Baibal Caanghril:
“Nannih cu Pathian ih minung nan si; a lo duhdawt hai ih amah ih hrangah a lo hriilmi nan si. Curuangah zawnruahnak, zaangfah thinpemnak, tangdornak, thinlung nemnak le thinsaunak pawl cu hnipuan bangtuk in hruk uh” (Kolose 3:12).
“Curuangah a cakmi Pathian ih kut hnuai ah tangdorte in um uhla amah in caan a kim a ti tikah a lo khaisang leh ding” (1 Pet. 5:6).
Thuhmaihruai
“Nannih cu Pathian ih minung nan si; a lo duhdawt hai ih amah ih hrangah a lo hriilmi nan si. Curuangah zawnruahnak, zaangfah thinpemnak, tangdornak, thinlung nemnak le thinsaunak pawl cu hnipuan bangtuk in hruk uh” (Kolose 3:12).
“Curuangah a cakmi Pathian ih kut hnuai ah tangdorte in um uhla amah in caan a kim a ti tikah a lo khaisang leh ding” (1 Pet. 5:6).
Thuhmaihruai
Zawnruahnak, zaangfah thinpemnak, tangdornak, thinlung nemnak le
thinsaunak pawl (Kol. 3:12) hi dungthluntu dik pakhat in neih lo theih
lo nei ttulmi sinak pawl an si. Pathian faate cun cuih sinak pawl neih
tengteng dingmi kan si. Cumi pawl cu zaangfahnak thawngin ngah theihmi a
siih Pathian hnen kan dil tik lawngah kan ngah thei ding. Zaangfah
thinpemnak pawl kan neihmi cu midang hmuh thei dingin nunpi a ttul.
Thinlung tangdornak hi Khristian pawl hrangah a thupi zetmi sinak pakhat
a si. Hlanlai Judah san laiah thinlung tangdor mi pawl hi zianghman an
siar aw lo. A puarthau le hngal zet in mi hnakih a cungcuang aw thei
deuh pawl kha mi in an uar deuh. Hotu ah a tlak an ti. Sikhalsehla
cubang mi pawl ih hotu ttuan cu caan reipi tiang a daih thei lo.
Tangdornak a neimi hotu pawl lawng caan reipi tiang rinsantlak an si.
Curuangah Jesuh Khrih in zohtthim dingmi sinak in tanta a si. Cumi cu
Jesuh Khrih in amai’ sinak hmuahhmuah cu a tanta ih hnen-um vekin a um.
Minung ah a cang ih minung pianzia in a piang, tiin kan hmu thei (Fil.
2:6-7). Tangdornak ih sinak pakhat cu midang kha hmunkian thiamnak hi a
si. Amah zawn a ruat lo ih a thinlung khal a nem. Cumi cu thazaang a mal
tinak a si lo. Ziangkim ah suup theinak huham a nei. Curuangah Dr.
David Yongi Cho in thinlung nem le tangdor pawl cu Thlarau Thianghlim ih
huham cahnak in a uk vekin nannih khal a lo uk ve ding, tiah tangdornak
le thinlung nemnak neih ding thu ah a sim dah.
Kan thei cio bangin Jesuh Khrih nunnak ih a thupizetmi a sinak pakhat cu ‘tangdornak’ a si. Curuangah zumtu pawl nitin kan nunnak ih kan neih ding a thupi bikmi cu tangdornak a si. Tangdornak hi zovek zumtu khal ih nei thei dingah kan tuah theimi a si. Sikhalsehla tangdor nun a neitu hi hmuh ding a mal nasa. Kan biakmi Pathian in zumtu pawl nitin kan nunnak ah tangdor nun neih ding kan ttulzia Baibal cang hmun tampi ah in sim. Tangdor nun a neimi zumtu kan si theinak dingah minung le minung zoh aw loin kan Bawipa Jesuh kha kan zohtthim ringring dingah a ttul a si.
