“Ziang kar lote sungah Khrih zaangfahnak thawn a lo kotu cu nan
dungtun ih Thuthangṭha dang nan pan lohli ka hmu tikah ka mang a bang
ngaingai,” (Gal. 1:6).
Zumtu diktak cu Pathian thawn hmunkhat ah a nun ahcun ziangkim tuahtheitu ah a cang. Curuangah Paul in, “Cahnak i pektu Khrih sungin ziangkim ka ti thei,” a tinak a si (Fil. 4:13). Cumi thu cu kan ralpa Satan in fiangtein a thei ve. Satan ih bum daan tampi sungin pakhat cu zumtu pawl kha Pathian thawn hlat thei ding hi a hnaṭuan tumbik a si. Eden hmuan sungah minung le Pathian hmunkhat ah pawlkomnak nei in an um laiah ziangkim a remcang thluh. Sikhalsehla Satan ih ruahnak pekmi cu minung in a cohlang caan ihsin thokin Pathian le minung karlak ih pehzomnak thukzet cu a cat vuarvi ta. Cuticun minung cu Pathian thawn hlat awk lawng si loin Pathian ih pekmi ziangkim khal an sunral thluh. Jesuh Khrih ih thiisen thawngin Pathian le minung karlak ah pehzom thei sal dingah lamzin a ong a si. Curuangah zumtu pawlih nunnak hi Pathian thawn ṭhen-awk lo dingah ralring ringring ding hi a thupi ngaingai.
1. A dik lomi thuthangṭha dang in Khrih thawn in ṭhenter (Gal. 1:6).
Zumnak timi cu kan theimi Pathian ṭongkam, thuthangṭha cohlannak ihsin a suakmi a si. Curuangah kan theimi thuthangṭha hi a palh ahcun kan zumnak khal a palh ding a si. Zumtu pawl Khrih thawn in hlat tertu tampi sungin pakhat cu “Khrih ih thuthangṭha” ruangah a si lo. Minung pawlin mai’ duhzawng fehpi ih an phuanmi “thuthangṭha dang” parah hram bunin kan zumsual ahcun Khrih thawn in ṭhen ter thei a si. Curuangah kan thei ringringmi thuthangṭha hi Baibal thianghlim ih zirhmi thuthangṭha thawn a mil aw maw tiah kan cekfel ringring ding a thupi nasa. Zumtu tampi cu biakinn ah fehin thuthangṭha kan ngai ringring ko nain cuih thuthangṭha pawl hi an dik maw dik lo timi zohhliah dingah kan paih lo. A ngai lawng kan ngai men. Cuticun a dik lomi thuthangṭha dang pawl thei fiang ngah loin kan ngai ringring ih a netnak ah Khrih thawn in ṭhentertu ah a cang ṭheu a si.
2. Baibal thawn cekfel ding a ṭul (Tirh. 17:11).
A hmaisa kan sim zo vekin zirhnak hrekkhat pawl cu mai’ duh daan le ruahnak hmangin mi tampi ih ngai nuam dingin an simthiam ngaingai. Cutin an sim tikah Baibal ca thawn a mil aw lomi zirhnak pawl kha a lakah an telh phah vivo ṭheu. Curuangah an simmi thu pawl hi Baibal thawn a mil aw maw, mil aw lo timi theifiang dingah Baibal kan siar a ṭul. Berea khua mipi pawl cu an thinlung a tluangtlam zet. Paul tei’ thusimmi pawl cu an thinlung taktein an ngai ih nitinte in Paul ih simmi cu a si ngaingai maw, si ngaingai lo tiah Ca Thianghlim an siar ih an zohṭhim ṭheu (Tirh. 17:11). Cuvekin kannih khal kan theimi thuthangṭha pawl in Khrih thawn in ṭhenter thei vekin Khrih ah in hmunter thei. Curuangah Bawi Jesuh in, “Keimah sungah nan um ih ka thu hi nan sungih a um ve ahcun nan duhmi pohpoh nan dil tikah nan ngah ding,” a tinak a si (Joh. 15:7). Cutin si loin a dik lomi zirhnak sungah kan umsual ahcun Khrih thawn in ṭhenter ding a si. Khrih thawn ṭhenter ding hi Satan ih duhnak tumbik a si. Khrih thawn kan ṭhen awk ahcun zianghman kan tuah thei nawn lo ding a si.
