“SOCRATES le TLANGVAL PA”
Veikhat cu Grik mifim Socrates in ei thei lo, in thei lo tiangin thinlungkuai ih a tuar reromi mino tlangval pakhat a hmu. Cule Socrates in cuih tlangval pa cu ziangruangah cutin a tuar rero a si pei tiah thu a sut tikah;
Mino: Aw… ka thinlung kuai ruangah ka tuar cuahco ko.
Socrates: Aw si ngai. Cumi cu a cang theimi a si ko. Kan thin na in kan tuar lo ahcun duhdawtnak ih thawtzia kan tep thei lo pi. Asinain… tlangvalpa, ziangruangah cutin na thinlungkuainak hi duhdawtnak hnakin na tuar duh sawn e?
Mino: Aw cumi cu maw… kut sung ih a thleng ciami sabit kha hlon sal vek a si ko e. Cuih ka tuarnak vek hi mino a si lomi nang cun ziangtin na theifiang thei ding?
Socrates: Hlon zo hnuhnu cu hlon lawlaw mai aw la si ko lo maw… Ziangah hmailam ah na nor vivo sawn lo ih? Cuih sabit hnakih thlum sawn sabit tampi a um ko sisi…
Mino: Aa… kei cu ka cuan rero lai sisi. A thinlung thleng in a kirsal ding ni hngak in ka cuan rero lai sisi.
Socrates: A sile, cuih ni a thleng lo pang sehla midang pakhat ih kut sungah a thlengmi kha nang cun na zoh cuahco ttul men ding sokhaw, si lo maw? …
Mino: Aw… kei cun amah kha ziang tluk ka duhdawt timi kha mah le mah that aw tiangin ka langter ve ding pan teh.
Socrates: Cutin tetti na lang ter tum a si ahcun na duhmi khal na sung ding. Nangmah khal na sung ding. Hmun hnih ihsin sunnak na tuar nasa ding sokhaw…
Mino: Cutin a sile a nunnak siatsuah dingin ka tuah ding. Keimah in ka ngah lo a si ahcun midang khalin ngah ve hlah seh.
Socrates: Cutin na tuah a sile nan hlat aw sinsin ding. Amah thawn naih aw ding na duh si lo maw?
Mino: Aw si e. A sile ziangtin ka tuah ding. Amah ka duh tuk fawn si!!
Socrates: Na thu ngai maw? Na duh taktak maw?
Mino: Aw… thu ngai rori pan teh…
Socrates: A sile na duh taktakmi cu nuamzetin um terding na duh ko lo maw?
Mino: Aw si e, ka duh tuk ruangah nuamzetih um ter ding cu ka duh tukmi a si.
Socrates: Anih in nangmah thawn tthen awk hi amai’ hrangah nomnak a si tiah a ruat le teh?
Mino: A cang thei lo. Ziangahtile keimah thawn a um tik lawngah ka nuam aw a si tiah in sim dah sisi.
Socrates: Cumicu a hlan ah a si ding. Atu cu cutin a ruat nawn lo sisehla teh?...
Mino: A sile in rak bum tinak maw si?.
Socrates: Cutin cu si lo e. Na parah rintlak in a um dah ko. A lo duh laiah nangmah thawn nan um tlang hi nuam a ti tuk ko. Atu a lo duh nawn lo ruangah a lo tlansan. Hi leitlun ah cumi hnakih sunglawi sawnmi rintlak dang a um lo. A lo duh lo nain duh zet vekin na kiangah a um ding, nan tthit aw ding, faate nan nei ding… cumi cu bumnak tumpi a si sawn ding sisi.
Mino: Ka thinlung muril in ka duhdawtmi pawl cu a lak ah a cang thluh thlang men ding maw si? Cutin a sile zo in so in kuan leh ding?.
Socrates: Si lo e, duhdawtnak cu a lak ah a cang hrimhrim lo. Kuan-aw timi hi duhdawtnak ah a um lo. Ziangahtile a hnenah na duhdawtnak na pek rero laiah anih khalin a duhdawtnak a lo pek ve sisi. Amah lungawi dingin na tuah vekin anih khalin nangmah lungawi dingin a tuah ve ko cuteh.
Mino: Asinain atu cu in duh nawn lo pi. Kei cu ka duh thotho lai. A dik thei lo tuk aw.
Socrates: Aw si e, a dik lo ngai. Sim duhmi cu amah na duhmi hi a dik lo ngai. Amah cu na duh thei ringring ko e, nangmah thuthu si ko. Cuvek in anih khalin a lo duh lomi hi amah thuthu si ve ko. Mai’ duhnak lawng ruatin midang ih zalennak kha kan pit sak ding tisehla a dik thei pei maw? Cutin a sile mi zawnruahnak nei lo bembem na si ding ual.
Mino: Na simmi pawl ka ngai rero tikah a netnak ih a palhtu cu keimah ka si riangri ual.
