Baibal Caanghril:
“Inn le lo nei lo ih ka tuar rero hi ka ruah tikah ka hrangah a khami thih sii a si. Cumi catbang loin ka ruat ih ka thin a nau cuahco. Asinain ruahsannak a ra tlungsal. Hi thil pakhat ka theih tikah cun. A hmunmi Bawipa ih duhdawtnak cu ziangtik hmanah a cat dah lo; A zaangfahnak cu net ni a nei lo” (Ttahhla 3:19-22).
Thuthoknak
Thil cangmi pakhat khat hngilh thei loin kan mang theimi hi Pathian ih thluasuah phunkhat a si. Veikhat veihnih cu kan sunralmi pawl le kan riahsiatnak pawl hngilh thluh ding kan duh. Veikhat veihnih cu kan hngilh thei lo ruangah cuih riahsiatza thu pawl ruat in kan bei a dong, kan riah a si. Cutin kan beidong le riahsiat laifang caan ah kan hmailam tthatnak ding hrangah hman daan kan thiam ding a thupizet. Cuih sunralnak le riahsiatza pawl kha zumfeknak thawn thu tthate’n ruatsal ding kan ttul. Pathian ih duhdawtnak le zaangfahnak parah hrambun in tthate’n thusaupi kan ruat cio ding a thupi ngaingai.
1. Thluasuahnak pawl kan theihsal ding a ttul.
Kan nunnak lamtluan ah riahsiatza thu tampi a um vekin thluasuah kan co mi tampi a um ringring ti cu kan theih cio ko ding. Thluasuah kan donmi pawl kha siar cio hnik uhsi. Curuangah hlaphuahtu in, “hmuiifu pakhat hnu pakhat siar aw…” tiah thazaang in pek a si. Beidong vansang ih kan um tikah a liamcia caan ih Pathian thluasuah kan ngahmi pawl kan siar thiam ahcun kan thazaang a tlung sal tengteng ding a si. Kan nunnak sungah Pathian thluasuah kan donmi pawl hi siar cawk loin a tamzia kan mang, kan theihsal ding a thupi ngaingai.
2. Harsat zonzai kan tuarmi pawl khal kan theihsal ding a ttul.
Harsat zonzai kan tuar lai caan ruatsal in ziangvek nun in sim timi ruat sal hnik aw. Pathian ih duhdawt zaangfahnak a tumzia ruat phahin thu saupi ruat hnik aw. Beidonnak, sunralnak, rethei zonzainak pawl sung ihsin Thlarau thazaang tampi na hmu thei ko ding. Kum reipi hnawm hlonnak hmun kha zoh hnik sehla. Kum a rei tikah cuih hnawmhne pawl lak ihsin hramkung hring dildel le pangpar mawi pawl tampi a kheumi kan hmu thei ko ding. Hnawmhne a si ko nain a karlak ihsin thil ttha tampi suak dingin Pathian in a tawlrel thei. Harsat kan tuarmi lak ihsin Pathian sunlawinak a lang ringring. Harsat zonzai kan tuarmi pawl hi a netnak a si lo timi kan theihsal tikah Pathian ih pekmi hnemnak cu kan co ngah ding a si.
3. Riahsiatza thil cangmi pawl khal kan theihsal ding a ttul.
Riahsiatza kan tonmi pawl hi olte’n kan hngilh thei lo. A hleice in kan duhdawtzetmi pawl thawn hrial aw in tthen-awknak a um tikah kan thin sungah a na ngurngo ttheu. Kan duhdawtzetmi kan nu, kan pa, unau suahpi le kan faate pawl in thihsan tikah kan thin muril a na cuahco ko. Cumi cu duhdawtnak ruangah a si. A dikmi duhdawtnak cu kumkhua in a hmun ringring a si. Kumkhua kan nung theinak dingah cuih duhdawtnak in ruahsannak le aamahkhan in pe ttheu. Pathian ih pekmi kumkhua nunnak hrangah aamahkhan in pekmi sungah duhdawtnak a um ringring. Zumtu mi tampi in cumi um daan kan mang ttheu lo ruangah riahsiatnak sungin kan tlansuak thei ttheu lo. Minung pakhat le khat karlak ih kan duhdawtnak hrampi cu Pathian ah a um. “Pathian cu duhdawtnak a si, cule duhdawtnak thawn a nungmi hmuahhmuah cu Pathian sungah a nungmi an siih Pathian khal an sungah a nung ve” (1 Joh. 4:16). Duhdawtnak ruangah ruahsannak a suak ter. Cumi ruahsannak cu thihnak in a siatsuah thei lo. Duhdawtnak ih rahsuahmi cu thihnak in a cat ter thei lo. Curuangah riahsiatza thuhla kan hngilh thei lomi in ruahsannak in nei ter sinsin a si.
