“Mi ṭha lo pawlih ruahnak pekmi a
saang lo ih, mi sual lamzin a thlun lotu le Pathian a hmuhsuamtu pawl
lakih a tel lotu cu mi thluasuak a si,” (Saam 1:1).
Baibal ca thianghlim kan siar tikah zumtu pawl hrangah Pathian thluasuah donnak lamzin a phunphun in a um. Cumi sung ihsin Saam cangantu in a cabu hramthoknak ih a simmi “mi thluasuak” hi ziang a si timi kha zoh in thazaang thar kan lak tlang ding.
1. Mi ṭha lo pawlih ruahnak pekmi a saang lotu.
Mi ṭha lo pawl le Satan hi an ziaza a bang aw ruangah an ṭangtlang ringring a si. Ziaza bang aw lo cu kom awk a theih lo. Himi pawlih hnaṭuan cu zumtu pawl ih nun siatsuah hi a si. Himi pawlih thlemnak kan thlun pang ahcun Pathian duh lo zawngin kan nung tinak a si. Lamzin dik tiih kan ruahmi hi a netnak ah thihnak ih mi hruaitu lamzin a um (Thuf. 14:12; 16:25). Mi ṭha lo pawlin kan taksa hrangih ṭhatnak vekin an lang ṭheu ko nain kan thlarau hrangah siatnak an si ṭheu. Curuangah zumtu cun Baibal ih a simmi vekin kan nun lamtluanah ding tein kan thlun ringring ding a ṭul. Kan nun lamtluanah mi ṭha lo pawl ih ruahnak pekmi vekin ke kan kar pang lo ding a thupi. Mi ṭha lo tiih kan theih ahcun an ruahnak pekmi pawl ziangtik hmanah kan saang hrimhrim lo ding a thupi ngaingai.
2. Misual lamzin a thlun lotu.
Misual timi cu ziang a si, ti hi kan thei cio ko. Misual pawlin lamzin a dang tein an nei tinak a si lo. Himi thu ih a sim duhmi cu an nuncan ziaza vekih nung lo, tinak a si. Kan zawhmi lamzin kha ṭhatein zoh sal in misual pawlih lamzin ah kan thlun pang maw tiah thu kan ruat ṭhat a ṭul. Kan zawhmi lamzin hi a thupi zet a si. Jeremiah in, “Khuahlan lamzin le lamzin ṭha bik cu khuiah so a um tiah sut uh! Cuih lamzin in feh uhla thlangam zetin nan um ding,” tiah a sim (Jere. 6:16).
Uk-awknak ah fehpi ding le zawh dingmi lamzin a um. Cubangtukin zumtu hrangah kan zawh dingmi lamzin le kan zawh lo dingmi lamzin a um. Mipi ih an zawhmi lamzin pohpoh hi thu ṭhatein ruat hmaisa loin thlun mai ding a si lo (Mat. 7:13-14). Pathian duh zawng a si maw, a si lo timi zohfel ta a ṭul. Curuangah kannih khal cuvek lamzin ah kan feh lo, kan tel lo ding hi in duhsak. Cuvek ih a tel lo pawl cu mi thluasuak an si, a ti sawn. Misual pawlih lamzin a si, tiah kan theih ahcun kan thlun hrimhrim lo ding a ṭul.
3. Pathian a hmuhsuamtu pawl lakih a tel lotu.
Pathian a hmuhsuamtu pawl timi cu Pathian thu thei cingin a thu vekih nung duh loin a thu dokalh zawngih nung le cangvaih hi a si. Baibal in, “Amah dodal cu polsia dawihmang tlukin a ṭha lo a si. Puarthau ih nun cu milem biak tlukin a sual a si,” a ti (1 Sam.15:22-23). Pathian thupek vekih nung loin a hmuhsuamtu pawl lakih kan tel lo a sile thluasuah donnak a si. Kanmah in kan hmuhsuam lo hman ah Pathian a hmuhsuamtu pawl lakih tel hrimhrim hi a duh lo. Pathian duh lo zawng a tuahtu pawl hnenih um daan ding hi kan ralring a ṭul ngaingai tinak a si.
Zumtu pawlin kan telnak ding le tel lonak ding kha kan theifiang rori dingah a ṭul. Pawlkom thiam, ṭongkam nal zet ruangah mikip hnenih tel vivo hi Pathian duh zawng a si cuang lo. Kan tel lonak ding hmun kan theifiang ahcun tel lo mai ding a ṭul. Kan theih lo sungah Pathian a hmuhsuamtu ah kan rak cang pang ding hi phan a um.
Thunetnak.
Zumtu nitin kan nunnak ah mi ṭha lo pawlih ruahnak a saang lotu kan si dingah kan ralring a ṭul. Misual pawlih lamzin a thlun lotu kan si dingah cuih lamzin cu kan theifiang a ṭul. Pathian a hmuhsuamtu a si, tiah kan theifiangmi pawl lakah tlangleng loin hrial thiamtu si dingah kan fimkhur a ṭul. Cumi pawl kan hrial thiam ahcun Saam hlabu ih simmi mi thluasuak ah kan cang ding a si.
Duhdawtnak le duhsaknak thawn,
Rev. Dr. Hrang Hmung, PhD.,
Toungphila, Kalaymyo, Myanmar.
