Baibal Caanghril:
“Khrih cu a taksa in harsatnak a tuar ruangah nannih khal amah ih thinlung neihmi bangtuk nei in nan thinlung kha khohter uh. Ziangahtile taksa harsatnak a tuartu cu sualnak sungah a tel nawn lo a si” (1 Piter 4:1).
Baibal siar bet: 1 Piter4:1-6.
Minung pakhat in Khrih hrangah nun ding timi hi a harsa zet. Ziangahtile Pathian thu sungah nung in dingfelzet ih a nungmi mi tampi hi khawvel mi pawl in an hnong ṭheu. Anmah vekih duh tawk ih a nung thei lo pawl hi an hmuhsuam ṭheu. Minung timi cu mah thawn bang awk tik lawngah kom kan duh. Feh tlang, ei tlang, it tlang, quan tlang, nom tlang, tlangleng tlang kan duh. Cutikah Khristian pawl le khawvel mi pawl hmunkhat kan si thei ding hi thu harsazet a si. Kom aw ih ṭuan tlang ding hi thil ol a si lo. Curuangah khawvel mi pawlin zumtu pawlcu nasazet in, a phunphun in harsat an pek, an hrem, an hmuhsuam. Cutivek caan ah zumtu hrangih a thupi bikmi cu Jesuh Khrih ih thinlung put bangtuk nei in Amai’ keneh zawh ding hi a si. Cuti ih kan zawh theinak ding ahcun Jesuh Khrih ih thinlung put bangin kan thuam aw ding a ṭul. Jesuh Khrih khal cu hremnak nasazet tuar in a netnak ah an that. Harsatnak a phunphun a tuar. Sikhalsehla a netnak ah hremnak hmuahhmuah a nehsuak thei. Cubangtuk ṭhiamṭhiam in zumtu pawl khal Jesuh Khrih thawngin nehnak khuan kan nei ve a si.
1. Mah le mah eel-awknak
Khristian pawl hi sankhat hnu sankhat hremnak a phunphun an tuar. Mai’ luatnak ding hrangah a thupi bik an neihmi hriamhrei cu Jesuh Khrih ih thinlung thawn thuam aw ding kha a si. Culawngah ziangkim ah mah le mah eel awk theih a si ding. Jesuh Khrih cu kannih zumtu hrangah zohṭhim dingmi umsun a si. A nunnak kan zoh tikah a netnak tiang mah le mah eel awk tahrat in minung kannih pawl hrangah a tuar, a thi. Jesuh Khrih cu sualnak nei hrmhrim lomi a si. A thianghlimmi khal a si. Curuangah hremnak, vuak tuarnak le thahnak tiang a tuar tiah kan hmu thei. Jesuh Khrih a minung sinak cun cuih harsatnak pawl a tuar duh lo, eel a duh a si (Heb. 2:14-15). Asinain Pathian fialnak bangin a tuah, thahnak a tuar. Kannih zumtu pawl khal Khrih bangin tuar theinak thazang in pe. Cule mah le mah kan eel awk a ṭul. Kanmai’ duhnak bangin si sawn loin Bawipai’ duhnak bangin kan ap awk a ṭul.
Piter in, “Khrih cu a taksa in harsatnak a tuar ruangah nannih khal amah ih thinlung neihmi bangtuk nei in nan thinlung khohter uh. Ziangahtile taksa harsatnak a tuartu cu sualnak sungah a tel nawn lo a si” a ti (1 Pit. 4:1). Taksa harsat tuarnak pawlin sualnak thawn a hlat ter. Jesuh Khrih tuarnak ah kan tuar ve. Jeuh Khrih a nehnak ah kan neh ve. Cule dingfelnak thawn in nung ter. “Curuangah a tuih thok ihsin leilung tlun nunnak caan nan neih sung hmuahhmuah ah minung duhnak si loin Pathian duhnak in lo uk seh” (1 Pit. 4:2) tiah thazaang pek phahin a tarlang theinak a si.
2. Sualnak huat ding
“Pathian awi lo khawvel pawlih tuah an duhmi thil kha tikcu tawkfang nan rak duh ve zo. Nan nunnak cu zoh mawi lo nunnak, taksa diriamnak, zuritnak, nun nuamin nupa sualnak, ei le in in puai tuah nomnak, le fihnungza milem biaknak ah nan hmang zo” (1 Pit. 4:3) a ti bangin a liamcia ih kan nunnak ih a balhzia theifiang aw in a dikmi siirnak thinlung neih ding a ṭul ngaingai a si. Kan sualnak a tam tuk zo, tawk thlang seh. Hmailam ah ka tuah nawn lo ding tiah thinlung sung duhnak taktak thawn ṭhencat thei ding kan ṭul a si.