Socrates: Aw si e, a thokpek ihsin na palh zo. A hrangah nomnak na tuahsak thei ringring sehla a lo tthen lo ding. Nomnak thawn a hlat duhtu zohman a um lo. Cumi cu cing ringring aw.
Mino: Nomnak timi cu ziang ah si? Ka thinlung sung duhdawtnak hmuahhmuah ka pek thluhmi hi a tawk hrih lo maw si? Ziangruangah hitin in tlansan? Cucu ka parah thinnatnak tumbik a tuah tin na ruat ve lo maw?
Socrates: Aw si e, cutin na thinnat ding ko ih a lo tuahtu kutsung ihsin na luat thei cu lungawi ding a si sawn lo maw?
Mino: Lungawi sawn ding e…? a cang thei lo. Ziang a si khalle kei cu hnon tuarmi ka si. Zianghman santlai lo ka ttawnttai tuk ruangah si ko.
Socrates: Si lo ding e… na thinlung picangzet in na um sawn ding. Santlai lo timi lungput hi a um hrimhrim lo dingmi a si. Na theifiang ttulmi cu hnon tuar tintein a ttha lo ruangah a si lo.
Mino: Cumi cu ziang si na sim duh san?
Socrates: Veikhat lai ah dawr pakhat ah a mankhungzetmi hnipuan ka hmu. Ka ta sisehla tiah ka duh nasa. A zuartu in na lak ding maw, lak lo ding tiah in sut. Cutikah ziangtin ka sawn na thei maw? Na puantthan a siava tuk, ka lak lo ding ka ti. A ngaingai cu ka zal sungah paisa ka neih lo ruangah a si sawn. Nang khal cuih ka hnon takmi hnipuan vek na si ko.
Mino: Mi na va hnem thiam ve. Asinain pamhmaiza a simi cu himi ka thinlung kuai natnak ihsin in dirsuak thei lo cuteh.
Socrates: Aw si e. Ka lo dirsuak thei lo ruangah ka riah a sia zet. Asinain a lo dirsuak theitu pakhat thawn hmeltheihnak ka lo tuahsak ding.
Mino: Cucu zo a si?
Socrates: Aw… “
tikcu caan” pan teh.
“Tikcu caan” timi cu minung pawl hrangah a ropi bikmi zirhtu le
khihhmuhtu a si. Thinlung kuai a tuartu mi tampi ka hmu dah. “Tikcu
caan” in a damter sal thluh. Cule a thar pakhat khal a hril ter sal
sokhaw.
Duhdawtnak le duhsaknak thawn,
Dr. CJ Hrang Hmung, PhD.,
Camkhat Salk Lake City, Utah.
December 30, 2015|Wednesday|.
Source: Internet.
Veikhat cu Grik mifim Socrates in ei thei lo, in thei lo tiangin thinlungkuai ih a tuar reromi mino tlangval pakhat a hmu. Cule Socrates in cuih tlangval pa cu ziangruangah cutin a tuar rero a si pei tiah thu a sut tikah;
Mino: Aw… ka thinlung kuai ruangah ka tuar cuahco ko.
Socrates: Aw si ngai. Cumi cu a cang theimi a si ko. Kan thin na in kan tuar lo ahcun duhdawtnak ih thawtzia kan tep thei lo pi. Asinain… tlangvalpa, ziangruangah cutin na thinlungkuainak hi duhdawtnak hnakin na tuar duh sawn e?
Mino: Aw cumi cu maw… kut sung ih a thleng ciami sabit kha hlon sal vek a si ko e. Cuih ka tuarnak vek hi mino a si lomi nang cun ziangtin na theifiang thei ding?
Socrates: Hlon zo hnuhnu cu hlon lawlaw mai aw la si ko lo maw… Ziangah hmailam ah na nor vivo sawn lo ih? Cuih sabit hnakih thlum sawn sabit tampi a um ko sisi…
Mino: Aa… kei cu ka cuan rero lai sisi. A thinlung thleng in a kirsal ding ni hngak in ka cuan rero lai sisi.
Socrates: A sile, cuih ni a thleng lo pang sehla midang pakhat ih kut sungah a thlengmi kha nang cun na zoh cuahco ttul men ding sokhaw, si lo maw? …
Mino: Aw… kei cun amah kha ziang tluk ka duhdawt timi kha mah le mah that aw tiangin ka langter ve ding pan teh.
Socrates: Cutin tetti na lang ter tum a si ahcun na duhmi khal na sung ding. Nangmah khal na sung ding. Hmun hnih ihsin sunnak na tuar nasa ding sokhaw…
Mino: Cutin a sile a nunnak siatsuah dingin ka tuah ding. Keimah in ka ngah lo a si ahcun midang khalin ngah ve hlah seh.
Socrates: Cutin na tuah a sile nan hlat aw sinsin ding. Amah thawn naih aw ding na duh si lo maw?
Mino: Aw si e. A sile ziangtin ka tuah ding. Amah ka duh tuk fawn si!!