1. Tangdornak cu Jesuh Khrih ih sinak le a thinlung put a si
Kan Bawipa Jesuh cu leitlun misual pawl rundam dingah a sinak vancung sunlawinak hmuahhmuah tan-in leitlun a niamnak bik hmunah tangdor zetin a ra, timi cu kan thei cio. Hi leitlun ih a tlanlen sung hmuahhmuah nunnem le tangdor zetin a pa Pathian ih duhnak vekin a thlun ih a nung (Mat.11:29). A suah ihsin a leitlun a nunsung hmuahhmuah le a thih tiang tangdornak thawn caan a hmang. A netnak ah tuar ding a duh lo zetmi thinglamtah parih thihnak tiang tong in tangdor zetin a nunnak a pe. Himi pawl hi kan pa Pathian ih mizia le sinak diktak cu a siih a thinlung put umzia khal a si (Fil. 2:5-8). Jesuh Khrih cu in rundamtu le ka Bawipa a si, ka Pathian diktak a si tiah a zumtu pawlin kan Bawipa ih sinak pawl zohtthim in kan nunnak ah nunpi dingmi a si. Himi thu hi kaa ih sim le rel cu a ol zet ko. Sikhalsehla kan nunnak ah a takih hman ding hi a harsazetmi a si. Jesuh Khrih kan duhdawt taktak ih zumtu diktak kan si ahcun a ol lo zet nain kan nunpi tengteng ding zuam a ttul.
2. Tangdornak cu tuahnak in langter dingmi a si
Mi tangdor kan si le si lo hi kan tuahnak in a lang mai. Tangdor awter ih hna kan ttuan tum khalle tangdornak taktak kan neih lo ahcun a rei hlanah a fiang lohli ttheu. Tangdor nun kan nei taktak ahcun a dingmi kan tuah dingih zaangfahnak le tlaihsannak pawl thawn kan nunah a lang tengteng ding a si (Mikah 6:8). Cumi cu Pathian ih siter a duhmi a si. Tangdor mi ka si kan ti aw ko nain kan tuahnak le nunnak ah a langsuak lo a sile cuih tangdornak cu tangdor taktak a si thei hrimhrim lo. Pathian biak le thla kan cam tikah thinlung puarthau loin tangdornak thawn kan um a ttul (Luk. 18:9-14). Farasi pa bangin Pathian hmaiah kan puarthau pang ahcun a poizet ding. Bawipa Jesuh Khrih cu mi tangdor a sinak kha a dungthluntu pawl ke kholhsaknak in a langter. Cu bangtuk in kan minung pi pawl hnenah tangdornak thawn tuah ve dingah Bawipa in in fial (Joh. 13:1-17). Curuangah tangdor mi kan sinak hi kan tuahnak in langter ding hrimhrim kan si. Tuahnak tel lo kaa lawngih tangdor timi cu a dik lomi a si. Kan ttongkam hnakin kan tuahnak thawn kan langter ding a ttul.
3. Tangdor in um cu khaisang conak a si.
Bawipa Jesuh in midang hnakih thupi deuh ih um lo dingah a zirhmi kan hmu thei (Mat. 20:26-28). A porh awmi pawl cun hmuhsuamnak an tong ding, curuangah tangdor ih um a ttha deuh (Thuf. 11:2). Thin nem le tangdor nun a neitu pawl cu Pathian in a khaisang a si. Khaisang le upatnak co kan duh ahcun tangdor hmaisa ding a ttul (Thuf. 15:33). Zokhal tangdornak a neih hlan lo cu upatnak pek a si dah lo; mi hngal pawl cu siatnak lamzin ah an um, tiah Thufim sungah kan hmu (Thuf. 18:12). Hnagal le puarthau ih um hi Baibal in a duh lo tiah kan hmu thei. Jeim cun, Ca Thianghlim in a ti bangtuk in, “Pathian in mi puarthau a do ih lungnemmi a zaangfah a si” a ti (Jeim 4:6). Piter khalin, “Nan zatein tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, ‘Mi hngal pawl cu Pathian in a dodal ih tangdormi cu mithmai ttha a pek a si,’ tiah a ti. Curuangah a cakmi Pathian ih kut hnuai ah tangdorte in um uhla amah in caan a kim a ti tikah a lo khaisang leh ding” tiah a sim ve (1 Pit. 5:5-6). Bawipa ih hmaiah tangdro in kan um a si ahcun in khaisang hai ding a si (Jeim 4:10)
