tangdornak” kha sim duhmi a si. Bawi Jesuh in tangdor nun a neitu cu mi thluasuak a si a ti. Sim duhmi cu puarthaunak in minung hrangah thluasuah a pit ter ih tangdornak in Pathian duhnak a simi thluasuah pawl a keng a si. Bawi Jesuh in vancung Uknak cu tangdornak a neitu pawl hrangah a si, a ti. Himi kan zoh tikah tangdornak a si lole Thlarau lamah ka farah ti a theitu cu vancung mi pawl ih thinlung put a si tiah a langter. Curuangah zumtu pawlin tangdornak ih umzia hi kan theifiang a ṭul.
1. Pakhat le pakhat tangdor awk tonnak thinlung nei ding.
Baibal ih simmi tangdornak timi cu midang kha kanmah hnakin an ṭha tiah a ṭhatnak lam in hmu thiam hi a si. A tlangpi thu ah minung cu kanmah le mah a ṭhabik ah kan hmu aw ṭheu. Midang kha an ṭhatnak kan hmu sak kan ti hmanah kan hnak in an ṭha lo, an thiam lo tiah kan hmu ṭheu. Thiam ah siseh, thiam lo ah siseh, kum upa, nauta ti um loin ziangkim ah ka hnakin a thiam sawn tiah hmu thiam hi a thupi zet. Cutin kan ṭhum awk thiam ahcun mi zovek thawn khal kan pawlkom thei ding. Thufim ngantu in, “A porh awmi pawl cun hmuhsuamnak an tong ding, Curuangah tangdor ih um a ṭha deuh,” a ti (Thuf. 11:2). A porh awmi pawl cun veikhat hnih ah Pathian hman hi anmah vekin zianghman a tuah thei thluh lo tiah an ruat sual ṭheu. Paul in, “Mi nahsuahnak nei in, mahih zawn lawng ruat ih, mah ih hminṭhatnak lawng hawl in ianghman tuah hlah uh. Pakhat le pakhat tangdor aw-tonnak thinlung nei uhla midang hnakin ka ṭha deuh tiah ziangtik hmanah ruat aw hlah uh,” a ti (Fil. 2:3).
2. Midang in an hrangah a thupi bikih an ruahmi kha a hmuhzia thiam ding.
Phun dang in kan sim a sile tangdornak timi cu mai’ hrang ṭulmi kha thupi ah ret loin midang in an hrangih a thupi bikih an ruahmi kha theisak in thupi ah retsak hi a si. Vei tampi ah mai’ hrang lawng ruat ih kan um hi duhhamnak a langter. Minung zovek khal mai zawnlawng a ruat ih duhhdamnak thawn a khatmi kan si. Midang hrangah thupi ret ding hi kan duhmi a si dah lo. Curuangah thlarau lamih kan farahnak, kan tlaksamnak pawl thei awk in kan famkim lonak kha kan phuang awk a ṭul. Cuticun Paul ih simmi “Nanmah duhnak lawng si loin midang in an hrangah a thupi bikih an ruahmi kha a hmuhzia thiam ve uh,” a timi kha mang sal uhsi (Fil. 2:4). Piter in, “Nan zatein tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, ‘mi hngal pawl cu Pathian in a dodal ih tangdormi cu mithmai ṭha a pek a si,’ tiah a ti. Curuangah a cakmi Pathian ih kut hnuah ah tangdorte in um uhla amah in caan a kim a ti tikah a lo khaisang leh ding,” a ti (1 Pit. 5:5-6).
Thunetnak.
Bawi Jesuh in, “Thlarau lamah ka farah ti a thei awtu pawl cu mi thluasuak an si. Ziangahtile vancung Uknak cu anmah ih ta a si,” a ti (Mat. 5:3). Phundang in kan sim a sile zumtu pawl ih kan nunak hi famkim lonak thawn a khatmi kan sizia kan thei awk a ṭul. A hleice in thlarau lam ah kan famkim lo timi thei aw in puarthau loin tangdorte in kan nung ding a thupi zet. Vancungmi pawlih thinlung put a simi thlarau lam ih farahnak kha thei in tangdornak thawn kan nung cio ding a thupi ngaingai.
Duhdawtnak le duhsaknak thawn,
Rev. Dr. Hrang Hmung.
Camkhat Hakha, Chin State.
May 28, 2016|Saturday|11:30pm.
