“Kan nun tawizia siar daan in zirh awla, cule mifim ah kan cang ding,” (Saam 90:12).
Himi Saam 90 hi Moses ih nganmi a si. Moses hi kum 120 tiang a nung (Daan. 34:7). Izip ram ihsin Israel mipi 600,000 leng lo sal tannak ihsin luatnak dingah hruaitu a si. Cumi
sungah thih hlomi tampi a hmu. Dam sung caan tawite ah mithi tambik a hmu ngahtu a si. Curuangah himi Saam 90 hi a rak phuah. Pathian cu kumkhua in a hmun ih leilungpi khal reipi amahkel ti ding tluk asinain minung nun a tawizia thu hi caang 1 ihsin 11 sungah a ngan. Cang 12 ihsin 17 tiang cu Pathian hnen ih a thlacamnak kan hmu ih cumi thawn a tanglam vekin thazaang lak tlang uhsi.
1. Mifim ah kan cang ding.
“Kan nun tawizia siar daan in zirh awla, cule mifim ah kan cang ding,” (Saam 90:12). Mifim timi cu kan zirmi le theihnak pawl a tak ih hman thiamnak a si. Theihnak lawng in mifim in siter lo. Theihnak kha a takin kan hmang thiam tik lawngah mifim ah in cang ter thei a si. Pathian thu ziangzat kan theibet ding timi hnakin kan theimi parah ziangtluk kan nunpi thei timi a thupi sawn. Kan nunnak tawizia siar daan in zirh aw, timi hi nikhat, nihnih, nithum tivek ih siar men kha sim duhmi a si lo. Pathian duh daan vek ih ni le thla hman thiamnak kha sim duhmi a si sawn. Cumi cun mifim ah in cang ter ding a si.
2. Lungkimnak nei ding.
“A hmunmi na duhdawtnak thawn zingtinte in khatter aw. Cuticun kan nundam sung nunnuam le hlasa in kan um ding,” (Saam 90:14). Himi caang ih sim duhmi cu lungkimnak nei ding kha a si. Lungkimnak hi neihmi tam le mal par ah a ṭhum aw dah lo. Leitlun ah Pathian le a thu lo cun lungkimnak a um lo. Leitlun thilri ṭha timi pawl kan nei thluh khalle lungkimnak famkim a um thei dah lo. Khristian Hla hminthang zetzet fing 8000 lenglo phuahtu Fanny J. Crosby hi mitcaw asinain a piangthar ruangah a sinak, a nunnak parah lungkimnak a nei thei. Kan sinak parah Pathian ih duhdawtnak thawn a khat ih a remruatmi a si tiah kan theifiang ahcun lungkimnak kan nei thei ko ding.
3. Lungawinak kan dil ding.
“Harsat zonzaihnak kan tuar kum sung hmuahhmuah ahhin riahsiatnak in pek zat tal in lungawinak in pe ve hram aw,” (Saam 90:15). Lungawinak hi lei theih dingah an zuar dah lo ih zuar ding khal a um fawn lo. Degree sangzet neihnak, sumsaw tampi neihnak, hminthannak, mawinak tvp ziangkim nei ih leitlun nomnak a ceentu pawl khal an lungawi cuang lo. Pathian tel locun lungawinak a um lo. Pathian hnen lawngah lungawinak famkim a um. Moses in Pathian hnen lawngah lungawinak a um ti a theifiang ruangah a dil. Lungawinak famkim cu duhmi hmuahhmuah ngahnak parah a um lo, ngahmi parah lungkimnak neihmi parah a hmun a si.
4. Sunlawinak langter ding.
“Kannih na siahhlawh pawl hi na thil tuahmi a nasa zet pawl in hmuh aw. Kan tefa pawl khal na thacahnak sunglawi cu hmuhter ve hai aw,” (Saam 90:16). Leitlun ah sunlawinak phun tampi a um nain rei an daih lo. A reihlan ah a hlo sal mai. Pakhat le pakhat capi a phunphun le thilri thawn kan sunloih aw. Vok, Caw le Sia tiang that in sunloih cawisannak kan tuah ṭheu. A ṭha ko nain thuk zet ih kan ruat tikah a hmun lo dingmi lawnglawng an si. Curuangah thlarau mit ih a hmufiangtu pawl cun kumkhua daih sunlawinak an uar sawn.
5. Hlawhtlinnak kan dil ding.
“Bawipa kan Pathian, na mithmai ṭha kan hnenah um hram seh. Kan tuahmi hmuahhmuah ah hlawhtlinak in pe aw. Asi, kan tuahmi hmuahhmuah ah hlawhtlinnak in pe hram aw,” (Saam 90:17). Thil kan tuahmi tinkim hi zianghman hlawhtlinnak a um lo ahcun zianghman a ṭhahnem lo ding. Kan tuahmi tinkim ah hlawhtlinnak a um tik lawngah a sunglawi a si. Pathian hnen ih kan ngahmi lawng hi hlawhtlinnak famkim a si timi kan theifiang ahcun a hnen ah kan dil tengteng a ṭul.
Thunetnak.
Leitlun kan nun hi caan tawite sung lawng a si. Himi caan tawite kan nun sungah ziangkim famkim thluh ding timi cu a cang thei lomi a si. Sikhalsehla Moses ih dilmi vekin kan dil ve ding hi a thupi ngaingai. Cuticun kan nun tawizia siar daan kan thiam thei dingih Thlarau mit in vangsak ding a si.
Duhdawtnak le duhsaknak thawn,
Rev. Dr. Hrang Hmung, DMin., PhD.,
Toungphila, Kalaymyo, Myanmar.
