Baibal Caanghril:
“Cutikah ‘Tho uhsila dinsal uhsi’ an ti. An tim an tuah ih hnattuan cu an thok lohli” (Nehemiah 2:18).
Thuhmaihruai
Kan khua, kan ram, kan miphun le kan pawlkom pawl kan zoh tikah hmun tampi ah kan tthangso ko nain khat lam kapah ttumsuk rero mi tampi a um. Fehpi vivo dingmi tampi a um. Remtthat sal a ttulmi tampi a um. Cumi remtthat ttulmi pawl hi zianghman siar loin kan ret men ahcun a sungah ngetin a siat sinsin dingih a hloral thluh leh ding a si. Curuangah kan ram, kan miphun duhdawt in tthatnak dingah dinsal kan ttul. Cumi hrangah kan zatein ttuanvo kan nei. Nehemiah cabu kan siar tikah hminsin tlak thupi zetmi pakhat cu, Nehemiah hi nasazet in Pathian a rinsan ih a hnenah thla a cam ringring timi a si. Ziangruangah hitin Pathian hnenih thla a cam ringring timi kan zoh tikah a ram le a miphun a duhdawt tuk ruangah a si. Curuangah Nehemiah ih nun kan zoh tikah (1) Pathian a rinsan ih a duhdawt, (2) Miphun, khua le ram a duhdawt, (3) Thlacam ringringtu a si, (4) Tumtahmi vekin a tuahsuak tengteng, timi pawl kan hmu thei.
1. Pathian a rinsan ih a duhdawt.
Nehemiah hi Persia ram Susa khuapi ah a umih Artakzaksis siangpahrang hrangah sabit ti petu a si. Amah cu Judah miphun a si. Miphun dang lakah a um ko nain a biakmi a nung Pathian cu a hngilh lo. A biakmi Pathian cu kumkhua a nungmi Pathian pakhat umsun a si timi a thei ringring. A Pathian a rinsan ih a duhdawt fawn. Curuangah amai’ suahseemnak khua le ram ah um thei loin miphun dang hnenah a um ko nain a biakmi Pathian cu a rinsan ih a duhdawt ringring. Zumnak dang pawl karlak ah pil hlo in a hloral ta men lo.
2. Miphun, khua le ram a duhdawt.
Miphun dang, ram dang ah a um ko nain Judah miphun a sinak a hngilh-aw dah lo. A unau Hanani thawn an tong aw tikih Judah ram thuhla le Jerusalem khua kulhnak phar pawl a cim thluh thu le kotka pawl an ur thluh thuh thuhla pawl a thei tikah a riah a sia ngaingai. Cuih thu a thei tikah a to ih a ttap. Cule ni tampi sung riahsia in a um ih zianghman ei loin rawl a ul. Pathian hnenah thla a cam. Pathian hmaiah Israel miphun pawl an sualzia, an pupa pawl an sualzia le Pathian duhnak thlun lo ih an umzia pawl a hmufiang aw. Miphun, khua le ram parah duhdawtnak a neih ruangah Pathian hnenah a sualnak a phuang aw ngam a si. An sualnak pawl hrangah Pathian hnenah ngaithiamnak a dil hngai.
3. Thlacam ringringtu a si.
Nehemiah hi Pathian zumtu le rinsan duhdawttu a si vekin Pathian hnenah thla a cam ringring. Israel ram tundinnak hrangah, an sualnak ngaithiam ngahnak ding hrangah le a hleice in Jerusalem khua kulhnak phar pawl dawl sal theinak ding hrangah thla a cam. Cu lawng si loin Pathian in Moses hnenih a tiamkam ciami pawl khal cingkeng ringring dingah thla a cam. Cuticun a hnenah Pathian in a umpizia le bomnak a pekzia pawl fiangazet in a thei ngah a si.