Sualnak thawn peh awin zumtu hrekkhat cu thupte sualnak a phunphun kan tuah ṭheu. Cutin kan tuahmi kha mi in in thei pang ding ti hi kan phangzet. Asinain Pathian in thei ding ti cu kan ṭih lo. Pathian in in hmu thluh timi khal kan ruat dah lo. Cuti ih kan nun hi khawvelmi nun daan a si timi khal kan thei aw lo. Tisa hiarnak thlunin kan feh, sui le ngun kan duh tuk, che kan ṭhu, laungkasa a phunphun kan tuah. Nomnak men a si a poi lo kan ti. Rit thei a phunphun kan hmang khalle poi kan ti lem lo. Kawhhran lamin ziangtluk sim ṭheu khalle thei lo vekin kan um san men. Mipi hmaiah ṭha zet vekih um cingin khatlam ah mi ih theih lote’n a phunphun in sualnak kan tuah rero ṭheu. Zumtu diktak kan si ahcun sualnak huat neknek dingin kan thinlung kan zirh a ṭul. Cutik lawngah kan nun a dik thei ding. Retheih harsat kan ton tik khalah kan tuar thei ding a si.
3. Hniksaknak tuar thei ding
Veikhat lai ah khawvel mi pawl thawn hmunkhat ah duhtawk ih a tlangleng vemi zumtu pawl cu a ṭhangphawkmi Khristian ah an cang sal tikah sualnak an duh nawn lo. Khawvel mi daan vekin nun ding khal an duh nawn lo, a dangte in an um thlang. An nun daan a dang thluh verver thlang. Cutin an nunnak a thleng aw taktak tikah khawvelmi pawl in an zum thei lo. Curuangah anmah thawn nuamzet ih tlangleng sal dingah an va thlem, an va hniksak. Zumtu pawlin an eel tikah a phunphun in mawh an puh, an hrem, an siatsuah duh zet. Cubang minung pawl cu thuṭhennak an co tengteng leh ding. An nung sung ah maw, a si lole an thih hnu khalah maw an tong tengteng dingih hrial theih a si lo ding.
4. Phuan a si thluh zo
Zumtu kan nunnak ah Jesuh Khrih thinlung put bangtuk kan neih ngahding hi a thupi bik. Hlanlai zumtu pa ral qha pawl ih nun zohqhim ding tampi a um. Pathian in leilungpi hi nasazet in thu a ṭhen leh tengteng ding. Jesuh Khrih a cohlang duh lotu pawl cu a netnak ah hell meisa sung thawnginn ah thlak an si thluh ding. Curuangah Jesuh Khrih ih thuthangṭha phuang le tettikhan ding hi a thupizet tiah ralrin in pek. A thicia zomi zumtu pawl hman thuthangṭha an theihnak thawngin rundam co theinak khuan an ngah zo tiah kan hmu thei (1 Pit. 4:6). Pathian hmaika ah thinlung thlarau ih nun theinak an ngah zo. Jesuh Khrih cu minung hmuahhmuah hnenah zirhnak (teaching), vancung uknak thu thawn peh awmi thuthangṭha phuangnak (preaching), damcahnak ding hrangih damternak (healing) timi hnaṭuan thupi zet pawl a ṭuan bangtukin zumtu pawl khal Jesuh Khrih ih thu in tantami vekin cohlang ding, tuah ding, ṭuan dingmi kan si.
Thunetnak
Zumtu pawl nitin kan nunnak hi Jesuh Khrih ih duhnak bangin nung dingmi kan si. A thinlung put daan vekin thuam aw dingmi khal kan si. Kan hrangah ziangkim neh in a um thluh zo. Curuangah nitin kan nunnak ah mah le mah eel-aw in, sualnak kan huat ding a ṭul. Bawi Jesuh in hniksaknak a tuarmi a neh bangin tuar theitu kan si ve a ṭul. Cun kan hrangah rundamnak thuthangṭha phuan a si thluh zomi kha kan thinlung taktak in kan cohlang a ṭul. Cumi cu Piter ih simmi Khristian nun daan pawl tla an si.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo
September 28, 2014|Sunday|4:45 pm
“Khrih cu a taksa in harsatnak a tuar ruangah nannih khal amah ih thinlung neihmi bangtuk nei in nan thinlung kha khohter uh. Ziangahtile taksa harsatnak a tuartu cu sualnak sungah a tel nawn lo a si” (1 Piter 4:1).