July 3, 2016|Sunday|7:35 am.
Baibal ca thianghlim kan siar tikah zumtu pawl hrangah Pathian thluasuah donnak lamzin a phunphun in a um. Cumi sung ihsin Saam cangantu in a cabu hramthoknak ih a simmi “mi thluasuak” hi ziang a si timi kha zoh in thazaang thar kan lak tlang ding.
1. Mi ṭha lo pawlih ruahnak pekmi a saang lotu.
Mi ṭha lo pawl le Satan hi an ziaza a bang aw ruangah an ṭangtlang ringring a si. Ziaza bang aw lo cu kom awk a theih lo. Himi pawlih hnaṭuan cu zumtu pawl ih nun siatsuah hi a si. Himi pawlih thlemnak kan thlun pang ahcun Pathian duh lo zawngin kan nung tinak a si. Lamzin dik tiih kan ruahmi hi a netnak ah thihnak ih mi hruaitu lamzin a um (Thuf. 14:12; 16:25). Mi ṭha lo pawlin kan taksa hrangih ṭhatnak vekin an lang ṭheu ko nain kan thlarau hrangah siatnak an si ṭheu. Curuangah zumtu cun Baibal ih a simmi vekin kan nun lamtluanah ding tein kan thlun ringring ding a ṭul. Kan nun lamtluanah mi ṭha lo pawl ih ruahnak pekmi vekin ke kan kar pang lo ding a thupi. Mi ṭha lo tiih kan theih ahcun an ruahnak pekmi pawl ziangtik hmanah kan saang hrimhrim lo ding a thupi ngaingai.
2. Misual lamzin a thlun lotu.
Misual timi cu ziang a si, ti hi kan thei cio ko. Misual pawlin lamzin a dang tein an nei tinak a si lo. Himi thu ih a sim duhmi cu an nuncan ziaza vekih nung lo, tinak a si. Kan zawhmi lamzin kha ṭhatein zoh sal in misual pawlih lamzin ah kan thlun pang maw tiah thu kan ruat ṭhat a ṭul. Kan zawhmi lamzin hi a thupi zet a si. Jeremiah in, “Khuahlan lamzin le lamzin ṭha bik cu khuiah so a um tiah sut uh! Cuih lamzin in feh uhla thlangam zetin nan um ding,” tiah a sim (Jere. 6:16).
Uk-awknak ah fehpi ding le zawh dingmi lamzin a um. Cubangtukin zumtu hrangah kan zawh dingmi lamzin le kan zawh lo dingmi lamzin a um. Mipi ih an zawhmi lamzin pohpoh hi thu ṭhatein ruat hmaisa loin thlun mai ding a si lo (Mat. 7:13-14). Pathian duh zawng a si maw, a si lo timi zohfel ta a ṭul. Curuangah kannih khal cuvek lamzin ah kan feh lo, kan tel lo ding hi in duhsak. Cuvek ih a tel lo pawl cu mi thluasuak an si, a ti sawn. Misual pawlih lamzin a si, tiah kan theih ahcun kan thlun hrimhrim lo ding a ṭul.
3. Pathian a hmuhsuamtu pawl lakih a tel lotu.
Pathian a hmuhsuamtu pawl timi cu Pathian thu thei cingin a thu vekih nung duh loin a thu dokalh zawngih nung le cangvaih hi a si. Baibal in, “Amah dodal cu polsia dawihmang tlukin a ṭha lo a si. Puarthau ih nun cu milem biak tlukin a sual a si,” a ti (1 Sam.15:22-23). Pathian thupek vekih nung loin a hmuhsuamtu pawl lakih kan tel lo a sile thluasuah donnak a si. Kanmah in kan hmuhsuam lo hman ah Pathian a hmuhsuamtu pawl lakih tel hrimhrim hi a duh lo. Pathian duh lo zawng a tuahtu pawl hnenih um daan ding hi kan ralring a ṭul ngaingai tinak a si.
Zumtu pawlin kan telnak ding le tel lonak ding kha kan theifiang rori dingah a ṭul. Pawlkom thiam, ṭongkam nal zet ruangah mikip hnenih tel vivo hi Pathian duh zawng a si cuang lo. Kan tel lonak ding hmun kan theifiang ahcun tel lo mai ding a ṭul. Kan theih lo sungah Pathian a hmuhsuamtu ah kan rak cang pang ding hi phan a um.
Thunetnak.
Zumtu nitin kan nunnak ah mi ṭha lo pawlih ruahnak a saang lotu kan si dingah kan ralring a ṭul. Misual pawlih lamzin a thlun lotu kan si dingah cuih lamzin cu kan theifiang a ṭul. Pathian a hmuhsuamtu a si, tiah kan theifiangmi pawl lakah tlangleng loin hrial thiamtu si dingah kan fimkhur a ṭul. Cumi pawl kan hrial thiam ahcun Saam hlabu ih simmi mi thluasuak ah kan cang ding a si.
Duhdawtnak le duhsaknak thawn,
Rev. Dr. Hrang Hmung, PhD.,
Toungphila, Kalaymyo, Myanmar.
July 3, 2016|Sunday|7:35 am.
No comments:
Post a Comment