June 11, 2016|Saturday|10:00pm.
Himi Saam 90 hi Moses ih nganmi a si. Moses hi kum 120 tiang a nung (Daan. 34:7). Izip ram ihsin Israel mipi 600,000 leng lo sal tannak ihsin luatnak dingah hruaitu a si. Cumi
sungah thih hlomi tampi a hmu. Dam sung caan tawite ah mithi tambik a hmu ngahtu a si. Curuangah himi Saam 90 hi a rak phuah. Pathian cu kumkhua in a hmun ih leilungpi khal reipi amahkel ti ding tluk asinain minung nun a tawizia thu hi caang 1 ihsin 11 sungah a ngan. Cang 12 ihsin 17 tiang cu Pathian hnen ih a thlacamnak kan hmu ih cumi thawn a tanglam vekin thazaang lak tlang uhsi.
1. Mifim ah kan cang ding.
“Kan nun tawizia siar daan in zirh awla, cule mifim ah kan cang ding,” (Saam 90:12). Mifim timi cu kan zirmi le theihnak pawl a tak ih hman thiamnak a si. Theihnak lawng in mifim in siter lo. Theihnak kha a takin kan hmang thiam tik lawngah mifim ah in cang ter thei a si. Pathian thu ziangzat kan theibet ding timi hnakin kan theimi parah ziangtluk kan nunpi thei timi a thupi sawn. Kan nunnak tawizia siar daan in zirh aw, timi hi nikhat, nihnih, nithum tivek ih siar men kha sim duhmi a si lo. Pathian duh daan vek ih ni le thla hman thiamnak kha sim duhmi a si sawn. Cumi cun mifim ah in cang ter ding a si.
2. Lungkimnak nei ding.
“A hmunmi na duhdawtnak thawn zingtinte in khatter aw. Cuticun kan nundam sung nunnuam le hlasa in kan um ding,” (Saam 90:14). Himi caang ih sim duhmi cu lungkimnak nei ding kha a si. Lungkimnak hi neihmi tam le mal par ah a ṭhum aw dah lo. Leitlun ah Pathian le a thu lo cun lungkimnak a um lo. Leitlun thilri ṭha timi pawl kan nei thluh khalle lungkimnak famkim a um thei dah lo. Khristian Hla hminthang zetzet fing 8000 lenglo phuahtu Fanny J. Crosby hi mitcaw asinain a piangthar ruangah a sinak, a nunnak parah lungkimnak a nei thei. Kan sinak parah Pathian ih duhdawtnak thawn a khat ih a remruatmi a si tiah kan theifiang ahcun lungkimnak kan nei thei ko ding.
3. Lungawinak kan dil ding.
“Harsat zonzaihnak kan tuar kum sung hmuahhmuah ahhin riahsiatnak in pek zat tal in lungawinak in pe ve hram aw,” (Saam 90:15). Lungawinak hi lei theih dingah an zuar dah lo ih zuar ding khal a um fawn lo. Degree sangzet neihnak, sumsaw tampi neihnak, hminthannak, mawinak tvp ziangkim nei ih leitlun nomnak a ceentu pawl khal an lungawi cuang lo. Pathian tel locun lungawinak a um lo. Pathian hnen lawngah lungawinak famkim a um. Moses in Pathian hnen lawngah lungawinak a um ti a theifiang ruangah a dil. Lungawinak famkim cu duhmi hmuahhmuah ngahnak parah a um lo, ngahmi parah lungkimnak neihmi parah a hmun a si.
4. Sunlawinak langter ding.
“Kannih na siahhlawh pawl hi na thil tuahmi a nasa zet pawl in hmuh aw. Kan tefa pawl khal na thacahnak sunglawi cu hmuhter ve hai aw,” (Saam 90:16). Leitlun ah sunlawinak phun tampi a um nain rei an daih lo. A reihlan ah a hlo sal mai. Pakhat le pakhat capi a phunphun le thilri thawn kan sunloih aw. Vok, Caw le Sia tiang that in sunloih cawisannak kan tuah ṭheu. A ṭha ko nain thuk zet ih kan ruat tikah a hmun lo dingmi lawnglawng an si. Curuangah thlarau mit ih a hmufiangtu pawl cun kumkhua daih sunlawinak an uar sawn.
5. Hlawhtlinnak kan dil ding.
“Bawipa kan Pathian, na mithmai ṭha kan hnenah um hram seh. Kan tuahmi hmuahhmuah ah hlawhtlinak in pe aw. Asi, kan tuahmi hmuahhmuah ah hlawhtlinnak in pe hram aw,” (Saam 90:17). Thil kan tuahmi tinkim hi zianghman hlawhtlinnak a um lo ahcun zianghman a ṭhahnem lo ding. Kan tuahmi tinkim ah hlawhtlinnak a um tik lawngah a sunglawi a si. Pathian hnen ih kan ngahmi lawng hi hlawhtlinnak famkim a si timi kan theifiang ahcun a hnen ah kan dil tengteng a ṭul.
Thunetnak.
Leitlun kan nun hi caan tawite sung lawng a si. Himi caan tawite kan nun sungah ziangkim famkim thluh ding timi cu a cang thei lomi a si. Sikhalsehla Moses ih dilmi vekin kan dil ve ding hi a thupi ngaingai. Cuticun kan nun tawizia siar daan kan thiam thei dingih Thlarau mit in vangsak ding a si.
Duhdawtnak le duhsaknak thawn,
Rev. Dr. Hrang Hmung, DMin., PhD.,
Toungphila, Kalaymyo, Myanmar.
June 11, 2016|Saturday|10:00pm.
No comments:
Post a Comment