Thunetnak
Pathian in minung zate’n in khaisang thei. Amah lawngte mi hngal le puarthau pawl cu a khaisang dah lo ding. Zumtu zate’n kan theih ttulmi cu tangdornak hi minung mithmuh lawngah a tawk lo Pathian hmai khal ah a ttul. Minung hmai ahcun thinlung sung tel loin tangdor a theih. Asinain Pathian hmaiah cun tangdor awter khal a ngah lo, tangdornak thinlung neih taktak a ttul. Pathian cu kan thinlung hmu thluhtu a si. Tangdornak hi minung le Pathian hmaiah bangrepte ih kan nunpi dingmi sinak le ziaza a si. Pathian kha kan khaisang ih kan sunloih ahcun Pathian ih cawisannak kan co ding a si. Curuangah “I sunloihtu sawn kha ka sunloih ve pei ih i hmuhsuamtu cu ka hmuhsuam ve ding” (1 Sam. 2:31) tiih Baibal simmi kha cing ringring in Pathian hmaiah tangdorte in um cio uhsi. Cuticun Pathian in a caan a kim tikah in khaisang leh ding a si.
Duhdawtnak le duhsaknak thawn,
Rev. CJ Hrang Hmung, Ph.D.,
Toungphila, Kalaymyo.
July 27, 2014 (Sun)|4:35 pm|.
Kan thei cio bangin Jesuh Khrih nunnak ih a thupizetmi a sinak pakhat cu ‘tangdornak’ a si. Curuangah zumtu pawl nitin kan nunnak ih kan neih ding a thupi bikmi cu tangdornak a si. Tangdornak hi zovek zumtu khal ih nei thei dingah kan tuah theimi a si. Sikhalsehla tangdor nun a neitu hi hmuh ding a mal nasa. Kan biakmi Pathian in zumtu pawl nitin kan nunnak ah tangdor nun neih ding kan ttulzia Baibal cang hmun tampi ah in sim. Tangdor nun a neimi zumtu kan si theinak dingah minung le minung zoh aw loin kan Bawipa Jesuh kha kan zohtthim ringring dingah a ttul a si.
1. Tangdornak cu Jesuh Khrih ih sinak le a thinlung put a si
Kan Bawipa Jesuh cu leitlun misual pawl rundam dingah a sinak vancung sunlawinak hmuahhmuah tan-in leitlun a niamnak bik hmunah tangdor zetin a ra, timi cu kan thei cio. Hi leitlun ih a tlanlen sung hmuahhmuah nunnem le tangdor zetin a pa Pathian ih duhnak vekin a thlun ih a nung (Mat.11:29). A suah ihsin a leitlun a nunsung hmuahhmuah le a thih tiang tangdornak thawn caan a hmang. A netnak ah tuar ding a duh lo zetmi thinglamtah parih thihnak tiang tong in tangdor zetin a nunnak a pe. Himi pawl hi kan pa Pathian ih mizia le sinak diktak cu a siih a thinlung put umzia khal a si (Fil. 2:5-8). Jesuh Khrih cu in rundamtu le ka Bawipa a si, ka Pathian diktak a si tiah a zumtu pawlin kan Bawipa ih sinak pawl zohtthim in kan nunnak ah nunpi dingmi a si. Himi thu hi kaa ih sim le rel cu a ol zet ko. Sikhalsehla kan nunnak ah a takih hman ding hi a harsazetmi a si. Jesuh Khrih kan duhdawt taktak ih zumtu diktak kan si ahcun a ol lo zet nain kan nunpi tengteng ding zuam a ttul.
