Baibal Caanghril:
“Nannih cu Pathian ih minung nan si; a lo duhdawt hai ih amah ih hrangah a lo hrilmi nan si. Curuangah zawnruahnak, zaangfah thinpemnak, tangdornak, thinlung nemnak le thinsaunak pawl cu hnipuan bangtuk in hruk uh.” (Kol. 3:12).
Thuhmaihruai
Zumtu pawl cu Pathian ih minung kan si. Pathian ih minung (Kol. 3:12) timi cu a hrante ih hrilmi pawl kan si, khawvel mi kan si lo. Cu pawl cu quanvo pakhat tuah ter dingih hmunkhat ih ret khawmmi pawl an si. Pathian ta kan siih kanmai’ ta an si (1 Kor. 6:19-20). Pathian ih duhdawtmi faate pawl kan siih a Fapa neihsun ih thiisen luangin tlencia zomi kan si. Curuangah sualnak sungih kan umsal tikah Pathian a ningna zet a si. Pathian ningna ter lo dingin kan nun kan ralring a ttul. Pathian kan duhdawt taktak a sile A ttongkam ngai in nunpi ding kan ttul. Pathian faate pawlin nitin kan nunnak ah hruk ttulmi tiah Paul ih a simmi pawl cu a tanglam vekin kan zoh ta hrih ding.
1. Zawnruahnak: Hlan deuh ahcun hi leitlunah zawnruahnak hi a rak um tuk lem lo. Kut le ke a famkim lomi, a tarmi, santlai lomi pawl hrangah zawnruahnak a rak um tuk dah lo. Sikhalsehla Jesuh Khrih ih a kenmi Thuthangttha cun santlai lomi, mi dam lo pawl, a tarmi pawl, taksa pum a famkim lomi pawl le thazaang a ttawnttaimi pawl parah zawnruahnak le duhdawtnak a langterzia kha himi ttongfang in a dinpi. Tuini khalah hmun tampi ram tampi ah mi harsa pawl parah zawnruahnak neiin ngakttah le farah santlai lo pawl hrangah bomnak a phunphun tuah a si rero. Midang parah zawnruahnak thinlung kan neih ding a ttul ngaingai.
2. Zaangfah thinpemnak: Zawnruahnak le zaangfah thinpemnak hi hmantlangmi an si. Midang parah duhdawtnak langter hi a si. Zaangfah thinpemnak timi cu Grik ttong in chrestos ti a siih a sullam cu midang parah tthatnak tuah menmen kha si loin mai’ hrangah ruahsannak nei loin tthatnak tuah kha a si. Midang parah a thiangmi thinlung put, tirhsiangnak, tthatnak tuah duhnak thinlung put pawl kha a sim duhmi a si. Hibangtuk zaangfah thinpemnak thinlung le hnattuannak in pakhat le pakhat pehzomnak a tthatter ih zumtu pawl karlakah duhdawtnak a karhzaiter a si.
3. Tangdornak: Tangdornak timi cu mai’ sinak zate tthum awk thluh hi a si. Puarthau le hngal zetin a um lo. Jesuh Khrih cu Pathian sinak a nei ringring ko nain Pathian bang dingah hramram in a tum dah lo… Tangdornak thinlung a neiih Pathian thu thlun in, thianglamtah thihnak tiangin a tuar (Fil. 2:6, 8). Jesuh Khrih in tangdor nun in zirh. Amah rori in a dungthluntu pawlih ke a kholh sak. Grik miphun pawl hi ka fim, ka thiam tiah a ruat awmi an siih tangdornak thinlung an nei thei lem lo. An ttongfang hmanah tangdornak timi a um lo, tiah an sim. Zumtu pawl dinhmun in minung cu Pathian sersiammi kan si ruangah Pathian hmaiah tangdor tein kan um a ttul a si. Curuangah Piter in, “A cakmi Pathian ih kut hnuai ah tangdorte in um uhla amah in caan a kim a ti tikah a lo khaisang leh ding” a ti (1 Pit. 5:6). Sersiamtu Pathian hmaiah hngal le puar thau ih um ding kan si hrimhrim lo.
