Zumtu pawl kan biakmi a nung Pathian cu ṭihnungza Pathian a si lo.
Minung pawl a duhdawtu Pathian a si (1 Joh. 4:16). Pathian ṭih kan ti
tikah mithla ṭih vek, dik lo zetih mi nehnak ruangih ṭihnak vek pawl sim
duhmi a si lo. Phun dang in kan sim a sile ṭihnak timi cu biaknak timi
sullam khalin lak theihmi a si. Hebru ṭonghram pawl kan zoh tikah ṭihnak
timi cu duhdawtnak, ṭihnak, upatnak timi sullam pawl khal a nei.
Curuangah ṭihnak kan ti tikah ṭihzah duhdawt upatnak pawl a tel thluh.
Huatnak lam ih ṭihnak phun a si lo. Thufim ngantu ih simmi a tanglam ih
Pathian ṭihzah thu pawl zoh in thazaang lak cio uhsi.
1. Fimnak ih hramthoknak a si (Thuf. 1:7; 9:10).
Baibal in, “Pathian ṭihzah cu fimnak ih hramthoknak a si,” a ti (Thuf. 1:7; 9:10). Fimnak timi cu Pathian theih hi a si (Efe. 1:17). Curuangah Pathian ziangtluk kan thei, ziangtluk kan neel timi cu nitin kan nunnak ah a lang a si. Pathian kan ṭih ti tikah khui kan thleng ih ziang kan tuah khalle Pathian in a hmu, a thei, a zoh timi thei in Pathian mithmuh ah kan nung kha a si. Minung cu kan hmu, kan tong, kan thei thei lo khalle Pathian mithmuh ah a lang thluh, thuh a theih lo. Ziangahtile Pathian cu fimnak ih hramthoknak a si ruangah a si. Curuangah Pathian in ziangkim a hmu thluh timi thei in mithmuh ah siseh, mithmuh lo ah siseh, biakinn sungah siseh, biakinn lengah siseh dingfel tein kan nung ding a ṭul.
2. Sualnak huat khi a si (Thuf. 8:13).
“Bawipa ṭihzah cu sualnak huat khi a si” (Thuf. 8:13). Curuangah Pathian a ṭihzahtu taktak cu sualnak a huat tengteng dingih sualnak a tuah tikah a nuam aw lo ding. Pathian in a hmu, a zoh ringring ruangah a duh lomi ka tuah lo ding timi thinlung nei in a nung ko ding. Pa hmai ih a thlengmi faate pawlin a ṭha lomi an hrial vekin a thianghlimmi Pathian mithmuh ah ka thleng ti a thei awmi faate cun sualnak huat in a hrial tengteng ding. Cutin a nungtu cun cuih a ṭihnak ihsin a ngahmi fimnak, phundang in kan sim a sile Pathian thawn theih-awknak a tep ngah sinsin ding.
3. Nunkhua sau tertu nunnak cirhti a si (Thuf. 10:27; 14:27).
“Bawipa cu upat aw, na nunkhua a sau ding. Miṭha lo pawl cu an san kim hlanah an thi ṭheu” (Thuf. 10:27). Pathian ṭihzah upat cu nunkhua saunak a siih ṭhat lonak thawn a nungtu cu san tawinak a si. Hmu thei lomi Pathian kha ṭihzah upat theinak dingah hmu theimi nu le pa kha ṭihzah upat a ṭul. Curuangah Thukham pahra sungah, “Nan nu le nan pa nan upat pei, cuticun Bawipa nan Pathian ih ka lo pekmi leiram parah cun san sau in nan nung ding,” tiah a um (Suah. 20:12). Pathian in nunsau nung dingah in duhsk. Curuangah Thufim ngantu in, “Thihnak in luat na duh maw? Bawipa ṭihzah cu nunnak cirhti a si,” a ti (Thuf. 14:27).
Thunetnak.
Rundamnak ngah zo hnu mai’ duhduh tuah in sualnak a huat lo, a hrial lotu cu Pathian a ṭihzah lo ruangah a nunnak ah fimnak a nei lo. Sualnak a tuah ringring ruangah Pathian thawn neel awknak khal a sung ding a si. Tuini ah Pathian a ṭihzahtu cun sualnak a hrial theinak dingah cuih ṭihzahnak ih pekmi Pathian thawn neel tertu fimnak kha a nunnak ah nei ih nunpi ding a ṭul. Saam 128 sungah Pathian ṭihzahtu pawlih co dingmi thluasuahnak pawl a simfiang thluh. Pathian ṭihzahnak in kan nunnak a sau ter, thang kammi lakin in hrial ter ih nunnak cirhti in theinak khal in pek a si.