3. Khrih sungah kan um lawngah kan hlawhtling ding (Joh. 15:5).
Galati kawhhran hi a hmaisa ahcun Khrih sungah an um ih a ṭhangso zetmi kawhhran pakhat a si. Sikhalsehla a dik lomi zirhnak pawl, minung duhnak vekih phuangmi thuthangṭha pawl a rung lut tikah Galati kawhhran cu Khrih ih zirhnak thawn an hlat aw vivo. Thuthangṭha dang an pan ih Khrih ih zaangfahnak thawn an ṭhenṭhek aw. Cumi cu Paul in Galati kawhhran kha Khrih thawn a ṭhen tertu ziang a si timi thu a simfiang. Galati 5:9 sungah, “Thilnu fate in sanghlom zate a thoter,” tiah a um. Sim duhmi cu Khrih ih zaangfahnak cu thuthangṭha dang in a khuhthluh zo tinak a si. Curuangah kan pom daan, kan zum daan pawl hi Khrih ah zatek kim kan hngat aw dingih minung ih ruahnak, zirhnak malte hman a rawi thei lozia a langter a si. Khrih sungih kan um lawngah kan hlawhtling ding timi hi kan thei ringring ding a ṭul.
Thunetnak.
Tuini zumtu pawlih kan zum daan, kan pom daan pawl hi Khrih thawn in ṭhentermi zumnak pawl a si pang maw timi hi ṭhatein kan zohhliah a ṭul. Cutin a si lo ahcun Satan ih duhnak thlunin lamzin kan pial dingih Khrih thawn in ṭhen ter ding a si. Zumtu pawl cu Khrih thawn kan ṭhen awk ahcun zianghman kan tuah thei nawn lo ding. Curuangah Khrih ih thuthangṭha siar lo thuthangṭha dang cohlang pang lo dingin kan nunnak hi Khrih thawn cat loin pehzom ringring ding kan ṭul a si.
Duhdawtnak le duhsaknak thawn,
Rev. Dr. Hrang Hmung, PhD.
Toungphila, Kalaymyo, Myanmar.
March 19, 2016|Saturday|11:40pm.
Zumtu diktak cu Pathian thawn hmunkhat ah a nun ahcun ziangkim tuahtheitu ah a cang. Curuangah Paul in, “Cahnak i pektu Khrih sungin ziangkim ka ti thei,” a tinak a si (Fil. 4:13). Cumi thu cu kan ralpa Satan in fiangtein a thei ve. Satan ih bum daan tampi sungin pakhat cu zumtu pawl kha Pathian thawn hlat thei ding hi a hnaṭuan tumbik a si. Eden hmuan sungah minung le Pathian hmunkhat ah pawlkomnak nei in an um laiah ziangkim a remcang thluh. Sikhalsehla Satan ih ruahnak pekmi cu minung in a cohlang caan ihsin thokin Pathian le minung karlak ih pehzomnak thukzet cu a cat vuarvi ta. Cuticun minung cu Pathian thawn hlat awk lawng si loin Pathian ih pekmi ziangkim khal an sunral thluh. Jesuh Khrih ih thiisen thawngin Pathian le minung karlak ah pehzom thei sal dingah lamzin a ong a si. Curuangah zumtu pawlih nunnak hi Pathian thawn ṭhen-awk lo dingah ralring ringring ding hi a thupi ngaingai.
1. A dik lomi thuthangṭha dang in Khrih thawn in ṭhenter (Gal. 1:6).
Zumnak timi cu kan theimi Pathian ṭongkam, thuthangṭha cohlannak ihsin a suakmi a si. Curuangah kan theimi thuthangṭha hi a palh ahcun kan zumnak khal a palh ding a si. Zumtu pawl Khrih thawn in hlat tertu tampi sungin pakhat cu “Khrih ih thuthangṭha” ruangah a si lo. Minung pawlin mai’ duhzawng fehpi ih an phuanmi “thuthangṭha dang” parah hram bunin kan zumsual ahcun Khrih thawn in ṭhen ter thei a si. Curuangah kan thei ringringmi thuthangṭha hi Baibal thianghlim ih zirhmi thuthangṭha thawn a mil aw maw tiah kan cekfel ringring ding a thupi nasa. Zumtu tampi cu biakinn ah fehin thuthangṭha kan ngai ringring ko nain cuih thuthangṭha pawl hi an dik maw dik lo timi zohhliah dingah kan paih lo. A ngai lawng kan ngai men. Cuticun a dik lomi thuthangṭha dang pawl thei fiang ngah loin kan ngai ringring ih a netnak ah Khrih thawn in ṭhentertu ah a cang ṭheu a si.
