“Meisa alh sungin in hum theitu Pathian a um a si ahcun kan biakmi le
kan rianmi kan Pathian lawnglawng a siih amah cun na cahnak huham sung
khalin in hum ko ding. In hum lo a va si hmanah, siangpahrang bawipa, na
khawzing pawl cu kan bia lo dingih na sui milem tuahmi hmai khalah kan
kun lo ding, ti cu in theihsak cia aw,” (Dan. 3:17-18).
Biaknak timi cu Pathian kan naih theinak ding hrangah a dilmi thil thupi tampi sungah a telmi pakhat a si. Bawipa Jesuh in, “Pathian cu Thlarau a siih a biatu pawl in thlarau le thutak in an bia ding,” a ti (Joh. 4:24). Cuvek Pathian a bia tu pawl cu Pathian in a duhmi a si timi theih ding kan ṭul. Curuangah tuini zumtu tiah hmin a bun awtu pawl in zumtu dinhmun ah kan nung taktak maw tiah mah le mah kan cekfel-awk a ṭul a si. Pathian biaknak thawn pehpar in thungaithlak in ruat a ṭulzia le Pathian a hawltu pawl lakah ka tel ve maw tihi kan zohfel-awk a ṭul ngaingai.
1. Thlennak hmun ah Pathian biak ding.
Daniel le a rualpi pawl a simi Shadrak, Meshak le Abednego te ih nunnak pawl kan zoh tikah Pathian cu Thlarau le thutak in a biatu an sizia kan hmu thei (Dan. 3). An nunzia pawl hi duh an nung, upat an tlakzet ih Pathian lung an tong lawng si loin cuih caan laiih an siangpahrang thinlung tiang a hnin tertu tla an si. An khua le ram ah an um lo nain Pathian an biaknak cu an daithlang cuang lo. An biakinn umnak Jerusalem ihsin milem thawn a khatnak Babylon ram ah kaih an tuar. Biakinn sung lawngin Pathian an biak lo ih biakinn um lonak hmun khalah an zumnak a fekzia an lang ter a si.
Tuini zumtu pawl hi biakinn sungah phun dang, Biakinn lengah phun dang tiin a thleng awmi zumtu tampi kan um ṭheu. Biaknak dik thawn Pathian a biatu pawl cu ziangvek hmun an thleng khalah an si daan a dang cuang lo. Thihnak tiang an tong khal le Pathian an biaknak ah an hnget ih ralṭha zetin thihnak tiang a hril ngamtu an si.
2. Ziangvek dinhmun khalah Pathian biak ding.
Rundamnak el biakkhawmnak hi a hrante ciar an si nain mi hrekkhat cun cumi pahnih hi an rawi ṭheu. Thluasuah an co tikah Pathian an biak ih cumi cu minung daan a si. Zokhal thluasuah a pe theitu cu biak dingah an khul a fung lo. Cumi cu thluasuah kha a laimuril ah retmi biaknak a si. Job ih nunnak kan zoh tikah Satan in Job cu Pathian thluasuah tampi a co ruangah a biak a si tiah a puh. Thluasuah a co nawn lo ahcun Pathian a phatsan ko ding tiah Pathian hnenah a ti (Job 1:6-11). Cumi Satan ih puhnak ṭongkam hi tuini khalah a um ringring lai.
Tuini ah zumtu tampi cun Pathian an biaknak hi thluasuah co le co lo parah hram an bun. Daniel ih rualpi pawl cun biaknak thu ah an dinhmun a fiang vurvo. Pathian an biakmi hi thluasuah an comi parah hram an bun lo. Sinak, dinhmun ṭha, thluasuah an co lo khalah Pathian an biaknak cu an bansan tum lo. Pathian in a hum lawngah biak an tum lo. Pathian in a hum lo khalah biak thotho dingah ṭhencatnak an nei.
Thunetnak.
Shadrak, Meshak le Abednego te ih biaknak dik thawngin siangpahrang ih thinlung a tongtham thei a si (Dan. 3:28-30). Tuini zumtu tampi in thluasuah phunkim kan co ngah tik lawngah Pathian biak ding kan si lo. Kan sinak le dinhmun a remcang lawngah biak dingmi khal a si lo. Ziangvek hmun ah kan thleng ah siseh, ziangvek dinhmun ih kan thlen khalah siseh kan nunnak sungih Pathian ṭhatnak pawl ruat in biaknak dik thawn biak dingmi kan si. “Meisa alh sungin in hum theitu Pathian a um a si ahcun kan biakmi le kan rianmi kan Pathian lawnglawng a siih amah cun na cahnak huham sung khalin in hum ko ding. In hum lo a va si hmanah, siangpahrang bawipa, na khawzing pawl cu kan bia lo dingih na sui milem tuahmi hmai khalah kan kun lo ding, ti cu in theihsak cia aw,” (Dan. 3:17-18).