Baibal siar bet: 1 Piter4:1-6.
Minung pakhat in Khrih hrangah nun ding timi hi a harsa zet. Ziangahtile Pathian thu sungah nung in dingfelzet ih a nungmi mi tampi hi khawvel mi pawl in an hnong ṭheu. Anmah vekih duh tawk ih a nung thei lo pawl hi an hmuhsuam ṭheu. Minung timi cu mah thawn bang awk tik lawngah kom kan duh. Feh tlang, ei tlang, it tlang, quan tlang, nom tlang, tlangleng tlang kan duh. Cutikah Khristian pawl le khawvel mi pawl hmunkhat kan si thei ding hi thu harsazet a si. Kom aw ih ṭuan tlang ding hi thil ol a si lo. Curuangah khawvel mi pawlin zumtu pawlcu nasazet in, a phunphun in harsat an pek, an hrem, an hmuhsuam. Cutivek caan ah zumtu hrangih a thupi bikmi cu Jesuh Khrih ih thinlung put bangtuk nei in Amai’ keneh zawh ding hi a si. Cuti ih kan zawh theinak ding ahcun Jesuh Khrih ih thinlung put bangin kan thuam aw ding a ṭul. Jesuh Khrih khal cu hremnak nasazet tuar in a netnak ah an that. Harsatnak a phunphun a tuar. Sikhalsehla a netnak ah hremnak hmuahhmuah a nehsuak thei. Cubangtuk ṭhiamṭhiam in zumtu pawl khal Jesuh Khrih thawngin nehnak khuan kan nei ve a si.
1. Mah le mah eel-awknak
Khristian pawl hi sankhat hnu sankhat hremnak a phunphun an tuar. Mai’ luatnak ding hrangah a thupi bik an neihmi hriamhrei cu Jesuh Khrih ih thinlung thawn thuam aw ding kha a si. Culawngah ziangkim ah mah le mah eel awk theih a si ding. Jesuh Khrih cu kannih zumtu hrangah zohṭhim dingmi umsun a si. A nunnak kan zoh tikah a netnak tiang mah le mah eel awk tahrat in minung kannih pawl hrangah a tuar, a thi. Jesuh Khrih cu sualnak nei hrmhrim lomi a si. A thianghlimmi khal a si. Curuangah hremnak, vuak tuarnak le thahnak tiang a tuar tiah kan hmu thei. Jesuh Khrih a minung sinak cun cuih harsatnak pawl a tuar duh lo, eel a duh a si (Heb. 2:14-15). Asinain Pathian fialnak bangin a tuah, thahnak a tuar. Kannih zumtu pawl khal Khrih bangin tuar theinak thazang in pe. Cule mah le mah kan eel awk a ṭul. Kanmai’ duhnak bangin si sawn loin Bawipai’ duhnak bangin kan ap awk a ṭul.
Piter in, “Khrih cu a taksa in harsatnak a tuar ruangah nannih khal amah ih thinlung neihmi bangtuk nei in nan thinlung khohter uh. Ziangahtile taksa harsatnak a tuartu cu sualnak sungah a tel nawn lo a si” a ti (1 Pit. 4:1). Taksa harsat tuarnak pawlin sualnak thawn a hlat ter. Jesuh Khrih tuarnak ah kan tuar ve. Jeuh Khrih a nehnak ah kan neh ve. Cule dingfelnak thawn in nung ter. “Curuangah a tuih thok ihsin leilung tlun nunnak caan nan neih sung hmuahhmuah ah minung duhnak si loin Pathian duhnak in lo uk seh” (1 Pit. 4:2) tiah thazaang pek phahin a tarlang theinak a si.
2. Sualnak huat ding
“Pathian awi lo khawvel pawlih tuah an duhmi thil kha tikcu tawkfang nan rak duh ve zo. Nan nunnak cu zoh mawi lo nunnak, taksa diriamnak, zuritnak, nun nuamin nupa sualnak, ei le in in puai tuah nomnak, le fihnungza milem biaknak ah nan hmang zo” (1 Pit. 4:3) a ti bangin a liamcia ih kan nunnak ih a balhzia theifiang aw in a dikmi siirnak thinlung neih ding a ṭul ngaingai a si. Kan sualnak a tam tuk zo, tawk thlang seh. Hmailam ah ka tuah nawn lo ding tiah thinlung sung duhnak taktak thawn ṭhencat thei ding kan ṭul a si.