Duhdawtnak le duhsaknak thawn,
Rev. Dr. Hrang Hmung, DMin., PhD.,
Toungphila, Kalaymyo, Myanmar.
June 26, 2016|Sunday|7:00am.
1. Fimnak ih hramthoknak a si (Thuf. 1:7; 9:10).
Baibal in, “Pathian ṭihzah cu fimnak ih hramthoknak a si,” a ti (Thuf. 1:7; 9:10). Fimnak timi cu Pathian theih hi a si (Efe. 1:17). Curuangah Pathian ziangtluk kan thei, ziangtluk kan neel timi cu nitin kan nunnak ah a lang a si. Pathian kan ṭih ti tikah khui kan thleng ih ziang kan tuah khalle Pathian in a hmu, a thei, a zoh timi thei in Pathian mithmuh ah kan nung kha a si. Minung cu kan hmu, kan tong, kan thei thei lo khalle Pathian mithmuh ah a lang thluh, thuh a theih lo. Ziangahtile Pathian cu fimnak ih hramthoknak a si ruangah a si. Curuangah Pathian in ziangkim a hmu thluh timi thei in mithmuh ah siseh, mithmuh lo ah siseh, biakinn sungah siseh, biakinn lengah siseh dingfel tein kan nung ding a ṭul.
2. Sualnak huat khi a si (Thuf. 8:13).
“Bawipa ṭihzah cu sualnak huat khi a si” (Thuf. 8:13). Curuangah Pathian a ṭihzahtu taktak cu sualnak a huat tengteng dingih sualnak a tuah tikah a nuam aw lo ding. Pathian in a hmu, a zoh ringring ruangah a duh lomi ka tuah lo ding timi thinlung nei in a nung ko ding. Pa hmai ih a thlengmi faate pawlin a ṭha lomi an hrial vekin a thianghlimmi Pathian mithmuh ah ka thleng ti a thei awmi faate cun sualnak huat in a hrial tengteng ding. Cutin a nungtu cun cuih a ṭihnak ihsin a ngahmi fimnak, phundang in kan sim a sile Pathian thawn theih-awknak a tep ngah sinsin ding.
3. Nunkhua sau tertu nunnak cirhti a si (Thuf. 10:27; 14:27).
“Bawipa cu upat aw, na nunkhua a sau ding. Miṭha lo pawl cu an san kim hlanah an thi ṭheu” (Thuf. 10:27). Pathian ṭihzah upat cu nunkhua saunak a siih ṭhat lonak thawn a nungtu cu san tawinak a si. Hmu thei lomi Pathian kha ṭihzah upat theinak dingah hmu theimi nu le pa kha ṭihzah upat a ṭul. Curuangah Thukham pahra sungah, “Nan nu le nan pa nan upat pei, cuticun Bawipa nan Pathian ih ka lo pekmi leiram parah cun san sau in nan nung ding,” tiah a um (Suah. 20:12). Pathian in nunsau nung dingah in duhsk. Curuangah Thufim ngantu in, “Thihnak in luat na duh maw? Bawipa ṭihzah cu nunnak cirhti a si,” a ti (Thuf. 14:27).
Thunetnak.
Rundamnak ngah zo hnu mai’ duhduh tuah in sualnak a huat lo, a hrial lotu cu Pathian a ṭihzah lo ruangah a nunnak ah fimnak a nei lo. Sualnak a tuah ringring ruangah Pathian thawn neel awknak khal a sung ding a si. Tuini ah Pathian a ṭihzahtu cun sualnak a hrial theinak dingah cuih ṭihzahnak ih pekmi Pathian thawn neel tertu fimnak kha a nunnak ah nei ih nunpi ding a ṭul. Saam 128 sungah Pathian ṭihzahtu pawlih co dingmi thluasuahnak pawl a simfiang thluh. Pathian ṭihzahnak in kan nunnak a sau ter, thang kammi lakin in hrial ter ih nunnak cirhti in theinak khal in pek a si.
Duhdawtnak le duhsaknak thawn,
Rev. Dr. Hrang Hmung, DMin., PhD.,
Toungphila, Kalaymyo, Myanmar.
June 26, 2016|Sunday|7:00am.
No comments:
Post a Comment