4. Thinlung nemnak: Hlanlai mifim Grik mi pawlih ruah daan ahcun thinlung neem hi mi santlai lo pawl an si tiah an ruat. Sikhalsehla Khrih ih zirhnak ahcun “Lungnemmi pawl cu mi thluasuak an si; Ziangahtile Pathian ih kam ciami an co ding” a ti (Mat. 5:5). Thinlung nem cu a dik lomi parah qong ngam loin um san men khi a si lo. A ttulnak ahcun ral ttha zetin a sim ngam dingih a thin khal a heng ngam dingmi a si. Moses hi ral ttha zet pakhat a si vekin leitlun mi hmuahhmuah lakah thinlung nem bik a si. Thinlung nemnak le tangdornak hi a bangaw deuhmi an si. Thinlung a nemmi cu amah le amah a uk aw theitu a si. Thinlung tangdornak hi Khristian pawl hrangah a thupi zetmi sinak pakhat a si. Hlanlai Judah san laiah thinlung tangdormi pawl hi zianghman an siar aw lo. A puarthau le hngal zetin mi hnakih a cungcuang aw thei deuh pawl kha mi in an uar. Hotu ah a tlak an ti. Curuangah Jesuh Khrih in zohtthim dingmi sinak in tanta. Jesuh Khrih in amai’ sinak hmuahhmuah cu a tanta ih hnen-um vekin a um. Minung ah a cang ih minung pianzia in a piang, tiah kan hmu thei (Fil. 2:6-7). Dr. David Yongi Cho in thinlung nem le tangdor pawl cu Thlarau Thianghlim ih huham cahnak in a uk vekin nannih khal a lo uk ve ding, tiah tangdornak le thinlung nemnak neih ding thu ah a sim dah.
5. Thinsaunak: Thinsaunak timi cu thlarau laksawng pakua sungih a telmi a si (Gal. 5:22). Thinsaunak a um lonak hmun ahcun thinhengnak le to awknak hlir in a khat ko ding. Thinsaunak cun tuar theinak a suahpi. Pathian in misual pawl parah thinsau zetin in ngaithiam vekin minung pawl khal thinsaunak kan neih a ttul. Midang kan ngaithiam thei ahcun kanmah khal ngaithiam kan si ve ding. Pathian ih thinsaunak cu minung pawl khalin misual kan si cingin in theithiam thei timi theifiang in thinsaunak thawn kan thuam awk ding a ttul ngaingai.
Thunetnak
Pathian faate cun cuih sinak hnipuan pawl kan hruk a ttul. Cumi pawl cu zaangfahnak thawngin ngah theihmi a siih dil tik lawngah kan ngah thei ding. Zaangfah thinnemnak pawl kan neihmi cu midang hmuh thei dingin nunpi a ttul. Khristian sinak ih a mawi bikmi nuncan ziaza cu duhdawtnak famkim thawn ttemttawn-awk hi a si. Duhdawtnak cu Thlarau in a hmaisa bik a rah termi a si (Gal. 5:22). Duhdawtnak in a ukmi zumtu cu a sangbik Khristian nun le duhnungza nun neitu an si. Duhdawtnak cu a dang thil ttha tuahmi a finkhawmtu lawng si loin a famkim tertu a si. Zawnruahnak, zaangfah thinpemnak, tangdornak, thinlung nemnak, thinsaunak le ngaithiamnak pawl hi duhdawtnak a um lo ahcun Pathian thinlung a tong ban dah lo ding. Duhdawtnak a tel tik lawngah sullam famkim a nei theiih tthatnak hmuahhmuah ih a laimuril a si. Cuih famkimnak cu duhdawtnak lawngin a tuah theimi a si. Cumi duhdawtnak hnipuan cu zumtu kan zate hrangah a siih kan hruk ringring dingmi a si.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo.
May 2, 2015|Saturday|11:00 pm.
