Baibal Caanghril:
“An zatein pakhat an si theinak dingah thla ka cam. Ka Pa, nangmah cu ka sungah na um ih kei khal na sungih ka um vekin annih khal kan sungah um ve hram hai seh. Nangmah in i thlah hi leilung in an zum theinak dingah annih cu pakhat ah cang hram hai seh,” (Johan 17:21)
Baibal siarbet: Johan 17.
Johan 17 sungah Puithiam sangbik Jesuh Khrih ih thlacamnak kan hmu thei. Thla a cammi pawl sungah a hmaisabik ah amai’ hrangah thla a cam. Cuihsin pakhat le pakhat rem awk theinak ding hrangah thla a cam. Marcus Rainford cun, “Pathian ih vorhlam ihsin Bawi Jesuh ih thlaza camsakmi pawl hi duhnungza thluasuah an si. A dungthluntu, tirhthlah pawl ih santlai lonak le ttawnttaihnak thu zianghman a tel lo. Van ihsin Pathian ih tumtahmi vekin hi leitlun ah a rung ttum ih hna a ttuanmi a zaten minung pawlih thlarau nunnak hrangah a si. Thlarau lam ih lennak hi a ttha bikmi lennak taktak a si,” a ti. Cumi Bawi Jesuh ih thlaza in camsakmi pawl cu zohtlangin thazaang lak cio dingah ka lo sawm.
1. Amai’ hrangah thla a cam.
Johan 17:1-8 sung kan siar tikah Bawi Jesuh in Amai’ hrangah thla a camnak kan hmu thei. Bawi Jesuh in thla a cam tikah a hmaisa bikah amai’ hrangah thla a cam. Bawi Jesuh in thla a cam tikah amai’ hrangah hitin thla a cam. Pa in a sunloih ding hi a duh ih amah khalin Pai’ thu lungin ttuan dingmi a ttuan thluh. Phundang deuhin kan zoh a sile Pathian ih pekmi sunloihnak cu Pathian duhnak tuah le ttuan timi parah zohin a pekih a dikmi lawng a pe tinak a si. Minung le minung ih kan pekawkmi sunloihnak cu a dik lomi khal a si thei. Kanmai’ duhmi le uarmipawl lawng sunloihnak pek kan duh ih kan duh lomi le uar lomi cu ziangtlukin an dikzet hmanah sunloihnak pek kan duh lo.
Vei tampi ah kan ruah ttheumi cu midang hrangah thla kan cam dingih kanmai’ hrangah thlacam hi ttul tuk loin kan sim, kan rel ttheu. Asinain mai’ hrangih thlacam khal hi a sual thluh lo tiah kan theih a ttha. Mai’ zawn lawng ruatin le mai’ duhnak lawng kimter dingih thlacam cu a dik lo. Pathian sunlawinak a lang sinsin theinak dingah kanmai’ hrang khalah thla kan cam a ttul. Lungawi thusimnak, ttulmi dilnak, sualphuan in ngaidam dilnak le ap-awknak pawl hi kanmai’ hrangih thlacam ding thupi pawl an si. Bawi jesuh Khrih khal amai’ hrangah thla a cam hmaisa timi hi hngilh hlah uhsi.
2. Tirhthlah pawl hrangah thla a cam.
Johan 17:9-19 kan sir tikah Bawi Jesuh in a dungthluntu tirhthlah pawl hrangah a hleice in thla a camsakmi kan hmu. Ziangahtile a rei hlanah hi leitlun ih a um nawn lo ding timi a theicia ruangah thla a camsakmi a si. Culawng si loin a dungthluntu tirhthlah pawl kha pumkhat an si theinak ding a duhsak tuk ruangah a si. Tirhthlah pawl kha thinlung hmun khat le lungrual tein um ter ringring ding a duh. Cuticun mi ttha lo pawlin an siatsuah thei lonak dingah a si.
Bawi Jesuh in tirhthlah pawl hrangah thinlung helhkamnak thawn le duhsaknak thawn thla a cam sak. J.G. Bellet in, “Tirhthlah pawl cu hi lei khawvelmi pawl lak ihsin Pathian hrangah Jesuh Khrih ih pekmi laksawng, a thiisen ih tlencia zomi pawl an si” a ti. Himi a thlacamnak hi tthate’n kan siar a sile a ttha in duh a umzetmi a si tiah kan hmu thei ding. Huapkau zetin a cam lo ih amai’ dungthlun ringrringtu tirhthlah pawl hrangah a hleice in thla a camsak a si. Kan thlacamnak khalah a ttultuk tiih kan ruahmi pawl hrangah a hleice in thlaza camsak ve dingah in hmuhsaknak a si. Pathian hnattuantu pawl hrangah, missionary pawl hrangah, evangelist pawl hrangah, tlawngta pawl hrangah, sumdawng pawl hrangah, hnattuantu pawl hrangah tivekin a hleice ih thlacam sak ding hi a thupi ngaingai. Hmual khal a nei ter ngaingai.