Tlangpar thuzirhnak hi Bawi Jesuh ih thusimmi pawl lakah a famkimbik le a ṭhabik pakhat a si. A lenglam nun thu thupi ah a sim lo ih a lenglam nun ṭhatnak ding hrangah sunglam thinlung a thupitzia a langter a si. Cumi lakah a ṭul bikmi pakhat cu tangdornak a si. “Thlarau lamah farah” timi hi “tangdornak” kha sim duhmi a si. Bawi Jesuh in tangdor nun a neitu cu mi thluasuak a si a ti. Sim duhmi cu puarthaunak in minung hrangah thluasuah a pit ter ih tangdornak in Pathian duhnak a simi thluasuah pawl a keng a si. Bawi Jesuh in vancung Uknak cu tangdornak a neitu pawl hrangah a si, a ti. Himi kan zoh tikah tangdornak a si lole Thlarau lamah ka farah ti a theitu cu vancung mi pawl ih thinlung put a si tiah a langter. Curuangah zumtu pawlin tangdornak ih umzia hi kan theifiang a ṭul.
1. Pakhat le pakhat tangdor awk tonnak thinlung nei ding.
Baibal ih simmi tangdornak timi cu midang kha kanmah hnakin an ṭha tiah a ṭhatnak lam in hmu thiam hi a si. A tlangpi thu ah minung cu kanmah le mah a ṭhabik ah kan hmu aw ṭheu. Midang kha an ṭhatnak kan hmu sak kan ti hmanah kan hnak in an ṭha lo, an thiam lo tiah kan hmu ṭheu. Thiam ah siseh, thiam lo ah siseh, kum upa, nauta ti um loin ziangkim ah ka hnakin a thiam sawn tiah hmu thiam hi a thupi zet. Cutin kan ṭhum awk thiam ahcun mi zovek thawn khal kan pawlkom thei ding. Thufim ngantu in, “A porh awmi pawl cun hmuhsuamnak an tong ding, Curuangah tangdor ih um a ṭha deuh,” a ti (Thuf. 11:2). A porh awmi pawl cun veikhat hnih ah Pathian hman hi anmah vekin zianghman a tuah thei thluh lo tiah an ruat sual ṭheu. Paul in, “Mi nahsuahnak nei in, mahih zawn lawng ruat ih, mah ih hminṭhatnak lawng hawl in ianghman tuah hlah uh. Pakhat le pakhat tangdor aw-tonnak thinlung nei uhla midang hnakin ka ṭha deuh tiah ziangtik hmanah ruat aw hlah uh,” a ti (Fil. 2:3).
2. Midang in an hrangah a thupi bikih an ruahmi kha a hmuhzia thiam ding.
Phun dang in kan sim a sile tangdornak timi cu mai’ hrang ṭulmi kha thupi ah ret loin midang in an hrangih a thupi bikih an ruahmi kha theisak in thupi ah retsak hi a si. Vei tampi ah mai’ hrang lawng ruat ih kan um hi duhhamnak a langter. Minung zovek khal mai zawnlawng a ruat ih duhhdamnak thawn a khatmi kan si. Midang hrangah thupi ret ding hi kan duhmi a si dah lo. Curuangah thlarau lamih kan farahnak, kan tlaksamnak pawl thei awk in kan famkim lonak kha kan phuang awk a ṭul. Cuticun Paul ih simmi “Nanmah duhnak lawng si loin midang in an hrangah a thupi bikih an ruahmi kha a hmuhzia thiam ve uh,” a timi kha mang sal uhsi (Fil. 2:4). Piter in, “Nan zatein tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, ‘mi hngal pawl cu Pathian in a dodal ih tangdormi cu mithmai ṭha a pek a si,’ tiah a ti. Curuangah a cakmi Pathian ih kut hnuah ah tangdorte in um uhla amah in caan a kim a ti tikah a lo khaisang leh ding,” a ti (1 Pit. 5:5-6).
Thunetnak.
Bawi Jesuh in, “Thlarau lamah ka farah ti a thei awtu pawl cu mi thluasuak an si. Ziangahtile vancung Uknak cu anmah ih ta a si,” a ti (Mat. 5:3). Phundang in kan sim a sile zumtu pawl ih kan nunak hi famkim lonak thawn a khatmi kan sizia kan thei awk a ṭul. A hleice in thlarau lam ah kan famkim lo timi thei aw in puarthau loin tangdorte in kan nung ding a thupi zet. Vancungmi pawlih thinlung put a simi thlarau lam ih farahnak kha thei in tangdornak thawn kan nung cio ding a thupi ngaingai.
Duhdawtnak le duhsaknak thawn,
Rev. Dr. Hrang Hmung.
Camkhat Hakha, Chin State.
May 28, 2016|Saturday|11:30pm.
No comments:
Post a Comment