“Nannih cu Pathian ih minung nan si; a lo duhdawt hai ih amah ih hrangah a lo hrilmi nan si. Curuangah zawnruahnak, zaangfah thinpemnak, tangdornak, thinlung nemnak le thinsaunak pawl cu hnipuan bangtuk in hruk uh.” (Kol. 3:12).
Thuhmaihruai
Zumtu pawl cu Pathian ih minung kan si. Pathian ih minung (Kol. 3:12) timi cu a hrante ih hrilmi pawl kan si, khawvel mi kan si lo. Cu pawl cu quanvo pakhat tuah ter dingih hmunkhat ih ret khawmmi pawl an si. Pathian ta kan siih kanmai’ ta an si (1 Kor. 6:19-20). Pathian ih duhdawtmi faate pawl kan siih a Fapa neihsun ih thiisen luangin tlencia zomi kan si. Curuangah sualnak sungih kan umsal tikah Pathian a ningna zet a si. Pathian ningna ter lo dingin kan nun kan ralring a ttul. Pathian kan duhdawt taktak a sile A ttongkam ngai in nunpi ding kan ttul. Pathian faate pawlin nitin kan nunnak ah hruk ttulmi tiah Paul ih a simmi pawl cu a tanglam vekin kan zoh ta hrih ding.
1. Zawnruahnak: Hlan deuh ahcun hi leitlunah zawnruahnak hi a rak um tuk lem lo. Kut le ke a famkim lomi, a tarmi, santlai lomi pawl hrangah zawnruahnak a rak um tuk dah lo. Sikhalsehla Jesuh Khrih ih a kenmi Thuthangttha cun santlai lomi, mi dam lo pawl, a tarmi pawl, taksa pum a famkim lomi pawl le thazaang a ttawnttaimi pawl parah zawnruahnak le duhdawtnak a langterzia kha himi ttongfang in a dinpi. Tuini khalah hmun tampi ram tampi ah mi harsa pawl parah zawnruahnak neiin ngakttah le farah santlai lo pawl hrangah bomnak a phunphun tuah a si rero. Midang parah zawnruahnak thinlung kan neih ding a ttul ngaingai.
2. Zaangfah thinpemnak: Zawnruahnak le zaangfah thinpemnak hi hmantlangmi an si. Midang parah duhdawtnak langter hi a si. Zaangfah thinpemnak timi cu Grik ttong in chrestos ti a siih a sullam cu midang parah tthatnak tuah menmen kha si loin mai’ hrangah ruahsannak nei loin tthatnak tuah kha a si. Midang parah a thiangmi thinlung put, tirhsiangnak, tthatnak tuah duhnak thinlung put pawl kha a sim duhmi a si. Hibangtuk zaangfah thinpemnak thinlung le hnattuannak in pakhat le pakhat pehzomnak a tthatter ih zumtu pawl karlakah duhdawtnak a karhzaiter a si.
3. Tangdornak: Tangdornak timi cu mai’ sinak zate tthum awk thluh hi a si. Puarthau le hngal zetin a um lo. Jesuh Khrih cu Pathian sinak a nei ringring ko nain Pathian bang dingah hramram in a tum dah lo… Tangdornak thinlung a neiih Pathian thu thlun in, thianglamtah thihnak tiangin a tuar (Fil. 2:6, 8). Jesuh Khrih in tangdor nun in zirh. Amah rori in a dungthluntu pawlih ke a kholh sak. Grik miphun pawl hi ka fim, ka thiam tiah a ruat awmi an siih tangdornak thinlung an nei thei lem lo. An ttongfang hmanah tangdornak timi a um lo, tiah an sim. Zumtu pawl dinhmun in minung cu Pathian sersiammi kan si ruangah Pathian hmaiah tangdor tein kan um a ttul a si. Curuangah Piter in, “A cakmi Pathian ih kut hnuai ah tangdorte in um uhla amah in caan a kim a ti tikah a lo khaisang leh ding” a ti (1 Pit. 5:6). Sersiamtu Pathian hmaiah hngal le puar thau ih um ding kan si hrimhrim lo.