4. Sualnak kan tuah ngahmi nithla pawl khal kan theihsal ding a ttul.
Cuih nithla pawl lak ihsin Pathian in ruahsannak a suahter. Sualnak kan tuahmi pawl hi thup a theih lo. Relh hlo ding khal a ngah lo. Ral tthazet in hmaiton ih kan tong-ngam tik lawngah cuih sualnak ihsin ngaithiamnak kan ngah theiih ruahsannak a um ter. Cuticun Pathian thawn pawlkom aw in tleunak sungah ke kan kar thei vivo ding. Sikhalsehla sualnak kan tuah tikah ziangtin ruahsannak kan nei thei pei? Ziangkim ti thei Pathian ih kumkhua duhdawtnak kan theih taktak lawngah ruahsannak a fekter thei. Kan sualnak pawl cu Bawipa in a thei thluh lawng si loin cuih sualnak ruangah Bawi Jesuh thihnak tuar in a um zo. Cumi cu a sersiammi minung pawl in duhdawt tuk ruangah a si. Kan sualnak kan phuan hlan ah Pathian cun in ngaithiam cia zo a si.
Thunetnak.
Bawi Jesuh a thih hlan ah a dungthluntu pawlin an tlansan thluh ding timi a thei cia. Sikhalsehla Jesuh cun a net tiang a duhdawt hngai a si. A dungthluntu pawl a duhdawt tuk ruangah “himi sang hi lak uhla ei uh, nan hrangah ka pekmi ka taksa a si” tiah a ti thei hrih. Amah tansan in an tlanhlo thluh hmanah Bawipa ih duhdawtnak cu a cem dah lo. Cumi thu pawl ruat sal in kan sualnak pawl ziangtluk a tum hmanah ngaithiam theitu Pathian kan nei timi ruahsannak cu nitin kan nunnak in rem thar ringring a si. Zianghman nei loin, inn le lo nei loin kan tuar rero hi kan hrangah a khami thih sii a si ko ding. Asinain Pathian ih ngaithiamnak le duhdawt zaangfahnak timi thil pakhat kan theihsal tikah ruahsannak a tlung sal. Cumi cun kan thin a nuam ter ih hnangamte’n in um ter a si.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo.
February 7, 2015|Saturday|11:20 pm.
“Inn le lo nei lo ih ka tuar rero hi ka ruah tikah ka hrangah a khami thih sii a si. Cumi catbang loin ka ruat ih ka thin a nau cuahco. Asinain ruahsannak a ra tlungsal. Hi thil pakhat ka theih tikah cun. A hmunmi Bawipa ih duhdawtnak cu ziangtik hmanah a cat dah lo; A zaangfahnak cu net ni a nei lo” (Ttahhla 3:19-22).
Thuthoknak
Thil cangmi pakhat khat hngilh thei loin kan mang theimi hi Pathian ih thluasuah phunkhat a si. Veikhat veihnih cu kan sunralmi pawl le kan riahsiatnak pawl hngilh thluh ding kan duh. Veikhat veihnih cu kan hngilh thei lo ruangah cuih riahsiatza thu pawl ruat in kan bei a dong, kan riah a si. Cutin kan beidong le riahsiat laifang caan ah kan hmailam tthatnak ding hrangah hman daan kan thiam ding a thupizet. Cuih sunralnak le riahsiatza pawl kha zumfeknak thawn thu tthate’n ruatsal ding kan ttul. Pathian ih duhdawtnak le zaangfahnak parah hrambun in tthate’n thusaupi kan ruat cio ding a thupi ngaingai.
1. Thluasuahnak pawl kan theihsal ding a ttul.
Kan nunnak lamtluan ah riahsiatza thu tampi a um vekin thluasuah kan co mi tampi a um ringring ti cu kan theih cio ko ding. Thluasuah kan donmi pawl kha siar cio hnik uhsi. Curuangah hlaphuahtu in, “hmuiifu pakhat hnu pakhat siar aw…” tiah thazaang in pek a si. Beidong vansang ih kan um tikah a liamcia caan ih Pathian thluasuah kan ngahmi pawl kan siar thiam ahcun kan thazaang a tlung sal tengteng ding a si. Kan nunnak sungah Pathian thluasuah kan donmi pawl hi siar cawk loin a tamzia kan mang, kan theihsal ding a thupi ngaingai.