3. Zumtu hmuahhmuah hrangah thla a cam.
A netabik Johan 17:20-26 sungah Jesuh in zumtu hmuahhmuah hrangah thla a camsaknak kan hmu thei. Hinah ahcun minung zate hrangah le a suak hrih lomi hmuahhmuah hrang tiang thla a cammi kan hmu thei. Curuangah tuini zumtu pawlin hlanlai kum 2000 leng lo lai ihsin Bawi Jesuh in thla in camsak cia zomi kan si tihi thei cio ding kan ttul. Hinah hmunih a thupibikmi thlacamnak cu zumtu pawl pumkhat kan si theinak ding hrangah a si.
Bawi Jesuh in pumkhat si theinak dingah thla a cam kan ti tikah rundammi kan si thluh theinak ding hrangah a si tiah lak theih a si. Lenglam pumkhat sinak hnakin zumnak lamih pumkhat kan si theinak dingah thla a cammi a si. A thupimi cu zumtu pawl pawl tthenawknak ziangtluk a um khalle Jesuh Khrih kan zumnak ah pumkhat kan si theinak ding hi a thupi bikmi a si. Kan zum daan le pom daan a bang lo khalle Bawi Jesuh zumtu kan sinak ahcun kan bang aw thluh thotho.
Thunetnak
Himi Johan 17 sung kan siar thluh tikah Bawi Jesuh ih thla a cammi pawl hi a thupizetmi a si. Amai’ hrangah, tirhthlah pawl hrangah le zumtu hmuahhmuah hrangah thla a camnak kan hmu thei. Tuini tiang himi thlacamnak hi hmual a neiih a sunglawizetmi a si. Zumtu kan sinak ah kanmah hrangah thlacam ding a ttul vekin Pathian hna a ttuantu hmuahhmuah hrangah thlacam sak ding khal kan hngilh lo pei. Cuihsin tuini ah zumtu a si hrih lomi pawl hrang khalah thlaza kan camsak dingih zumtu ah an cang thei ding. Cule cuih zumtu pawl hi Jesuh Zumtu sinak ah pumkhat kan si cio theinak dingah thlaza kan cam ringring ding a ttul ngaingai a si.
Duhdawtnak le duhsaknak thawn,
CJ Hrang Hmung, PhD.,
Toungphila, Kalaymyo.
March 8, 2015|Sunday|8:30 am.
“An zatein pakhat an si theinak dingah thla ka cam. Ka Pa, nangmah cu ka sungah na um ih kei khal na sungih ka um vekin annih khal kan sungah um ve hram hai seh. Nangmah in i thlah hi leilung in an zum theinak dingah annih cu pakhat ah cang hram hai seh,” (Johan 17:21)
Baibal siarbet: Johan 17.
Johan 17 sungah Puithiam sangbik Jesuh Khrih ih thlacamnak kan hmu thei. Thla a cammi pawl sungah a hmaisabik ah amai’ hrangah thla a cam. Cuihsin pakhat le pakhat rem awk theinak ding hrangah thla a cam. Marcus Rainford cun, “Pathian ih vorhlam ihsin Bawi Jesuh ih thlaza camsakmi pawl hi duhnungza thluasuah an si. A dungthluntu, tirhthlah pawl ih santlai lonak le ttawnttaihnak thu zianghman a tel lo. Van ihsin Pathian ih tumtahmi vekin hi leitlun ah a rung ttum ih hna a ttuanmi a zaten minung pawlih thlarau nunnak hrangah a si. Thlarau lam ih lennak hi a ttha bikmi lennak taktak a si,” a ti. Cumi Bawi Jesuh ih thlaza in camsakmi pawl cu zohtlangin thazaang lak cio dingah ka lo sawm.
1. Amai’ hrangah thla a cam.
Johan 17:1-8 sung kan siar tikah Bawi Jesuh in Amai’ hrangah thla a camnak kan hmu thei. Bawi Jesuh in thla a cam tikah a hmaisa bikah amai’ hrangah thla a cam. Bawi Jesuh in thla a cam tikah amai’ hrangah hitin thla a cam. Pa in a sunloih ding hi a duh ih amah khalin Pai’ thu lungin ttuan dingmi a ttuan thluh. Phundang deuhin kan zoh a sile Pathian ih pekmi sunloihnak cu Pathian duhnak tuah le ttuan timi parah zohin a pekih a dikmi lawng a pe tinak a si. Minung le minung ih kan pekawkmi sunloihnak cu a dik lomi khal a si thei. Kanmai’ duhmi le uarmipawl lawng sunloihnak pek kan duh ih kan duh lomi le uar lomi cu ziangtlukin an dikzet hmanah sunloihnak pek kan duh lo.