Socrates: Na thu ngai maw? Na duh taktak maw?
Mino: Aw… thu ngai rori pan teh…
Socrates: A sile na duh taktakmi cu nuamzetin um terding na duh ko lo maw?
Mino: Aw si e, ka duh tuk ruangah nuamzetih um ter ding cu ka duh tukmi a si.
Socrates: Anih in nangmah thawn tthen awk hi amai’ hrangah nomnak a si tiah a ruat le teh?
Mino: A cang thei lo. Ziangahtile keimah thawn a um tik lawngah ka nuam aw a si tiah in sim dah sisi.
Socrates: Cumicu a hlan ah a si ding. Atu cu cutin a ruat nawn lo sisehla teh?...
Mino: A sile in rak bum tinak maw si?.
Socrates: Cutin cu si lo e. Na parah rintlak in a um dah ko. A lo duh laiah nangmah thawn nan um tlang hi nuam a ti tuk ko. Atu a lo duh nawn lo ruangah a lo tlansan. Hi leitlun ah cumi hnakih sunglawi sawnmi rintlak dang a um lo. A lo duh lo nain duh zet vekin na kiangah a um ding, nan tthit aw ding, faate nan nei ding… cumi cu bumnak tumpi a si sawn ding sisi.
Mino: Ka thinlung muril in ka duhdawtmi pawl cu a lak ah a cang thluh thlang men ding maw si? Cutin a sile zo in so in kuan leh ding?.
Socrates: Si lo e, duhdawtnak cu a lak ah a cang hrimhrim lo. Kuan-aw timi hi duhdawtnak ah a um lo. Ziangahtile a hnenah na duhdawtnak na pek rero laiah anih khalin a duhdawtnak a lo pek ve sisi. Amah lungawi dingin na tuah vekin anih khalin nangmah lungawi dingin a tuah ve ko cuteh.
Mino: Asinain atu cu in duh nawn lo pi. Kei cu ka duh thotho lai. A dik thei lo tuk aw.
Socrates: Aw si e, a dik lo ngai. Sim duhmi cu amah na duhmi hi a dik lo ngai. Amah cu na duh thei ringring ko e, nangmah thuthu si ko. Cuvek in anih khalin a lo duh lomi hi amah thuthu si ve ko. Mai’ duhnak lawng ruatin midang ih zalennak kha kan pit sak ding tisehla a dik thei pei maw? Cutin a sile mi zawnruahnak nei lo bembem na si ding ual.
Mino: Na simmi pawl ka ngai rero tikah a netnak ih a palhtu cu keimah ka si riangri ual.
Socrates: Aw si e, a thokpek ihsin na palh zo. A hrangah nomnak na tuahsak thei ringring sehla a lo tthen lo ding. Nomnak thawn a hlat duhtu zohman a um lo. Cumi cu cing ringring aw.
Mino: Nomnak timi cu ziang ah si? Ka thinlung sung duhdawtnak hmuahhmuah ka pek thluhmi hi a tawk hrih lo maw si? Ziangruangah hitin in tlansan? Cucu ka parah thinnatnak tumbik a tuah tin na ruat ve lo maw?
Socrates: Aw si e, cutin na thinnat ding ko ih a lo tuahtu kutsung ihsin na luat thei cu lungawi ding a si sawn lo maw?
Mino: Lungawi sawn ding e…? a cang thei lo. Ziang a si khalle kei cu hnon tuarmi ka si. Zianghman santlai lo ka ttawnttai tuk ruangah si ko.
Socrates: Si lo ding e… na thinlung picangzet in na um sawn ding. Santlai lo timi lungput hi a um hrimhrim lo dingmi a si. Na theifiang ttulmi cu hnon tuar tintein a ttha lo ruangah a si lo.
Mino: Cumi cu ziang si na sim duh san?
Socrates: Veikhat lai ah dawr pakhat ah a mankhungzetmi hnipuan ka hmu. Ka ta sisehla tiah ka duh nasa. A zuartu in na lak ding maw, lak lo ding tiah in sut. Cutikah ziangtin ka sawn na thei maw? Na puantthan a siava tuk, ka lak lo ding ka ti. A ngaingai cu ka zal sungah paisa ka neih lo ruangah a si sawn. Nang khal cuih ka hnon takmi hnipuan vek na si ko.
Mino: Mi na va hnem thiam ve. Asinain pamhmaiza a simi cu himi ka thinlung kuai natnak ihsin in dirsuak thei lo cuteh.
Socrates: Aw si e. Ka lo dirsuak thei lo ruangah ka riah a sia zet. Asinain a lo dirsuak theitu pakhat thawn hmeltheihnak ka lo tuahsak ding.
Mino: Cucu zo a si?
Socrates: Aw… “
Duhdawtnak le duhsaknak thawn,
Dr. CJ Hrang Hmung, PhD.,
Camkhat Salk Lake City, Utah.
December 30, 2015|Wednesday|.
Source: Internet.
No comments:
Post a Comment