“Keimah i duhtu le ka thukham pawl a thluntu ih par ahcun ka
duhdawtnak cu cat loin san thawng tampi tiang ka thlenter ding” (Suah.
20:6).
Kan biakmi a nung Pathian ih duh bikmi cu a thupekmi vekin a thluntu hi a si. Pathian cu a thupek theitu men si loin amah duhdawt le a thupekmi thlun in a takih nunpitu parah a lungawi sawn. Pathian thu hi theihnak lawngin cem ter dingmi a si lo. Nitin kan nunnak ah a thupekmi vekin thluntu si ding hi a ṭulzetmi a si. Tuih ni zumtu tampi cu Pathian thu kan theihnak ah a sang tuk zo. Sikhalsehle kan nun ah cuih kan theihmi thu pawl cu a nung thei lo. Curuangah Khristian nun ih rah ṭulmi pawl a rah thei dah lo. Pathian cu a thukham pawl a thluntu ih par ahcun a duhdawtnak cu cat loin a thlenter ding a si. A thukham thlun timi cu mai’ duh daan vekih nung loin Pathian thu vek ih nun, tuah le kekar hi a si.
1. Himnak a si.
Pathian in Noah hnenah lawng tuah dingin a fial. Noah in Pathian ih thupekmi vek cekci in a tuah ṭheh a si (Seem. 6:13-22). Pathian in Noah hnenah vei tampi a fial bet rero lo. Veikhat thupekmi cu ṭhatein a cingkeng ih a tuah cih. Tulai zumtu tampi cu Pathian duhnak vei tampi kan thei rero hmanah kan thlun duh cuang lo. Pathian thu kan theihmi pawl hi nunpi ding khal kan tum lo. Noah in Pathian thupekmi vekin famkimtein a tuah ruangah tilik a thlen taktak tikah amah le a innsang cu siatsuahnak ihsin an him thluh a si (Seem 7:1-16). Pathian thupekmi vekih nun hi humhimnak ṭhabik a si. Kan zatein Pathian thupekmi vek ih kan thlun ih kan nun ahcun himnak kan co tengteng ding. A thu sungih a nungtu ram, miphun le innsang cu Pathian in himnak a pek a si.
2. Damnak a si.
Naaman cu Siria ralkap hotu ralbawi pakhat a si. Asinain phaarnat a tuar ngelcel (2 Siang. 5:1). Cuih phaarnat ihsin dam duh ah a ral a simi Israel miphun Pathian mihman profet Elisha hnenah a pan. Damnak ngah theinak dingah a thinheng zet ko nain profet Elisha ih simmi vekin Pathian thupek a thlun. A netnak ah Pathian mihman profet Elisha ih fialmi vekin Jordan tiva ah vei sarih in a hnim aw ih a phaarnat cu a dam ngaingai (2 Siang 5:10-14). Pathian thupekmi thlun hi kan thlarau hrang lawng si loin kan thinlung le kan taksa hrangah damnak a si. Pathian thupekmi kan thlun ahcun kan thinlung a dam ding. Kan thinlung a dam ahcun kan taksa khal in a dam ding a si. Pathian thupekmi vekin a zohtu pawl khal nunnak le damnak an ngah (Mipum 21:8-9). Pathian thupekmi vek ih a umtu pawl hrangah damnak a um ringring.
3. Hlawhtlinnak a si.
Bawi Jesuh cu Gennesaret Tili kapah a dingih Pathian thu a sim. Cuih hnu ah Jesuh cu Simon ih lawng sungah a lut ih titlang ihsin a hlatnak ah ṭhawn dingin a fial. Cuih lawng sungah Jesuh cu a to ih misenpi pawl cu a zirh. Thusim a ṭheh tikah Simon hnenah ti thuknak lamah na lawng hi ṭhawn awla nan sur cu vorh hnik uh, a ti. Simon in, “Bawipa, taima zetin zanvarte kan vorh nain zianghman kan awk lo.Sikhalsela vorh uh, in ti a si ahcun kan vorh a si pei cu,” a tiih sur cu an vun vorh ih nga tampi an awk (Luk 5:1-7). Tili dangah vorh dingin fial sehla cu a awm zet. Asinain Simon te ih nitin an vorh ringringnak hmun ah a fial. Simon khalin Jesuh thupekmi cu el loin zanvarte an vorh nain zianghman an awk lonak hmun ahcun a vun vorh sal mai. Hiti in Pathian thupekmi thlun in a tuah ruangah hlawhtlinnak tumpi a ngah.
Thunetnak.
Pathian thu hi hna lawngih theih men dingmi a si lo. Kan thlun dingmi tampi Baibal sungah in sim thluh. Baibal sungah zohṭhim ding tampi in a um. Noah vekin Pathian thupek kan thlun ahcun himnak kan co ding. Naaman vekin Pathian thupekmi kan thlun ahcun damnak kan ngah ding. Simon vekin Pathian thupekmi kan thlun ahcun hlawntlinnak a si. Pathian in, “Keimah i duhtu le ka thukham pawl a thluntu ih par ahcun ka duhdawtnak cu cat loin san thawng tampi tiang ka thlenter ding” (Suah. 20:6) a timi hi ziangtik khalah hngilh hlah uhsi.
Duhdawtnak le duhsaknak thawn,
Rev. Dr. Hrang Hmung, DMin., PhD.,
Toungphila, Kalaymyo, Myanmar.