2. Baibal thawn cekfel ding a ṭul (Tirh. 17:11).
A hmaisa kan sim zo vekin zirhnak hrekkhat pawl cu mai’ duh daan le ruahnak hmangin mi tampi ih ngai nuam dingin an simthiam ngaingai. Cutin an sim tikah Baibal ca thawn a mil aw lomi zirhnak pawl kha a lakah an telh phah vivo ṭheu. Curuangah an simmi thu pawl hi Baibal thawn a mil aw maw, mil aw lo timi theifiang dingah Baibal kan siar a ṭul. Berea khua mipi pawl cu an thinlung a tluangtlam zet. Paul tei’ thusimmi pawl cu an thinlung taktein an ngai ih nitinte in Paul ih simmi cu a si ngaingai maw, si ngaingai lo tiah Ca Thianghlim an siar ih an zohṭhim ṭheu (Tirh. 17:11). Cuvekin kannih khal kan theimi thuthangṭha pawl in Khrih thawn in ṭhenter thei vekin Khrih ah in hmunter thei. Curuangah Bawi Jesuh in, “Keimah sungah nan um ih ka thu hi nan sungih a um ve ahcun nan duhmi pohpoh nan dil tikah nan ngah ding,” a tinak a si (Joh. 15:7). Cutin si loin a dik lomi zirhnak sungah kan umsual ahcun Khrih thawn in ṭhenter ding a si. Khrih thawn ṭhenter ding hi Satan ih duhnak tumbik a si. Khrih thawn kan ṭhen awk ahcun zianghman kan tuah thei nawn lo ding a si.
3. Khrih sungah kan um lawngah kan hlawhtling ding (Joh. 15:5).
Galati kawhhran hi a hmaisa ahcun Khrih sungah an um ih a ṭhangso zetmi kawhhran pakhat a si. Sikhalsehla a dik lomi zirhnak pawl, minung duhnak vekih phuangmi thuthangṭha pawl a rung lut tikah Galati kawhhran cu Khrih ih zirhnak thawn an hlat aw vivo. Thuthangṭha dang an pan ih Khrih ih zaangfahnak thawn an ṭhenṭhek aw. Cumi cu Paul in Galati kawhhran kha Khrih thawn a ṭhen tertu ziang a si timi thu a simfiang. Galati 5:9 sungah, “Thilnu fate in sanghlom zate a thoter,” tiah a um. Sim duhmi cu Khrih ih zaangfahnak cu thuthangṭha dang in a khuhthluh zo tinak a si. Curuangah kan pom daan, kan zum daan pawl hi Khrih ah zatek kim kan hngat aw dingih minung ih ruahnak, zirhnak malte hman a rawi thei lozia a langter a si. Khrih sungih kan um lawngah kan hlawhtling ding timi hi kan thei ringring ding a ṭul.
Thunetnak.
Tuini zumtu pawlih kan zum daan, kan pom daan pawl hi Khrih thawn in ṭhentermi zumnak pawl a si pang maw timi hi ṭhatein kan zohhliah a ṭul. Cutin a si lo ahcun Satan ih duhnak thlunin lamzin kan pial dingih Khrih thawn in ṭhen ter ding a si. Zumtu pawl cu Khrih thawn kan ṭhen awk ahcun zianghman kan tuah thei nawn lo ding. Curuangah Khrih ih thuthangṭha siar lo thuthangṭha dang cohlang pang lo dingin kan nunnak hi Khrih thawn cat loin pehzom ringring ding kan ṭul a si.
Duhdawtnak le duhsaknak thawn,
Rev. Dr. Hrang Hmung, PhD.
Toungphila, Kalaymyo, Myanmar.
March 19, 2016|Saturday|11:40pm.
No comments:
Post a Comment