Baibal Caanghril:
“Ka duhdawtmi ka rualle uh, a harsazet hniksaknak nan tuar ruangah hin mangbangin um hlah uh; zohman ih an ton dah lomi harsatnak kan parah a thlengce ti in ruat hlah uh. Khrih ih tuarnak a hlawm-awmi nan si ruangah nan lung awi sawn uh. Cutiin nan ti a sile a sunlawinak a lang tikah nannih cu lungawinak in nan khat ding” (1 Pit. 4:12-13).
Baibal ca kan siar tikah harsatnak a tuar lo zohman kan um lo timi cu fiangzetin kan hmu thei. Ziangruangah Pathian in a faate pawl hrem le harsat a tuar siang a si pei? Minung hmaisabik (Adam) ihsin sualnak timi cu hi leilung ah a rung lut tikah minung pawl sualnak sungah kan nung ve thlang. Hi leilungpi hi sualthimpi ah a cang. Minung cu thimkhawzing sungah um kan duh. Tleunak a thlen tikah thimnak in a duh lo, a hua. Hlo ko ih tuah a duh. Tleunak ih faate pawl a siatsuah. Satan cu cuih thimnak hmun a uktu pathian a si (2 Kor. 4:4). Satan in Pathian faate pawl a hrem hngai. Sikhalsehla zumtu pawl cu Khrih thawngin nehnak cotu kan si.
1. Mangbangza thil ah ruat lo ding.
Hremtuarnak hi mangbangza thil ah ruat hlah uh. Mangbangza thil a si lo tiah sim a duh. Ziangruangah hremtuarnak a um a si pei, timi thu mallai kan zoh hnik pei.
(a) Hniksak harsatnak timi hi kan zumnak a hnget maw hnget lo ti hniksaknak a si. Khrih hrangah ziang tiang kan tuar thei pei? ziang tik tiang kan nunnak kan pe aw thei pei? timi thei theinak dingah a si.
(b) “A harsazet hniksaknak” hi Kawl Baibal cun “Meisa thawn hniksaknak” a ti. Meisa thawn hniksaknak cu Pathian kan rinsan sinsin theinak dingah in zirh duhmi a si. Pathian lawng rinsan kan ttul. Kanmai’ thil titheinak thawn a daih nawn lo, Pathian tel locun ka cang thei nawn lo ti kan thei awknak ding hrangah a si.
(c) Hniksaknak ruangah minung hrangah tuar theinak a suahpi. A ral a ttha sinsin thei. Cutin Khristian diktak ah a cangsuak ter sawn.
(d) Kan nun ih zohqhimtlak nun a langmi kha midang in an hmu ve ding. Cutikah Pathian fa diktak kan sizia midang in in hmu thei ding.
Meisa thawn hniksaknak timi hi rapthlakza harsazet a si. Zumtu hmaisa pawl cu kiosa rawl ah an pek. Meisa tthuam ah an hmang. Rapthlak ttihnungza zetin an that. Sui le Ngun pawl hi meisa thawn hniksak a si ttheu. Meisa cun a bal hmuah a kangfai thluh ih Sui le Ngun ih a tthat famkimnak lawng a tang. Cuticun mannei le mankhung zetah an cang.
2. Lungawi in um ding.
Khrih ih thih tuarnak, retheih tuarnak pawl ttawmpi in Khrih ih tuahmi bangin zumtu pawl khalin kan tuah ve ruangah Khrih a ratsal tikah lungawi hleice mi kan si. Cumi ruahsannak ruangah atu kan tuar rero khalle lungawi thotho ding kan si tiah a forhnak a si. “Zohman ih an ton dah lomi harsatnak kan parah a thlengce ti in ruat hlah uh” tiah fiangtein a sim. Kan tuarmi harsatnak pawl hi midang tampi in an ton dah zomi a siih kan ton daan a bang aw lo men ruangah a si. Mi zovek khalin kan tuar thluhmi a si ko. Minung pawl kan tuarnak cu kan sualnak ruangah a si. Sikhalsehla sualnak a nei hrimhrim lomi Bawi Jesuh cu kan zate sualnak ihsin luatnak kan ngah theinak ding hrangah in tuarsak thluh zo. Misual kan si hrih cingin kan hrangah Jesuh Khrih a thi a si (Rom 5:8). Curuangah kan sualnak a cem ih Pathian hmaiah mi famkim ah in ret. Lungawinak famkim in co ter. Zohman ih long thei lomi lungawinak a si (Joh. 16:20-22). Lungawi in um ringring ding kan ttul. Kanmai’ tuah tthatnak ruagnah si loin Jesuh ih zaangfah duhdawtnak ruangah a si.
Thunetnak.
Nitin kan nunnak ah kan tuarmi pawl kan ruat tikah harsa kan ti caan tampi a um ko ding. Khristian kan si ruangih kan tuar a si ahcun ningzak ding kan si lo. Khrih hmin a kengtu kan si ruangah Pathian hnenah lungawi thu sim ding kan si sawn (1 Pit. 4:16). Khrih a ratsal dingih a sunlawinak a lang tikah zumtu pawl cu lungawinak in kan khat dingih a sunlawinak sungah kumkhua in kan um thlang ding a si. Jesuh Khrih ih tuarnak a hlawm-awmi zumtu kan si timi hi ziangtik khalah hngilh hlah uhsi.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo.
April 25, 2015|Saturday|10:00 pm.