Sualnak thawn peh awin zumtu hrekkhat cu thupte sualnak a phunphun kan tuah ṭheu. Cutin kan tuahmi kha mi in in thei pang ding ti hi kan phangzet. Asinain Pathian in thei ding ti cu kan ṭih lo. Pathian in in hmu thluh timi khal kan ruat dah lo. Cuti ih kan nun hi khawvelmi nun daan a si timi khal kan thei aw lo. Tisa hiarnak thlunin kan feh, sui le ngun kan duh tuk, che kan ṭhu, laungkasa a phunphun kan tuah. Nomnak men a si a poi lo kan ti. Rit thei a phunphun kan hmang khalle poi kan ti lem lo. Kawhhran lamin ziangtluk sim ṭheu khalle thei lo vekin kan um san men. Mipi hmaiah ṭha zet vekih um cingin khatlam ah mi ih theih lote’n a phunphun in sualnak kan tuah rero ṭheu. Zumtu diktak kan si ahcun sualnak huat neknek dingin kan thinlung kan zirh a ṭul. Cutik lawngah kan nun a dik thei ding. Retheih harsat kan ton tik khalah kan tuar thei ding a si.
3. Hniksaknak tuar thei ding
Veikhat lai ah khawvel mi pawl thawn hmunkhat ah duhtawk ih a tlangleng vemi zumtu pawl cu a ṭhangphawkmi Khristian ah an cang sal tikah sualnak an duh nawn lo. Khawvel mi daan vekin nun ding khal an duh nawn lo, a dangte in an um thlang. An nun daan a dang thluh verver thlang. Cutin an nunnak a thleng aw taktak tikah khawvelmi pawl in an zum thei lo. Curuangah anmah thawn nuamzet ih tlangleng sal dingah an va thlem, an va hniksak. Zumtu pawlin an eel tikah a phunphun in mawh an puh, an hrem, an siatsuah duh zet. Cubang minung pawl cu thuṭhennak an co tengteng leh ding. An nung sung ah maw, a si lole an thih hnu khalah maw an tong tengteng dingih hrial theih a si lo ding.
4. Phuan a si thluh zo
Zumtu kan nunnak ah Jesuh Khrih thinlung put bangtuk kan neih ngahding hi a thupi bik. Hlanlai zumtu pa ral qha pawl ih nun zohqhim ding tampi a um. Pathian in leilungpi hi nasazet in thu a ṭhen leh tengteng ding. Jesuh Khrih a cohlang duh lotu pawl cu a netnak ah hell meisa sung thawnginn ah thlak an si thluh ding. Curuangah Jesuh Khrih ih thuthangṭha phuang le tettikhan ding hi a thupizet tiah ralrin in pek. A thicia zomi zumtu pawl hman thuthangṭha an theihnak thawngin rundam co theinak khuan an ngah zo tiah kan hmu thei (1 Pit. 4:6). Pathian hmaika ah thinlung thlarau ih nun theinak an ngah zo. Jesuh Khrih cu minung hmuahhmuah hnenah zirhnak (teaching), vancung uknak thu thawn peh awmi thuthangṭha phuangnak (preaching), damcahnak ding hrangih damternak (healing) timi hnaṭuan thupi zet pawl a ṭuan bangtukin zumtu pawl khal Jesuh Khrih ih thu in tantami vekin cohlang ding, tuah ding, ṭuan dingmi kan si.
Thunetnak
Zumtu pawl nitin kan nunnak hi Jesuh Khrih ih duhnak bangin nung dingmi kan si. A thinlung put daan vekin thuam aw dingmi khal kan si. Kan hrangah ziangkim neh in a um thluh zo. Curuangah nitin kan nunnak ah mah le mah eel-aw in, sualnak kan huat ding a ṭul. Bawi Jesuh in hniksaknak a tuarmi a neh bangin tuar theitu kan si ve a ṭul. Cun kan hrangah rundamnak thuthangṭha phuan a si thluh zomi kha kan thinlung taktak in kan cohlang a ṭul. Cumi cu Piter ih simmi Khristian nun daan pawl tla an si.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo
September 28, 2014|Sunday|4:45 pm
A tha tuk thazang ka ngah zet., hi ti vek ih kan lai ca rori in google ah ca siar ding tha in ngan sak thei ih lungawi um tuk aw Pathian in lo hmang vivo hram seh
ReplyDelete