2. Harsat zonzai kan tuarmi pawl khal kan theihsal ding a ttul.
Harsat zonzai kan tuar lai caan ruatsal in ziangvek nun in sim timi ruat sal hnik aw. Pathian ih duhdawt zaangfahnak a tumzia ruat phahin thu saupi ruat hnik aw. Beidonnak, sunralnak, rethei zonzainak pawl sung ihsin Thlarau thazaang tampi na hmu thei ko ding. Kum reipi hnawm hlonnak hmun kha zoh hnik sehla. Kum a rei tikah cuih hnawmhne pawl lak ihsin hramkung hring dildel le pangpar mawi pawl tampi a kheumi kan hmu thei ko ding. Hnawmhne a si ko nain a karlak ihsin thil ttha tampi suak dingin Pathian in a tawlrel thei. Harsat kan tuarmi lak ihsin Pathian sunlawinak a lang ringring. Harsat zonzai kan tuarmi pawl hi a netnak a si lo timi kan theihsal tikah Pathian ih pekmi hnemnak cu kan co ngah ding a si.
3. Riahsiatza thil cangmi pawl khal kan theihsal ding a ttul.
Riahsiatza kan tonmi pawl hi olte’n kan hngilh thei lo. A hleice in kan duhdawtzetmi pawl thawn hrial aw in tthen-awknak a um tikah kan thin sungah a na ngurngo ttheu. Kan duhdawtzetmi kan nu, kan pa, unau suahpi le kan faate pawl in thihsan tikah kan thin muril a na cuahco ko. Cumi cu duhdawtnak ruangah a si. A dikmi duhdawtnak cu kumkhua in a hmun ringring a si. Kumkhua kan nung theinak dingah cuih duhdawtnak in ruahsannak le aamahkhan in pe ttheu. Pathian ih pekmi kumkhua nunnak hrangah aamahkhan in pekmi sungah duhdawtnak a um ringring. Zumtu mi tampi in cumi um daan kan mang ttheu lo ruangah riahsiatnak sungin kan tlansuak thei ttheu lo. Minung pakhat le khat karlak ih kan duhdawtnak hrampi cu Pathian ah a um. “Pathian cu duhdawtnak a si, cule duhdawtnak thawn a nungmi hmuahhmuah cu Pathian sungah a nungmi an siih Pathian khal an sungah a nung ve” (1 Joh. 4:16). Duhdawtnak ruangah ruahsannak a suak ter. Cumi ruahsannak cu thihnak in a siatsuah thei lo. Duhdawtnak ih rahsuahmi cu thihnak in a cat ter thei lo. Curuangah riahsiatza thuhla kan hngilh thei lomi in ruahsannak in nei ter sinsin a si.
4. Sualnak kan tuah ngahmi nithla pawl khal kan theihsal ding a ttul.
Cuih nithla pawl lak ihsin Pathian in ruahsannak a suahter. Sualnak kan tuahmi pawl hi thup a theih lo. Relh hlo ding khal a ngah lo. Ral tthazet in hmaiton ih kan tong-ngam tik lawngah cuih sualnak ihsin ngaithiamnak kan ngah theiih ruahsannak a um ter. Cuticun Pathian thawn pawlkom aw in tleunak sungah ke kan kar thei vivo ding. Sikhalsehla sualnak kan tuah tikah ziangtin ruahsannak kan nei thei pei? Ziangkim ti thei Pathian ih kumkhua duhdawtnak kan theih taktak lawngah ruahsannak a fekter thei. Kan sualnak pawl cu Bawipa in a thei thluh lawng si loin cuih sualnak ruangah Bawi Jesuh thihnak tuar in a um zo. Cumi cu a sersiammi minung pawl in duhdawt tuk ruangah a si. Kan sualnak kan phuan hlan ah Pathian cun in ngaithiam cia zo a si.
Thunetnak.
Bawi Jesuh a thih hlan ah a dungthluntu pawlin an tlansan thluh ding timi a thei cia. Sikhalsehla Jesuh cun a net tiang a duhdawt hngai a si. A dungthluntu pawl a duhdawt tuk ruangah “himi sang hi lak uhla ei uh, nan hrangah ka pekmi ka taksa a si” tiah a ti thei hrih. Amah tansan in an tlanhlo thluh hmanah Bawipa ih duhdawtnak cu a cem dah lo. Cumi thu pawl ruat sal in kan sualnak pawl ziangtluk a tum hmanah ngaithiam theitu Pathian kan nei timi ruahsannak cu nitin kan nunnak in rem thar ringring a si. Zianghman nei loin, inn le lo nei loin kan tuar rero hi kan hrangah a khami thih sii a si ko ding. Asinain Pathian ih ngaithiamnak le duhdawt zaangfahnak timi thil pakhat kan theihsal tikah ruahsannak a tlung sal. Cumi cun kan thin a nuam ter ih hnangamte’n in um ter a si.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo.
February 7, 2015|Saturday|11:20 pm.
No comments:
Post a Comment