4. Tumtahmi vekin a tuahsuak tengteng.
Nehemiah cu a thinlung sungah Jerusalem khua kulhnak phar dawl sal dingah le tungding sal ding lawnglawng hi a tumtah. Cumi tungding thei daan ding a ruat tikah lamzin a hmu lo ih a riahsia. Cuih thu siangpahrang Artakzaksis in a thei tikah thu a sut. Cuticun a tumtahmi pawl fiangzetin a sim thluh tikah siangpahrang khalin a siang. Siangpahrang hnen ihsin siannan a ngah vetein a miphun pawl hnenah thuhla um daan a sim tikah “Tho uhsila dinsal uhsi” an ti. Cuih hnu ah an tim an tuah ih hnattuan cu an thok lohli. Kaa ih rel men si loin tumtahmi vekin tuahsuak tengteng ding hi a thupi ngaingai.
Thunetnak.
Thil siatsuahmi a um tikah remtthat ding ruatin tawlrel a ttul. To men in zianghman tuah a theih lo. Tho in, ding in ttuansuak tengteng a ttul. Kan khua kan ram a tthangso theinak dingah siseh, rem ttulmi pawl rem tthat salnak ding hrangah siseh, tho in kan ding hnu ah ttuansuak a ttul. Cutin an ttuan tikah (a) Pathian ttihzah in rintlak nun kan nei a ttul. (b) Kan neihmi thilri, minung pawl anmah le sinak vekin kan hmang thiam a ttul. (c) Kan ttong, kan calai le nunphung pawl kan humhim, kan kilkhawi a ttul. (d) Kan miphun khaisang in a siat zomi pawl remtthat kan ttul. (e) Midang pawl thawn ttang tlangin hnattuan daan zir kan ttul. (f) Hmuitinmi nei in tumtahnak vekin hlawhtling dingah hmai nor vivo ding. Kan ram, kan miphun sungih a siat thluhmi pawl cu it men, to men loin tho in din tlang ding kan ttul.
Kan Chin miphun Pathian in thluasuah a pek ciami cu a tthat sinsin theinak dingah tho in dinsal uhsi.
Duhdawtnak le duhsaknak thawn,
Rev. Dr. CJ Hrang Hmung, PhD.,
Toungphila, Kalaymyo.
June 13, 2015|Saturday|11:30 pm.
“Cutikah ‘Tho uhsila dinsal uhsi’ an ti. An tim an tuah ih hnattuan cu an thok lohli” (Nehemiah 2:18).
Thuhmaihruai
Kan khua, kan ram, kan miphun le kan pawlkom pawl kan zoh tikah hmun tampi ah kan tthangso ko nain khat lam kapah ttumsuk rero mi tampi a um. Fehpi vivo dingmi tampi a um. Remtthat sal a ttulmi tampi a um. Cumi remtthat ttulmi pawl hi zianghman siar loin kan ret men ahcun a sungah ngetin a siat sinsin dingih a hloral thluh leh ding a si. Curuangah kan ram, kan miphun duhdawt in tthatnak dingah dinsal kan ttul. Cumi hrangah kan zatein ttuanvo kan nei. Nehemiah cabu kan siar tikah hminsin tlak thupi zetmi pakhat cu, Nehemiah hi nasazet in Pathian a rinsan ih a hnenah thla a cam ringring timi a si. Ziangruangah hitin Pathian hnenih thla a cam ringring timi kan zoh tikah a ram le a miphun a duhdawt tuk ruangah a si. Curuangah Nehemiah ih nun kan zoh tikah (1) Pathian a rinsan ih a duhdawt, (2) Miphun, khua le ram a duhdawt, (3) Thlacam ringringtu a si, (4) Tumtahmi vekin a tuahsuak tengteng, timi pawl kan hmu thei.
1. Pathian a rinsan ih a duhdawt.
Nehemiah hi Persia ram Susa khuapi ah a umih Artakzaksis siangpahrang hrangah sabit ti petu a si. Amah cu Judah miphun a si. Miphun dang lakah a um ko nain a biakmi a nung Pathian cu a hngilh lo. A biakmi Pathian cu kumkhua a nungmi Pathian pakhat umsun a si timi a thei ringring. A Pathian a rinsan ih a duhdawt fawn. Curuangah amai’ suahseemnak khua le ram ah um thei loin miphun dang hnenah a um ko nain a biakmi Pathian cu a rinsan ih a duhdawt ringring. Zumnak dang pawl karlak ah pil hlo in a hloral ta men lo.