4. Thinlung nemnak: Hlanlai mifim Grik mi pawlih ruah daan ahcun thinlung neem hi mi santlai lo pawl an si tiah an ruat. Sikhalsehla Khrih ih zirhnak ahcun “Lungnemmi pawl cu mi thluasuak an si; Ziangahtile Pathian ih kam ciami an co ding” a ti (Mat. 5:5). Thinlung nem cu a dik lomi parah qong ngam loin um san men khi a si lo. A ttulnak ahcun ral ttha zetin a sim ngam dingih a thin khal a heng ngam dingmi a si. Moses hi ral ttha zet pakhat a si vekin leitlun mi hmuahhmuah lakah thinlung nem bik a si. Thinlung nemnak le tangdornak hi a bangaw deuhmi an si. Thinlung a nemmi cu amah le amah a uk aw theitu a si. Thinlung tangdornak hi Khristian pawl hrangah a thupi zetmi sinak pakhat a si. Hlanlai Judah san laiah thinlung tangdormi pawl hi zianghman an siar aw lo. A puarthau le hngal zetin mi hnakih a cungcuang aw thei deuh pawl kha mi in an uar. Hotu ah a tlak an ti. Curuangah Jesuh Khrih in zohtthim dingmi sinak in tanta. Jesuh Khrih in amai’ sinak hmuahhmuah cu a tanta ih hnen-um vekin a um. Minung ah a cang ih minung pianzia in a piang, tiah kan hmu thei (Fil. 2:6-7). Dr. David Yongi Cho in thinlung nem le tangdor pawl cu Thlarau Thianghlim ih huham cahnak in a uk vekin nannih khal a lo uk ve ding, tiah tangdornak le thinlung nemnak neih ding thu ah a sim dah.
5. Thinsaunak: Thinsaunak timi cu thlarau laksawng pakua sungih a telmi a si (Gal. 5:22). Thinsaunak a um lonak hmun ahcun thinhengnak le to awknak hlir in a khat ko ding. Thinsaunak cun tuar theinak a suahpi. Pathian in misual pawl parah thinsau zetin in ngaithiam vekin minung pawl khal thinsaunak kan neih a ttul. Midang kan ngaithiam thei ahcun kanmah khal ngaithiam kan si ve ding. Pathian ih thinsaunak cu minung pawl khalin misual kan si cingin in theithiam thei timi theifiang in thinsaunak thawn kan thuam awk ding a ttul ngaingai.
Thunetnak
Pathian faate cun cuih sinak hnipuan pawl kan hruk a ttul. Cumi pawl cu zaangfahnak thawngin ngah theihmi a siih dil tik lawngah kan ngah thei ding. Zaangfah thinnemnak pawl kan neihmi cu midang hmuh thei dingin nunpi a ttul. Khristian sinak ih a mawi bikmi nuncan ziaza cu duhdawtnak famkim thawn ttemttawn-awk hi a si. Duhdawtnak cu Thlarau in a hmaisa bik a rah termi a si (Gal. 5:22). Duhdawtnak in a ukmi zumtu cu a sangbik Khristian nun le duhnungza nun neitu an si. Duhdawtnak cu a dang thil ttha tuahmi a finkhawmtu lawng si loin a famkim tertu a si. Zawnruahnak, zaangfah thinpemnak, tangdornak, thinlung nemnak, thinsaunak le ngaithiamnak pawl hi duhdawtnak a um lo ahcun Pathian thinlung a tong ban dah lo ding. Duhdawtnak a tel tik lawngah sullam famkim a nei theiih tthatnak hmuahhmuah ih a laimuril a si. Cuih famkimnak cu duhdawtnak lawngin a tuah theimi a si. Cumi duhdawtnak hnipuan cu zumtu kan zate hrangah a siih kan hruk ringring dingmi a si.
Duhdawtnak le duhsaknak thawn,
Rev. CJ Hrang Hmung, PhD.,
Toungphila, Kalaymyo.
May 2, 2015|Saturday|11:00 pm.
No comments:
Post a Comment