“Ka duhdawtmi ka rualle uh, a harsazet hniksaknak nan tuar ruangah hin mangbangin um hlah uh; zohman ih an ton dah lomi harsatnak kan parah a thlengce ti in ruat hlah uh. Khrih ih tuarnak a hlawm-awmi nan si ruangah nan lung awi sawn uh. Cutiin nan ti a sile a sunlawinak a lang tikah nannih cu lungawinak in nan khat ding” (1 Pit. 4:12-13).
Baibal ca kan siar tikah harsatnak a tuar lo zohman kan um lo timi cu fiangzetin kan hmu thei. Ziangruangah Pathian in a faate pawl hrem le harsat a tuar siang a si pei? Minung hmaisabik (Adam) ihsin sualnak timi cu hi leilung ah a rung lut tikah minung pawl sualnak sungah kan nung ve thlang. Hi leilungpi hi sualthimpi ah a cang. Minung cu thimkhawzing sungah um kan duh. Tleunak a thlen tikah thimnak in a duh lo, a hua. Hlo ko ih tuah a duh. Tleunak ih faate pawl a siatsuah. Satan cu cuih thimnak hmun a uktu pathian a si (2 Kor. 4:4). Satan in Pathian faate pawl a hrem hngai. Sikhalsehla zumtu pawl cu Khrih thawngin nehnak cotu kan si.
1. Mangbangza thil ah ruat lo ding.
Hremtuarnak hi mangbangza thil ah ruat hlah uh. Mangbangza thil a si lo tiah sim a duh. Ziangruangah hremtuarnak a um a si pei, timi thu mallai kan zoh hnik pei.
(a) Hniksak harsatnak timi hi kan zumnak a hnget maw hnget lo ti hniksaknak a si. Khrih hrangah ziang tiang kan tuar thei pei? ziang tik tiang kan nunnak kan pe aw thei pei? timi thei theinak dingah a si.
(b) “A harsazet hniksaknak” hi Kawl Baibal cun “Meisa thawn hniksaknak” a ti. Meisa thawn hniksaknak cu Pathian kan rinsan sinsin theinak dingah in zirh duhmi a si. Pathian lawng rinsan kan ttul. Kanmai’ thil titheinak thawn a daih nawn lo, Pathian tel locun ka cang thei nawn lo ti kan thei awknak ding hrangah a si.
(c) Hniksaknak ruangah minung hrangah tuar theinak a suahpi. A ral a ttha sinsin thei. Cutin Khristian diktak ah a cangsuak ter sawn.
(d) Kan nun ih zohqhimtlak nun a langmi kha midang in an hmu ve ding. Cutikah Pathian fa diktak kan sizia midang in in hmu thei ding.
Meisa thawn hniksaknak timi hi rapthlakza harsazet a si. Zumtu hmaisa pawl cu kiosa rawl ah an pek. Meisa tthuam ah an hmang. Rapthlak ttihnungza zetin an that. Sui le Ngun pawl hi meisa thawn hniksak a si ttheu. Meisa cun a bal hmuah a kangfai thluh ih Sui le Ngun ih a tthat famkimnak lawng a tang. Cuticun mannei le mankhung zetah an cang.
2. Lungawi in um ding.
Khrih ih thih tuarnak, retheih tuarnak pawl ttawmpi in Khrih ih tuahmi bangin zumtu pawl khalin kan tuah ve ruangah Khrih a ratsal tikah lungawi hleice mi kan si. Cumi ruahsannak ruangah atu kan tuar rero khalle lungawi thotho ding kan si tiah a forhnak a si. “Zohman ih an ton dah lomi harsatnak kan parah a thlengce ti in ruat hlah uh” tiah fiangtein a sim. Kan tuarmi harsatnak pawl hi midang tampi in an ton dah zomi a siih kan ton daan a bang aw lo men ruangah a si. Mi zovek khalin kan tuar thluhmi a si ko. Minung pawl kan tuarnak cu kan sualnak ruangah a si. Sikhalsehla sualnak a nei hrimhrim lomi Bawi Jesuh cu kan zate sualnak ihsin luatnak kan ngah theinak ding hrangah in tuarsak thluh zo. Misual kan si hrih cingin kan hrangah Jesuh Khrih a thi a si (Rom 5:8). Curuangah kan sualnak a cem ih Pathian hmaiah mi famkim ah in ret. Lungawinak famkim in co ter. Zohman ih long thei lomi lungawinak a si (Joh. 16:20-22). Lungawi in um ringring ding kan ttul. Kanmai’ tuah tthatnak ruagnah si loin Jesuh ih zaangfah duhdawtnak ruangah a si.
Thunetnak.
Nitin kan nunnak ah kan tuarmi pawl kan ruat tikah harsa kan ti caan tampi a um ko ding. Khristian kan si ruangih kan tuar a si ahcun ningzak ding kan si lo. Khrih hmin a kengtu kan si ruangah Pathian hnenah lungawi thu sim ding kan si sawn (1 Pit. 4:16). Khrih a ratsal dingih a sunlawinak a lang tikah zumtu pawl cu lungawinak in kan khat dingih a sunlawinak sungah kumkhua in kan um thlang ding a si. Jesuh Khrih ih tuarnak a hlawm-awmi zumtu kan si timi hi ziangtik khalah hngilh hlah uhsi.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo.
April 25, 2015|Saturday|10:00 pm.
No comments:
Post a Comment