Duhdawtnak le duhsaknak thawn,
Rev. Dr. Hrang Hmung.
Toungphila, Kalaymyo, Myanmar.
April 16, 2016|Saturday|10:30pm.
Biaknak timi cu Pathian kan naih theinak ding hrangah a dilmi thil thupi tampi sungah a telmi pakhat a si. Bawipa Jesuh in, “Pathian cu Thlarau a siih a biatu pawl in thlarau le thutak in an bia ding,” a ti (Joh. 4:24). Cuvek Pathian a bia tu pawl cu Pathian in a duhmi a si timi theih ding kan ṭul. Curuangah tuini zumtu tiah hmin a bun awtu pawl in zumtu dinhmun ah kan nung taktak maw tiah mah le mah kan cekfel-awk a ṭul a si. Pathian biaknak thawn pehpar in thungaithlak in ruat a ṭulzia le Pathian a hawltu pawl lakah ka tel ve maw tihi kan zohfel-awk a ṭul ngaingai.
1. Thlennak hmun ah Pathian biak ding.
Daniel le a rualpi pawl a simi Shadrak, Meshak le Abednego te ih nunnak pawl kan zoh tikah Pathian cu Thlarau le thutak in a biatu an sizia kan hmu thei (Dan. 3). An nunzia pawl hi duh an nung, upat an tlakzet ih Pathian lung an tong lawng si loin cuih caan laiih an siangpahrang thinlung tiang a hnin tertu tla an si. An khua le ram ah an um lo nain Pathian an biaknak cu an daithlang cuang lo. An biakinn umnak Jerusalem ihsin milem thawn a khatnak Babylon ram ah kaih an tuar. Biakinn sung lawngin Pathian an biak lo ih biakinn um lonak hmun khalah an zumnak a fekzia an lang ter a si.
Tuini zumtu pawl hi biakinn sungah phun dang, Biakinn lengah phun dang tiin a thleng awmi zumtu tampi kan um ṭheu. Biaknak dik thawn Pathian a biatu pawl cu ziangvek hmun an thleng khalah an si daan a dang cuang lo. Thihnak tiang an tong khal le Pathian an biaknak ah an hnget ih ralṭha zetin thihnak tiang a hril ngamtu an si.
2. Ziangvek dinhmun khalah Pathian biak ding.
Rundamnak el biakkhawmnak hi a hrante ciar an si nain mi hrekkhat cun cumi pahnih hi an rawi ṭheu. Thluasuah an co tikah Pathian an biak ih cumi cu minung daan a si. Zokhal thluasuah a pe theitu cu biak dingah an khul a fung lo. Cumi cu thluasuah kha a laimuril ah retmi biaknak a si. Job ih nunnak kan zoh tikah Satan in Job cu Pathian thluasuah tampi a co ruangah a biak a si tiah a puh. Thluasuah a co nawn lo ahcun Pathian a phatsan ko ding tiah Pathian hnenah a ti (Job 1:6-11). Cumi Satan ih puhnak ṭongkam hi tuini khalah a um ringring lai.
Tuini ah zumtu tampi cun Pathian an biaknak hi thluasuah co le co lo parah hram an bun. Daniel ih rualpi pawl cun biaknak thu ah an dinhmun a fiang vurvo. Pathian an biakmi hi thluasuah an comi parah hram an bun lo. Sinak, dinhmun ṭha, thluasuah an co lo khalah Pathian an biaknak cu an bansan tum lo. Pathian in a hum lawngah biak an tum lo. Pathian in a hum lo khalah biak thotho dingah ṭhencatnak an nei.
Thunetnak.
Shadrak, Meshak le Abednego te ih biaknak dik thawngin siangpahrang ih thinlung a tongtham thei a si (Dan. 3:28-30). Tuini zumtu tampi in thluasuah phunkim kan co ngah tik lawngah Pathian biak ding kan si lo. Kan sinak le dinhmun a remcang lawngah biak dingmi khal a si lo. Ziangvek hmun ah kan thleng ah siseh, ziangvek dinhmun ih kan thlen khalah siseh kan nunnak sungih Pathian ṭhatnak pawl ruat in biaknak dik thawn biak dingmi kan si. “Meisa alh sungin in hum theitu Pathian a um a si ahcun kan biakmi le kan rianmi kan Pathian lawnglawng a siih amah cun na cahnak huham sung khalin in hum ko ding. In hum lo a va si hmanah, siangpahrang bawipa, na khawzing pawl cu kan bia lo dingih na sui milem tuahmi hmai khalah kan kun lo ding, ti cu in theihsak cia aw,” (Dan. 3:17-18).
Duhdawtnak le duhsaknak thawn,
Rev. Dr. Hrang Hmung.
Toungphila, Kalaymyo, Myanmar.
April 16, 2016|Saturday|10:30pm.
No comments:
Post a Comment