Vei tampi ah kan ruah ttheumi cu midang hrangah thla kan cam dingih kanmai’ hrangah thlacam hi ttul tuk loin kan sim, kan rel ttheu. Asinain mai’ hrangih thlacam khal hi a sual thluh lo tiah kan theih a ttha. Mai’ zawn lawng ruatin le mai’ duhnak lawng kimter dingih thlacam cu a dik lo. Pathian sunlawinak a lang sinsin theinak dingah kanmai’ hrang khalah thla kan cam a ttul. Lungawi thusimnak, ttulmi dilnak, sualphuan in ngaidam dilnak le ap-awknak pawl hi kanmai’ hrangih thlacam ding thupi pawl an si. Bawi jesuh Khrih khal amai’ hrangah thla a cam hmaisa timi hi hngilh hlah uhsi.
2. Tirhthlah pawl hrangah thla a cam.
Johan 17:9-19 kan sir tikah Bawi Jesuh in a dungthluntu tirhthlah pawl hrangah a hleice in thla a camsakmi kan hmu. Ziangahtile a rei hlanah hi leitlun ih a um nawn lo ding timi a theicia ruangah thla a camsakmi a si. Culawng si loin a dungthluntu tirhthlah pawl kha pumkhat an si theinak ding a duhsak tuk ruangah a si. Tirhthlah pawl kha thinlung hmun khat le lungrual tein um ter ringring ding a duh. Cuticun mi ttha lo pawlin an siatsuah thei lonak dingah a si.
Bawi Jesuh in tirhthlah pawl hrangah thinlung helhkamnak thawn le duhsaknak thawn thla a cam sak. J.G. Bellet in, “Tirhthlah pawl cu hi lei khawvelmi pawl lak ihsin Pathian hrangah Jesuh Khrih ih pekmi laksawng, a thiisen ih tlencia zomi pawl an si” a ti. Himi a thlacamnak hi tthate’n kan siar a sile a ttha in duh a umzetmi a si tiah kan hmu thei ding. Huapkau zetin a cam lo ih amai’ dungthlun ringrringtu tirhthlah pawl hrangah a hleice in thla a camsak a si. Kan thlacamnak khalah a ttultuk tiih kan ruahmi pawl hrangah a hleice in thlaza camsak ve dingah in hmuhsaknak a si. Pathian hnattuantu pawl hrangah, missionary pawl hrangah, evangelist pawl hrangah, tlawngta pawl hrangah, sumdawng pawl hrangah, hnattuantu pawl hrangah tivekin a hleice ih thlacam sak ding hi a thupi ngaingai. Hmual khal a nei ter ngaingai.
3. Zumtu hmuahhmuah hrangah thla a cam.
A netabik Johan 17:20-26 sungah Jesuh in zumtu hmuahhmuah hrangah thla a camsaknak kan hmu thei. Hinah ahcun minung zate hrangah le a suak hrih lomi hmuahhmuah hrang tiang thla a cammi kan hmu thei. Curuangah tuini zumtu pawlin hlanlai kum 2000 leng lo lai ihsin Bawi Jesuh in thla in camsak cia zomi kan si tihi thei cio ding kan ttul. Hinah hmunih a thupibikmi thlacamnak cu zumtu pawl pumkhat kan si theinak ding hrangah a si.
Bawi Jesuh in pumkhat si theinak dingah thla a cam kan ti tikah rundammi kan si thluh theinak ding hrangah a si tiah lak theih a si. Lenglam pumkhat sinak hnakin zumnak lamih pumkhat kan si theinak dingah thla a cammi a si. A thupimi cu zumtu pawl pawl tthenawknak ziangtluk a um khalle Jesuh Khrih kan zumnak ah pumkhat kan si theinak ding hi a thupi bikmi a si. Kan zum daan le pom daan a bang lo khalle Bawi Jesuh zumtu kan sinak ahcun kan bang aw thluh thotho.
Thunetnak
Himi Johan 17 sung kan siar thluh tikah Bawi Jesuh ih thla a cammi pawl hi a thupizetmi a si. Amai’ hrangah, tirhthlah pawl hrangah le zumtu hmuahhmuah hrangah thla a camnak kan hmu thei. Tuini tiang himi thlacamnak hi hmual a neiih a sunglawizetmi a si. Zumtu kan sinak ah kanmah hrangah thlacam ding a ttul vekin Pathian hna a ttuantu hmuahhmuah hrangah thlacam sak ding khal kan hngilh lo pei. Cuihsin tuini ah zumtu a si hrih lomi pawl hrang khalah thlaza kan camsak dingih zumtu ah an cang thei ding. Cule cuih zumtu pawl hi Jesuh Zumtu sinak ah pumkhat kan si cio theinak dingah thlaza kan cam ringring ding a ttul ngaingai a si.
Duhdawtnak le duhsaknak thawn,
CJ Hrang Hmung, PhD.,
Toungphila, Kalaymyo.
March 8, 2015|Sunday|8:30 am.
No comments:
Post a Comment