June 4, 2016|Saturday|9:00pm.
Kan biakmi a nung Pathian ih duh bikmi cu a thupekmi vekin a thluntu hi a si. Pathian cu a thupek theitu men si loin amah duhdawt le a thupekmi thlun in a takih nunpitu parah a lungawi sawn. Pathian thu hi theihnak lawngin cem ter dingmi a si lo. Nitin kan nunnak ah a thupekmi vekin thluntu si ding hi a ṭulzetmi a si. Tuih ni zumtu tampi cu Pathian thu kan theihnak ah a sang tuk zo. Sikhalsehle kan nun ah cuih kan theihmi thu pawl cu a nung thei lo. Curuangah Khristian nun ih rah ṭulmi pawl a rah thei dah lo. Pathian cu a thukham pawl a thluntu ih par ahcun a duhdawtnak cu cat loin a thlenter ding a si. A thukham thlun timi cu mai’ duh daan vekih nung loin Pathian thu vek ih nun, tuah le kekar hi a si.
1. Himnak a si.
Pathian in Noah hnenah lawng tuah dingin a fial. Noah in Pathian ih thupekmi vek cekci in a tuah ṭheh a si (Seem. 6:13-22). Pathian in Noah hnenah vei tampi a fial bet rero lo. Veikhat thupekmi cu ṭhatein a cingkeng ih a tuah cih. Tulai zumtu tampi cu Pathian duhnak vei tampi kan thei rero hmanah kan thlun duh cuang lo. Pathian thu kan theihmi pawl hi nunpi ding khal kan tum lo. Noah in Pathian thupekmi vekin famkimtein a tuah ruangah tilik a thlen taktak tikah amah le a innsang cu siatsuahnak ihsin an him thluh a si (Seem 7:1-16). Pathian thupekmi vekih nun hi humhimnak ṭhabik a si. Kan zatein Pathian thupekmi vek ih kan thlun ih kan nun ahcun himnak kan co tengteng ding. A thu sungih a nungtu ram, miphun le innsang cu Pathian in himnak a pek a si.
2. Damnak a si.
Naaman cu Siria ralkap hotu ralbawi pakhat a si. Asinain phaarnat a tuar ngelcel (2 Siang. 5:1). Cuih phaarnat ihsin dam duh ah a ral a simi Israel miphun Pathian mihman profet Elisha hnenah a pan. Damnak ngah theinak dingah a thinheng zet ko nain profet Elisha ih simmi vekin Pathian thupek a thlun. A netnak ah Pathian mihman profet Elisha ih fialmi vekin Jordan tiva ah vei sarih in a hnim aw ih a phaarnat cu a dam ngaingai (2 Siang 5:10-14). Pathian thupekmi thlun hi kan thlarau hrang lawng si loin kan thinlung le kan taksa hrangah damnak a si. Pathian thupekmi kan thlun ahcun kan thinlung a dam ding. Kan thinlung a dam ahcun kan taksa khal in a dam ding a si. Pathian thupekmi vekin a zohtu pawl khal nunnak le damnak an ngah (Mipum 21:8-9). Pathian thupekmi vek ih a umtu pawl hrangah damnak a um ringring.
3. Hlawhtlinnak a si.
Bawi Jesuh cu Gennesaret Tili kapah a dingih Pathian thu a sim. Cuih hnu ah Jesuh cu Simon ih lawng sungah a lut ih titlang ihsin a hlatnak ah ṭhawn dingin a fial. Cuih lawng sungah Jesuh cu a to ih misenpi pawl cu a zirh. Thusim a ṭheh tikah Simon hnenah ti thuknak lamah na lawng hi ṭhawn awla nan sur cu vorh hnik uh, a ti. Simon in, “Bawipa, taima zetin zanvarte kan vorh nain zianghman kan awk lo.Sikhalsela vorh uh, in ti a si ahcun kan vorh a si pei cu,” a tiih sur cu an vun vorh ih nga tampi an awk (Luk 5:1-7). Tili dangah vorh dingin fial sehla cu a awm zet. Asinain Simon te ih nitin an vorh ringringnak hmun ah a fial. Simon khalin Jesuh thupekmi cu el loin zanvarte an vorh nain zianghman an awk lonak hmun ahcun a vun vorh sal mai. Hiti in Pathian thupekmi thlun in a tuah ruangah hlawhtlinnak tumpi a ngah.
Thunetnak.
Pathian thu hi hna lawngih theih men dingmi a si lo. Kan thlun dingmi tampi Baibal sungah in sim thluh. Baibal sungah zohṭhim ding tampi in a um. Noah vekin Pathian thupek kan thlun ahcun himnak kan co ding. Naaman vekin Pathian thupekmi kan thlun ahcun damnak kan ngah ding. Simon vekin Pathian thupekmi kan thlun ahcun hlawntlinnak a si. Pathian in, “Keimah i duhtu le ka thukham pawl a thluntu ih par ahcun ka duhdawtnak cu cat loin san thawng tampi tiang ka thlenter ding” (Suah. 20:6) a timi hi ziangtik khalah hngilh hlah uhsi.
Duhdawtnak le duhsaknak thawn,
Rev. Dr. Hrang Hmung, DMin., PhD.,
Toungphila, Kalaymyo, Myanmar.
June 4, 2016|Saturday|9:00pm.
No comments:
Post a Comment