2. Tangdornak cu tuahnak in langter dingmi a si
Mi tangdor kan si le si lo hi kan tuahnak in a lang mai. Tangdor awter ih hna kan ttuan tum khalle tangdornak taktak kan neih lo ahcun a rei hlanah a fiang lohli ttheu. Tangdor nun kan nei taktak ahcun a dingmi kan tuah dingih zaangfahnak le tlaihsannak pawl thawn kan nunah a lang tengteng ding a si (Mikah 6:8). Cumi cu Pathian ih siter a duhmi a si. Tangdor mi ka si kan ti aw ko nain kan tuahnak le nunnak ah a langsuak lo a sile cuih tangdornak cu tangdor taktak a si thei hrimhrim lo. Pathian biak le thla kan cam tikah thinlung puarthau loin tangdornak thawn kan um a ttul (Luk. 18:9-14). Farasi pa bangin Pathian hmaiah kan puarthau pang ahcun a poizet ding. Bawipa Jesuh Khrih cu mi tangdor a sinak kha a dungthluntu pawl ke kholhsaknak in a langter. Cu bangtuk in kan minung pi pawl hnenah tangdornak thawn tuah ve dingah Bawipa in in fial (Joh. 13:1-17). Curuangah tangdor mi kan sinak hi kan tuahnak in langter ding hrimhrim kan si. Tuahnak tel lo kaa lawngih tangdor timi cu a dik lomi a si. Kan ttongkam hnakin kan tuahnak thawn kan langter ding a ttul.
3. Tangdor in um cu khaisang conak a si.
Bawipa Jesuh in midang hnakih thupi deuh ih um lo dingah a zirhmi kan hmu thei (Mat. 20:26-28). A porh awmi pawl cun hmuhsuamnak an tong ding, curuangah tangdor ih um a ttha deuh (Thuf. 11:2). Thin nem le tangdor nun a neitu pawl cu Pathian in a khaisang a si. Khaisang le upatnak co kan duh ahcun tangdor hmaisa ding a ttul (Thuf. 15:33). Zokhal tangdornak a neih hlan lo cu upatnak pek a si dah lo; mi hngal pawl cu siatnak lamzin ah an um, tiah Thufim sungah kan hmu (Thuf. 18:12). Hnagal le puarthau ih um hi Baibal in a duh lo tiah kan hmu thei. Jeim cun, Ca Thianghlim in a ti bangtuk in, “Pathian in mi puarthau a do ih lungnemmi a zaangfah a si” a ti (Jeim 4:6). Piter khalin, “Nan zatein tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, ‘Mi hngal pawl cu Pathian in a dodal ih tangdormi cu mithmai ttha a pek a si,’ tiah a ti. Curuangah a cakmi Pathian ih kut hnuai ah tangdorte in um uhla amah in caan a kim a ti tikah a lo khaisang leh ding” tiah a sim ve (1 Pit. 5:5-6). Bawipa ih hmaiah tangdro in kan um a si ahcun in khaisang hai ding a si (Jeim 4:10)
Thunetnak
Pathian in minung zate’n in khaisang thei. Amah lawngte mi hngal le puarthau pawl cu a khaisang dah lo ding. Zumtu zate’n kan theih ttulmi cu tangdornak hi minung mithmuh lawngah a tawk lo Pathian hmai khal ah a ttul. Minung hmai ahcun thinlung sung tel loin tangdor a theih. Asinain Pathian hmaiah cun tangdor awter khal a ngah lo, tangdornak thinlung neih taktak a ttul. Pathian cu kan thinlung hmu thluhtu a si. Tangdornak hi minung le Pathian hmaiah bangrepte ih kan nunpi dingmi sinak le ziaza a si. Pathian kha kan khaisang ih kan sunloih ahcun Pathian ih cawisannak kan co ding a si. Curuangah “I sunloihtu sawn kha ka sunloih ve pei ih i hmuhsuamtu cu ka hmuhsuam ve ding” (1 Sam. 2:31) tiih Baibal simmi kha cing ringring in Pathian hmaiah tangdorte in um cio uhsi. Cuticun Pathian in a caan a kim tikah in khaisang leh ding a si.
Duhdawtnak le duhsaknak thawn,
Rev. CJ Hrang Hmung, Ph.D.,
Toungphila, Kalaymyo.
July 27, 2014 (Sun)|4:35 pm|.
No comments:
Post a Comment