2. Miphun, khua le ram a duhdawt.
Miphun dang, ram dang ah a um ko nain Judah miphun a sinak a hngilh-aw dah lo. A unau Hanani thawn an tong aw tikih Judah ram thuhla le Jerusalem khua kulhnak phar pawl a cim thluh thu le kotka pawl an ur thluh thuh thuhla pawl a thei tikah a riah a sia ngaingai. Cuih thu a thei tikah a to ih a ttap. Cule ni tampi sung riahsia in a um ih zianghman ei loin rawl a ul. Pathian hnenah thla a cam. Pathian hmaiah Israel miphun pawl an sualzia, an pupa pawl an sualzia le Pathian duhnak thlun lo ih an umzia pawl a hmufiang aw. Miphun, khua le ram parah duhdawtnak a neih ruangah Pathian hnenah a sualnak a phuang aw ngam a si. An sualnak pawl hrangah Pathian hnenah ngaithiamnak a dil hngai.
3. Thlacam ringringtu a si.
Nehemiah hi Pathian zumtu le rinsan duhdawttu a si vekin Pathian hnenah thla a cam ringring. Israel ram tundinnak hrangah, an sualnak ngaithiam ngahnak ding hrangah le a hleice in Jerusalem khua kulhnak phar pawl dawl sal theinak ding hrangah thla a cam. Cu lawng si loin Pathian in Moses hnenih a tiamkam ciami pawl khal cingkeng ringring dingah thla a cam. Cuticun a hnenah Pathian in a umpizia le bomnak a pekzia pawl fiangazet in a thei ngah a si.
4. Tumtahmi vekin a tuahsuak tengteng.
Nehemiah cu a thinlung sungah Jerusalem khua kulhnak phar dawl sal dingah le tungding sal ding lawnglawng hi a tumtah. Cumi tungding thei daan ding a ruat tikah lamzin a hmu lo ih a riahsia. Cuih thu siangpahrang Artakzaksis in a thei tikah thu a sut. Cuticun a tumtahmi pawl fiangzetin a sim thluh tikah siangpahrang khalin a siang. Siangpahrang hnen ihsin siannan a ngah vetein a miphun pawl hnenah thuhla um daan a sim tikah “Tho uhsila dinsal uhsi” an ti. Cuih hnu ah an tim an tuah ih hnattuan cu an thok lohli. Kaa ih rel men si loin tumtahmi vekin tuahsuak tengteng ding hi a thupi ngaingai.
Thunetnak.
Thil siatsuahmi a um tikah remtthat ding ruatin tawlrel a ttul. To men in zianghman tuah a theih lo. Tho in, ding in ttuansuak tengteng a ttul. Kan khua kan ram a tthangso theinak dingah siseh, rem ttulmi pawl rem tthat salnak ding hrangah siseh, tho in kan ding hnu ah ttuansuak a ttul. Cutin an ttuan tikah (a) Pathian ttihzah in rintlak nun kan nei a ttul. (b) Kan neihmi thilri, minung pawl anmah le sinak vekin kan hmang thiam a ttul. (c) Kan ttong, kan calai le nunphung pawl kan humhim, kan kilkhawi a ttul. (d) Kan miphun khaisang in a siat zomi pawl remtthat kan ttul. (e) Midang pawl thawn ttang tlangin hnattuan daan zir kan ttul. (f) Hmuitinmi nei in tumtahnak vekin hlawhtling dingah hmai nor vivo ding. Kan ram, kan miphun sungih a siat thluhmi pawl cu it men, to men loin tho in din tlang ding kan ttul.
Kan Chin miphun Pathian in thluasuah a pek ciami cu a tthat sinsin theinak dingah tho in dinsal uhsi.
Duhdawtnak le duhsaknak thawn,
Rev. Dr. CJ Hrang Hmung, PhD.,
Toungphila, Kalaymyo.
June 13, 2015|Saturday|11:30 pm.
No comments:
Post a Comment